San Lucas 5:10 - Xochapa Mixteco

¹⁰ Saa tu ra Jacobo va xiꞌin ra Juan, nda seꞌe ra Zebedeo xiꞌin ra Símón, íꞌvi ka vi nda. Saa ndi̱kaꞌan Jesús xiꞌin ra Simón Pedro, káchi ra saa: ―Simón, ku ïꞌvi un, saa chi käꞌni ka un tiaka, taxi i inka chiñu ndaꞌa un, kivi vitin xáa chiñu ya taxi i ndaꞌa un, kuꞌun un ndikaya un naꞌa, ya kundikun na ichí Ndioxi ―káchi Jesús xiꞌin ra.

San Lucas 5:10 Iomraidhean Croise

San Mateo 13:47

Saa ndi̱tuꞌun Jesús inka tuꞌun ndíchi xiꞌin na, káchi ra saa: ―Ichí nuu xáꞌnda chiñu Ndioxi ta tá káa ñunu ya chíkaa na tíin tiaka ini nduta ñûꞌu, saa káa ya, chi ñunu ikán ta kuaꞌa ni nuu tiaka kuakee ini ya.

San Mateo 14:27

Saa kama ni ndi̱kaꞌan Jesús xiꞌin nda, káchi ra saa: ―¡Kündiꞌi ini ndo, chi yeꞌe va ku i, ku ïꞌvi ndo! ―káchi ra xiꞌin nda.

San Mateo 20:20

Saa ku̱yati yá síꞌi ra Zebedeo xiꞌin uvi saa nda seꞌe na, ku̱yati yá xiꞌin nda nuu Jesús si̱kusiti yá nuu ra, ya ndúku yá ya mani nuu ra.

San Mateo 4:19

Saa ndi̱kaꞌan Jesús xiꞌin nda, káchi ra saa: ―Naꞌa ndo kundikun ndo yeꞌe, ta sinaꞌa i ndóꞌo̱ ndá kuꞌva ndikaya ndo naꞌa kundikun na ichí Ndioxi ―káchi Jesús xiꞌin nda.

San Mateo 4:21

Saa xíka ka Jesús kuaꞌan ra ta xi̱ni ra uvi nda taa, ta iin ñani uvi saa nda, ra Jacobo xiꞌin ra Juan, ñani ra, seꞌe ra Zebedeo ku nda. Ndóꞌni nda ini barco síndaꞌa nda ñunu nda. Saa ndi̱kaꞌan Jesús xiꞌin nda, káchi ra saa: ―Naꞌa ndo kundikun ndo yeꞌe ―káchi ra xiꞌin nda.

San Marcos 1:17

Saa ndi̱kaꞌan ra xiꞌin nda, káchi ra saa: ―Naꞌa ndo koꞌyo xiꞌin i, ta yeꞌe taxi i inka chiñu ndaꞌa ndo, ta tïin ka ndo tiaka, sundi ndóꞌo̱ ta kuꞌun ndo kaꞌan ndo xiꞌin naꞌa ya ná kundikun na ichí Ndioxi ―káchi Jesús xiꞌin nda.

San Lucas 5:7

Ta saa i̱kan nda seña nuu nda taꞌan nda, nda ñúꞌu ini inka barco, ya ná kuꞌun nda chindee ñaꞌa nda. Saa ndi̱xaa nda ta̱va nda ya. Si̱kutu ndaa nda uvi saa tun barco xiꞌin ri, siloꞌo ndikava nu ini tikuii chi ku̱u vee nu xiꞌin ri.

San Lucas 5:9

Xaꞌa ya kuaꞌa ni tiaka ti̱in nda yakan ndi̱ndiꞌvi ni ra, saa ndo̱ꞌo ndiꞌi tu nda ítaꞌan xiꞌin va ra, ndi̱ndiꞌvi ni nda xíto nda chu̱tu ndaa tun barco nda xiꞌin tiaka.

San Lucas 6:14

Ta ya yóꞌó ku kivi nda ikán. Iin ra náni Simón, ta ndi̱sama Jesús kivi ra náni ra Pedro, inka ra náni Andrés ñani ra Simón, inka ra náni Jacobo, inka ra náni Juan, inka ra náni Felipe, inka ra náni Bartolomé,

San Juan 21:2

Ta iin káchi íyo ra Simón Pedro xiꞌin ra Tomás, ra káꞌan na xiꞌin Dídimo, xiꞌin inka ra Natanael, ra ñuu Caná, estado Galilea. Saa íyo uvi saa nda seꞌe ra Zebedeo xiꞌin inka uvi nda xi̱taꞌan xiꞌin Jesús.

Los Hechos 2:4

Ta Tachi I̱í Ndioxi kua xa̱a sata iin iin na, ñaa xa̱á iin iin na káꞌan na inka nuu tuꞌun ya káꞌan na inka ñuu. Tá íyo ya ta̱xi Tachi I̱í Ndioxi ndaꞌa na kaꞌan na, saa íyo ya xa̱á na káꞌan na.

2 Corintios 8:23

Ta ndítuꞌun i xiꞌin ndo xaꞌa ra ñani yo, ra Tito, chi ra ñaa ta ra xáa chiñu xiꞌin i ku ra, ya chíndee taꞌan nde xiꞌin ndo. Ta inka nda ñani yo, ta na veꞌe ñuꞌu ku na tíꞌvi nda ñaa xaa nda, ta saa ni ndee ni káñuꞌu nda Tata yo Jesucristo.

2 Timoteo 2:26

Ta saa kuchiñu na kaku na, saña na ndaꞌa kiti nǎꞌa, chi xa si̱kuikun ri na, ta tá íyo na ñúꞌu veꞌe kàà saa íyo na ñúꞌu na ndaꞌa ri, xáa súvi na ya kúni ri.