San Lucas 4:8 - Xochapa Mixteco

⁸ Saa ndi̱kuiin Jesús, káchi ra saa: ―Kuáketa kuáꞌan, saa chi tuꞌun Ndioxi káchi ya saa: “Iindaa mituꞌun mií Ndioxi xaa kaꞌnu i, ta xäa kaꞌnu i inka naꞌa”, káchi tuꞌun ra ―káchi Jesús xiꞌin ri.

San Lucas 4:8 Iomraidhean Croise

San Mateo 16:23

Saa ndi̱ko koo Jesús ndi̱kaꞌan ra xiꞌin ra, káchi ra saa: ―¡Kuataꞌa nuu i, Timiaꞌa! Saa chi sási un nuu i ya ná ïkan i ya kúni Iva i Ndioxi. Chi yóꞌo̱ ta köo ndíkani ini un tá kuꞌva ndíkani ini Ndioxi. Ndíkani ini un tá kuꞌva ndíkani ini na ñuu ivi yóꞌó va ―káchi Jesús xiꞌin ra Pedro.

San Mateo 4:10

Saa ndi̱kuiin Jesús, ndi̱kaꞌan ra xiꞌin ri, káchi ra saa: ―¡Kuataꞌa, keta kuáꞌan, kiti nǎꞌa! saa chi tuꞌun Ndioxi káchi ya saa: “Ndisaa Ndioxi xaa toꞌo naꞌa, ta ndisaa mií ra kandixa na”, káchi tuꞌun ra ―káchi Jesús xiꞌin kiti nǎꞌa.

San Lucas 4:4

Saa ndi̱kuiin Jesús, káꞌan ra: ―Tuꞌun Ndioxi káchi ya saa: “Süvi iindaa ya kuxi yo saa kutaku yo. Kandixa yo ndiꞌi tuꞌun Ndioxi ta saa kutaku yo”, káchi tuꞌun ra ―káchi Jesús xiꞌin ri.

San Lucas 4:7

Tá tu ná xaa kaꞌnu un yeꞌe, ta taxi ndiꞌi i ñaꞌa ndaꞌa un, ñaꞌa mií un nduu ndiꞌi ya ―káchi ri xiꞌin ra.

Santiago 4:7

Yakan nditaxi ndiꞌi ndo mií ndo ndaꞌa Iva yo Ndioxi, ndaku koo ini ndo, täxi ndo sindaꞌvi kiti nǎꞌa ndóꞌo̱, ni xäa súvi ndo ndá ka ya káꞌan ri, ta saa kutaꞌa ri, saa kuxiyo ri kuꞌun ri.

1 Pedro 5:9

Ndaku ni koo ini ndo, tuun ni kundaa ini ndo Tata yo Jesucristo, täxi ndo keꞌe ri nǎꞌa ndóꞌo̱. Chi tá kuꞌva ndóꞌo ndóꞌo̱, saa ndóꞌo ndiꞌi ni kúu na taꞌan yo, na kándixa Tata yo Jesucristo na ndóo ndiꞌi saa kúu xaꞌa ñuu ivi.

El Apocalipsis 19:10

Saa si̱kusiti i nuu tatun ikán ya xaa toꞌo ñaꞌa i, ta ndi̱kaꞌan ya xiꞌin i, káchi ya saa: ―Ïkan un saa, küsiti un nuu i, chi tá kuꞌva íyo mií un xáa chiñu un xiꞌin na ñani un na ndíkun Tata yo Jesucristo saa íyo tu yeꞌe va. Chi yo xáa chiñu nuu Ndioxi ku ndiꞌi yo, saa kándixa yo tuꞌun ya ndaa ya ndi̱kaꞌan Tata yo Jesucristo, ta ná sïndoo yo ya kándixa yo tuꞌun ra. Yakan küsiti un nuu i, iin mií Ndioxi ná xaa kaꞌnu ni yo. Chi tuꞌun ya si̱naꞌa Tata yo Jesucristo, ta iin káchi ku ya xiꞌin tuꞌun ya ndi̱kaꞌan nda ndi̱kaꞌan ndoso tuꞌun yuꞌu Ndioxi xinaꞌa, chi mií Tachi I̱í Ndioxi ta̱xi ya ndaꞌa nda ikán ndi̱kaꞌan nda ―káchi tatun ikán xiꞌin i.

El Apocalipsis 22:9

Saa ndi̱kaꞌan tatun ikán xiꞌin i, káchi ya saa: ―Ïkan un saa, küsiti un nuu i. Saa chi tá káa mií un xiꞌin nda ñani un nda káꞌan ndoso tuꞌun yuꞌu Ndioxi tin ndiꞌi na xáa súvi ya káꞌan tuꞌun ya íyo nuu tutu yóꞌó, tá íin ndóꞌo̱, saa káa tu yeꞌe va. Yakan xäa kaꞌnu un yeꞌe, chi ndisaa mií Ndioxi ku ra xíniñuꞌu yo xaa kaꞌnu yo ―káchi tatun Ndioxi xiꞌin i.