San Lucas 4:7 - Xochapa Mixteco

⁷ Tá tu ná xaa kaꞌnu un yeꞌe, ta taxi ndiꞌi i ñaꞌa ndaꞌa un, ñaꞌa mií un nduu ndiꞌi ya ―káchi ri xiꞌin ra.

San Lucas 4:7 Iomraidhean Croise

San Mateo 2:11

Tá ndi̱kiꞌvi nda ini veꞌe, saa xi̱ni nda íyo yá María, xiꞌin ra loꞌo seꞌe yá, saa si̱kusiti nda xáa kaꞌnu nda ra loꞌo ikán. Saa xu̱na nda xatun vali ndíso nda, ta ta̱va nda kàà oro xiꞌin xuxa ya yaꞌvi ni ta tami ni xaꞌan ya, xiꞌin nduta tami xaꞌan, rá náni mirra. Ndiꞌi ya yóꞌó si̱niꞌi nda nuu ra loꞌo ikán.

San Lucas 17:16

Ñaa si̱kusiti ra nuu Jesús. Nda nuu ñuꞌú ndi̱kuita ndee ra táxi ra tixaꞌvi ndaꞌa ra. Ta ni süvi ra Israel ku ra, ra ñuu Samaria ku ra.

San Lucas 4:6

Saa ndi̱kaꞌan kiti nǎꞌa xiꞌin ra, káchi ri saa: ―Tá tu ná kusiti un nuu i xaa kaꞌnu un yeꞌe, ta taxi i ichí ndaꞌa un ya koo un ra kaꞌnu nuu ndiꞌi ñuu ya íyo ñuu ivi yóꞌó, taxi i ya kuika tin ndiꞌi ka ñaꞌa taxi i ndaꞌa un, saa chi ndaꞌa mií i íyo ndiꞌi ya, ta kúu mií i ichí taxi i ya ndaꞌa na kúni mií i ―káchi ri xiꞌin ra.

San Lucas 4:8

Saa ndi̱kuiin Jesús, káchi ra saa: ―Kuáketa kuáꞌan, saa chi tuꞌun Ndioxi káchi ya saa: “Iindaa mituꞌun mií Ndioxi xaa kaꞌnu i, ta xäa kaꞌnu i inka naꞌa”, káchi tuꞌun ra ―káchi Jesús xiꞌin ri.

San Lucas 8:28

Ñaa tá xi̱ni ra Jesús ta ndi̱xaa ra si̱kusiti ra nuu ra, ndi̱ndaꞌi koꞌo ra, káchi ra saa: ―Tata, ¿unkua kúni un ikan un xiꞌin i? Chi yóꞌo̱ ku Jesús, Seꞌe Ndioxi ra kaꞌnu nuu i. Xáku ndaꞌvi ni i nuu un xäa nduvaꞌa un xiꞌin i ―káchi ra xiꞌin Jesús.

El Apocalipsis 22:8

Yeꞌe Juan ku yeꞌe xi̱ni ndiꞌi ya yóꞌó tin xi̱ni soꞌo i ya. Tá ndi̱ꞌi xi̱ni soꞌo i tin xi̱ni i ndiꞌi ya si̱naꞌa Ndioxi nuu i, saa si̱kusiti i nda nuu ñuꞌú nuu ndíchi tatun Ndioxi ya si̱naꞌa ndiꞌi ñaꞌa nuu i xiꞌin ya xi̱ni soꞌo i, si̱kusiti i ya xaa kaꞌnu i ya.

El Apocalipsis 4:10

Ta iin káchi káꞌan kumi saa ya táku ikán xáa kaꞌnu ya Ndioxi, ta saa tu oko kumi saa na xikuaꞌa, na ndi̱kava nduu ndóo sata tai ra, síkusiti na nuu ra xáa kaꞌnu ñaꞌa na, ta ki̱ndaa na corona ya oro ínuu xiní na, ki̱ꞌin na ya chi̱ndoo na nuu ra, ya xáa kaꞌnu ñaꞌa na, saa káꞌan na xiꞌin ra káchi na saa:

El Apocalipsis 5:8

Tá ti̱in soꞌva ri tutu ikán, ta ndikun si̱kusiti kumi saa ya táku ikán xiꞌin oko kumi saa na xikuaꞌa, si̱kusiti na nuu kiti Levo loꞌo ikán. Ta níꞌi iin iin na xikuaꞌa ikán itun arpa xiꞌin iin koꞌo chôꞌma ya oro nuu xíxi xuxa vaꞌa ya támi ni xáꞌan, ta iꞌma kána koo ini ya ikán kua káꞌan xaꞌa tuꞌun ya káꞌan naꞌa, na i̱í xiꞌin Ndioxi.