San Lucas 4:43 - Xochapa Mixteco

⁴³ Saa ndi̱kaꞌan ra xiꞌin na, káchi ra saa: ―Xíniñuꞌu i kuꞌun i inka ñuu ndi̱tuꞌun i tuꞌun vaꞌa xiꞌin inka naꞌa ndá kuꞌva kua kuchiñu kaꞌnda chiñu Ndioxi nima na, saa chi xaꞌa ya ikán kua ti̱ꞌvi ra yeꞌe vaxi i ñuu ivi yóꞌó ―káchi ra xiꞌin na.

San Lucas 4:43 Iomraidhean Croise

San Mateo 4:23

Saa xíka Jesús ndiꞌi ni kúu ñuu ya ñúꞌu estado Galilea, ta sínaꞌa ra ini veꞌe ñuꞌu sinagoga, saa káꞌan ndoso ra tuꞌun vaꞌa xaꞌa ichí ya xáꞌnda chiñu Ndioxi, ta si̱ndaꞌa ra naꞌa, na ndee ndóꞌo̱ xiꞌin ndiꞌi saa nuu kueꞌe.

San Marcos 1:35

Xitaan ni tá täꞌan tuvi, saa ndi̱koo Jesús kuaꞌan ra iin ñaꞌñu nuu köo nda iin naꞌa. Kuaꞌan ra kaꞌan ra xiꞌin Ndioxi.

San Juan 20:21

Saa ndi̱kaꞌan tuku Jesús xiꞌin nda, káchi ra saa: ―Ná koo vaꞌa ni ini ndo. Tá kuꞌva ti̱ꞌvi Iva i yeꞌe, saa tíꞌvi i ndóꞌo̱ kuꞌun ndo vitin ―káchi ra xiꞌin nda.

San Juan 9:4

Ta xíniñuꞌu i xaa súvi i chiñu ra ti̱ꞌvi yeꞌe vaxi i, chi vitin ta tá káa nduvi saa káa ya, ta vaxi kivi ta tá káa ñuu saa nduu ya, ta nda iin naꞌa küchiño xaa chiñu.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

2 Timoteo 4:2

ya ná chikaa ni un ndee ya kaꞌan ndoso un tuꞌun ra xiꞌin naꞌa ndiꞌi saa kivi. Koo ndúvi un kaꞌan un xiꞌin na tá kivi vaꞌa ni kúni un án tá väꞌa kúni un. Ta teꞌe kaꞌan un xiꞌin na, sinaꞌa un na ya ná kundaa ini na xaꞌa ya väꞌa kéꞌe na, ta kaꞌan xiꞌin na ná sindoo na ya, saa xaꞌa ni un ndee xiꞌin na ya ná kundikun vaꞌa na ichí Tata yo Jesucristo. Ta toꞌo kaꞌan un xiꞌin na sinaꞌa un na, kaꞌnu koo ini un xiꞌin na.