San Lucas 4:42 - Xochapa Mixteco

⁴² Tá ndi̱tuvi inka kivi, ta ke̱e Jesús kuaꞌan ra iku yuyu. Saa tá xi̱ni na ndíkun sata ra ya köo ra, ta xa̱á na ndúku ñaꞌa na. Saa ndi̱taꞌan na ra, ta ndi̱kaꞌan na xiꞌin ra ya ná sïndoo ra na.

San Lucas 4:42 Iomraidhean Croise

San Marcos 1:45

Saa ke̱e ra ikán kuaꞌan ra, sundi köo ndi̱xaa ndúvi ra ya ndi̱kaꞌan Jesús xiꞌin ra. Saa chi tá kuaꞌan ra ichí, ta xa̱á ra ndítuꞌun ndiꞌi ra xiꞌin na ya si̱ndaꞌa Jesús ra. Xaꞌa ya ikán kua köo ndi̱kuchiñu ka kiꞌvi Jesús nda iin ñuu. Ndá nuu ñuu, nuu köo naꞌa kua xíka ra. Ta saa ni kuaꞌan ni naꞌa nuu ra, ndiꞌi kúu ñaꞌñu kée na xáa nuu ra.

San Lucas 24:29

Ta saa xa̱ku ndaꞌvi nda nuu ra káchi nda saa: ―Yóꞌó ndoo un xiꞌin nde, saa chi xa xikuaa ni kua, ta xa kama ni va kuñuu ―káchi nda xiꞌin ra. Saa ndi̱ndoo ra xiꞌin nda.

San Lucas 6:12

Iin kivi ikán ke̱e Jesús kuaꞌan ra iin iku kaꞌan ra xiꞌin Ndioxi, ta iniun ñǔu ndi̱kaꞌan ra xiꞌin Ndioxi.

San Juan 4:34

Ta saa ndi̱kuiin Jesús káꞌan ra xiꞌin nda, káchi ra saa: ―Tá káa ñaꞌa ya xíxi i saa káa ya xáa súvi ndiꞌi i ya kúni Ndioxi ta ndakua sixinu ndiꞌi i chiñu ya ta̱xi ra ndaꞌa i.

San Juan 4:40

Ñaa ndi̱xaa mií na ñuu Samaria nuu Jesús ta ndi̱xikan na ya mani nuu ra ya ndoo ra xiꞌin na, saa ndi̱ndoo ra xiꞌin na uvi kivi.

San Juan 6:24

saa tá xi̱ni naꞌa ya köo Jesús, ta ni nda ítaꞌan xiꞌin ra köo ndi̱xini na, saa nda̱a na sata barco tun ndi̱xaa ikán, kuaꞌan na nduku ñaꞌa na chí ñuu Capernaum.