San Lucas 4:41 - Xochapa Mixteco

⁴¹ Ta kuaꞌa ni na kúu mií tachi nduvaꞌa ta̱va ra ya kúu mií na ndi̱ndaꞌi koꞌo ya, káchi ya saa: ―¡Yóꞌo̱ ku Seꞌe Ndioxi! ―káchi ya xiꞌin ra. Ta xa̱ꞌnda Jesús chiñu nuu ya ná kutaxin yuꞌu ya, köo ndi̱taxi ra kaꞌan ya, saa chi xíni ya, ya ti̱ꞌvi Ndioxi ra vaxi ra ñuu ivi yóꞌó ya sikaku ra na ivi.

San Lucas 4:41 Iomraidhean Croise

San Mateo 26:63

Ta ni köo ndi̱kuiin Jesús. Saa ndi̱kaꞌan mií ra ínuu nuu ndiꞌi sutu xiꞌin ra, káchi ra saa: ―Káꞌan i xiꞌin un, vaꞌa chinaꞌa un tixin yuꞌu Ndioxi ra chee, ta kaꞌan un ya ndaa xiꞌin nde, ¿án ra Cristo ti̱ꞌvi Ndioxi vaxi ku un? Ta ¿án ndixa Seꞌe Ndioxi ku yóꞌo̱? ―káchi ra xiꞌin Jesús.

San Mateo 4:3

Saa ndi̱xaa kiti nǎꞌa xíto ndoso ñaꞌa ri, káchi ri saa: ―Tá tu ndixa Seꞌe Ndioxi ku yóꞌo̱, ta vaꞌa kaꞌan un xiꞌin yu̱ú yóꞌó ná nduu ya xita vaꞌa ―káchi ri xiꞌin ra.

San Mateo 8:16

Tá ku̱ñuu ta ndi̱xaa kuaꞌa ni naꞌa xiꞌin na kúu mií tachi nduvaꞌa. Saa ndi̱kaꞌan Jesús tuꞌun xa̱ꞌnda chiñu ra nuu tachi nduvaꞌa ikán ya ná kee ya kuꞌun ya, ta ke̱e ya kuaꞌan ya. Saa si̱ndaꞌa ra ndiꞌi na kúꞌvi.

San Mateo 8:29

Ñaa iin ndi̱ndaꞌi koꞌo uvi saa nda, káchi nda saa: ―¿Unkua kúni un ikan un xiꞌin nde, Jesús? Kïꞌvi un xiꞌin nde saa chi Seꞌe Ndioxi ku yóꞌo̱. ¿Án xa̱a un ya xaa nduvaꞌa un xiꞌin nde, yachi ka tá täꞌan tindaa tiempo? ―káchi nda xiꞌin Jesús.

San Mateo 8:4

Saa ndi̱kaꞌan Jesús xiꞌin ra, káchi ra saa: ―Kuáꞌan, ta koto un käꞌan un xiꞌin nda iin naꞌa. Kuáꞌan nuu sutu ta kuniꞌi un ndiꞌi ñaꞌa ya káꞌan ley Ndioxi ta̱a ra Moisés, taxi un ya ndaꞌa sutu ya ná kundaa ini ndiꞌi naꞌa ya ndu̱vaꞌa un ―káchi Jesús xiꞌin ra.

San Marcos 1:25

Saa ndi̱kuiin Jesús ndi̱ndaꞌi ra xiꞌin tachi ikán, káchi ra saa: ―Kutaxin yuꞌu un, ta keta kuáꞌan ―káchi ra xiꞌin ya.

San Marcos 1:32

Tá kuaꞌan kúxikuáa, tá xa ndi̱keta ñu̱ꞌù, saa ndáka naꞌa na kúꞌvi xiꞌin na kúu mií tachi nduvaꞌa, ndáka ñaꞌa na ndi̱xaa na nuu Jesús.

San Marcos 1:34

Kuaꞌa ni nuu kueꞌe kúu mií na ndi̱xaa nuu ra, ta sava na kúu mií tachi nduvaꞌa, ta iin si̱ndaꞌa ndiꞌi ra na. Ta̱va ndiꞌi ra tachi nduvaꞌa ku̱u mií na, ta köo ndi̱taxi ra kaꞌan tachi nduvaꞌa, saa chi xa xíni vaꞌa ya kúu ra Seꞌe Ndioxi.

San Marcos 3:11

Naꞌa na kúu mií tachi nduvaꞌa, tá xi̱ni na Jesús, ta xa̱á na síkusiti na nuu ra, iin ndáꞌi koꞌo na íkan mií tachi nduvaꞌa ikán, saa káꞌan na: ―¡Yóꞌo̱ kú Seꞌe Ndioxi! ―káchi na xiꞌin ra.

San Lucas 4:39

Saa ndi̱xaa ra ndi̱kuita ndee ra yuꞌu xito yá ñaa xa̱ꞌnda ra chiñu nuu kueꞌe ikán ya ná kee ya kuꞌun ya, ta ndikun si̱yaa ya xiꞌin yá, ndu̱vaꞌa yá. Saa ndi̱koo yá, xa̱á yá xáa ndúvi yá kuxi na.

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

Santiago 2:19

Ta vaꞌa ni va íkan ndo xaꞌa ya kándixa ndo iindaa kú Ndioxi, túvi ndo. Ta ¿án köo xíni ndo nda mií kiti nǎꞌa ta kuꞌva saa íkan ri kándixa ri ya íyo iindaa Ndioxi, ta nda kísi ni̱nù ñaꞌa ya, xaꞌa ya íꞌvi ri.