San Lucas 4:4 - Xochapa Mixteco

⁴ Saa ndi̱kuiin Jesús, káꞌan ra: ―Tuꞌun Ndioxi káchi ya saa: “Süvi iindaa ya kuxi yo saa kutaku yo. Kandixa yo ndiꞌi tuꞌun Ndioxi ta saa kutaku yo”, káchi tuꞌun ra ―káchi Jesús xiꞌin ri.

San Lucas 4:4 Iomraidhean Croise

San Mateo 4:4

Saa ndi̱kuiin Jesús ndi̱kaꞌan ra, káchi ra saa: ―Tuꞌun Ndioxi káchi ya saa: “Süvi ndisaa ya kuxi naꞌa saa kutaku na. Xíniñuꞌu tu na kandixa ni na tuꞌun Ndioxi va saa kutaku na”, káchi tuꞌun Ndioxi ―káchi Jesús xiꞌin kiti nǎꞌa.

San Mateo 6:31

Kündiꞌi ka ini ndo kaꞌan ndo, mií kee ñaꞌa kuxi yo, ta mií kee ñaꞌa koꞌo yo, ta mií kee toto kundixi yo, kachi ndo.

San Lucas 22:35

Saa ku̱u ta ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Ndikaꞌán ndo, yachi tá ti̱ꞌvi i ndóꞌo̱ ndi̱xika ndo ndi̱kaꞌan ndoso ndo tuꞌun Ndioxi xiꞌin naꞌa iin iin ñuu, ta köo leka ndo ndi̱xaꞌan xiꞌin ndo, ni xuꞌun, ni nduxan ya ndinama ndo köo ndi̱xaꞌan xiꞌin ndo, ta ¿án ndá ñaꞌa ku̱mani nuu ndo? ―káchi ra xiꞌin nda. Saa ndi̱kuiin nda, káchi nda saa: ―Nda iin ñaꞌa köo ndi̱kumani nuu nde, Tata ―káchi nda.

San Lucas 4:10

Saa chi saa káꞌan tuꞌun Ndioxi, káchi ya saa: Tiꞌvi ra na tatun ra ya chindee na yóꞌo̱, ta kundaa na yóꞌo̱.

San Lucas 4:3

Ta saa ndi̱kaꞌan kiti nǎꞌa xiꞌin ra ya xíto ndoso ri ra, káchi ri saa: ―Tá tu ndixa Seꞌe Ndioxi ku yóꞌo̱, ta kaꞌan xiꞌin yu̱ú yóꞌó ná nduu ya xita vaꞌa ―káchi ri xiꞌin ra.

San Lucas 4:8

Saa ndi̱kuiin Jesús, káchi ra saa: ―Kuáketa kuáꞌan, saa chi tuꞌun Ndioxi káchi ya saa: “Iindaa mituꞌun mií Ndioxi xaa kaꞌnu i, ta xäa kaꞌnu i inka naꞌa”, káchi tuꞌun ra ―káchi Jesús xiꞌin ri.

Efesios 6:17

Saa tu tá kuꞌva íkan nda lapa ñúꞌu ñaꞌa xi̱ní nda ya ndási ya xi̱ní nda, kuꞌva saa xíniñuꞌu ndo kundaa ni ini ndo ya íyo ndee Jesucristo xiꞌin ndo ya sikaku ya ndóꞌo̱ nuu ya väꞌa. Saa tu tá kuꞌva íkan nda lapa xa íyo ndúvi nda xiꞌin i̱chi nda, kuꞌva saa xíniñuꞌu ndo koo ndúvi ndo xiꞌin tuꞌun Ndioxi ya táxi Tachi I̱í ra ndaꞌa ndo.