San Lucas 4:34 - Xochapa Mixteco

³⁴ ―¿Unkua kúni un ikan un xiꞌin nde Jesús ra ñuu Nazaret? ¿Án vaxi un sindiꞌi xaꞌa un ndeꞌe? Saa chi xíni va i yóꞌó. Yóꞌo̱ ku ra i̱í, ra ke̱e nuu Ndioxi ―káchi ri xiꞌin Jesús.

San Lucas 4:34 Iomraidhean Croise

San Mateo 8:29

Ñaa iin ndi̱ndaꞌi koꞌo uvi saa nda, káchi nda saa: ―¿Unkua kúni un ikan un xiꞌin nde, Jesús? Kïꞌvi un xiꞌin nde saa chi Seꞌe Ndioxi ku yóꞌo̱. ¿Án xa̱a un ya xaa nduvaꞌa un xiꞌin nde, yachi ka tá täꞌan tindaa tiempo? ―káchi nda xiꞌin Jesús.

San Marcos 1:24

―Yóꞌo̱ ku Jesús, ra ñuu Nazaret, ta ¿ndachu kuakiꞌvi un xiꞌin nde? ¿Án vaxi un sindiꞌi xaꞌa un ndeꞌe? Chi yeꞌe ta xíni vaꞌa i yóꞌo̱, yóꞌo̱ ku ra i̱í, ra ke̱e nuu Ndioxi ―káchi ya xiꞌin ra.

San Marcos 1:34

Kuaꞌa ni nuu kueꞌe kúu mií na ndi̱xaa nuu ra, ta sava na kúu mií tachi nduvaꞌa, ta iin si̱ndaꞌa ndiꞌi ra na. Ta̱va ndiꞌi ra tachi nduvaꞌa ku̱u mií na, ta köo ndi̱taxi ra kaꞌan tachi nduvaꞌa, saa chi xa xíni vaꞌa ya kúu ra Seꞌe Ndioxi.

San Marcos 5:7

Iin ndáꞌi koꞌo mií ra, káchi ra saa: ―Tata, ¿unkua kúni un ikan un xiꞌin i? Chi yóꞌo̱ ku Jesús Seꞌe Ndioxi ra kaꞌnu. Xáku ndaꞌvi i nuu un, xäa nduvaꞌa un xiꞌin i ―káchi ra xiꞌin Jesús.

San Lucas 1:35

Saa ndi̱kuiin tatun Ndioxi, káchi ya saa: ―Käka ini un chi mií Tachi I̱í Ndioxi ku ya kixi sata un, tá káa vikó saa koo ndee Ndioxi ra Chee ni kixi ya ndikasi ya yóꞌo̱, ñaa kee mií seꞌe un. Yakan kua koo ra, ra i̱í, saa kunani ra Seꞌe Ndioxi.

San Lucas 4:33

Ta saa íyo iin ra kúu mií tachi nduvaꞌa, ini veꞌe ñuꞌu sinagoga ikán ta ndee ni ndi̱ndaꞌi koꞌo ra nuu Jesús, káchi ra saa:

San Lucas 4:41

Ta kuaꞌa ni na kúu mií tachi nduvaꞌa ta̱va ra ya kúu mií na ndi̱ndaꞌi koꞌo ya, káchi ya saa: ―¡Yóꞌo̱ ku Seꞌe Ndioxi! ―káchi ya xiꞌin ra. Ta xa̱ꞌnda Jesús chiñu nuu ya ná kutaxin yuꞌu ya, köo ndi̱taxi ra kaꞌan ya, saa chi xíni ya, ya ti̱ꞌvi Ndioxi ra vaxi ra ñuu ivi yóꞌó ya sikaku ra na ivi.

San Lucas 8:28

Ñaa tá xi̱ni ra Jesús ta ndi̱xaa ra si̱kusiti ra nuu ra, ndi̱ndaꞌi koꞌo ra, káchi ra saa: ―Tata, ¿unkua kúni un ikan un xiꞌin i? Chi yóꞌo̱ ku Jesús, Seꞌe Ndioxi ra kaꞌnu nuu i. Xáku ndaꞌvi ni i nuu un xäa nduvaꞌa un xiꞌin i ―káchi ra xiꞌin Jesús.

San Lucas 8:37

Ta ndiꞌi na ñuu Gadara xiꞌin inka ka na ñuu vali ya ítaꞌan yati xiꞌin ya, ndi̱xikan na ya mani nuu Jesús ya ná keta ra ñuu na kuꞌun ra chi yáꞌa ni íꞌvi na. Ta saa ndi̱kiꞌvi Jesús ini tun barco xiꞌin nda ítaꞌan xiꞌin ra ndi̱kiꞌin nda kuaꞌan nda.

Los Hechos 16:39

Saa ndi̱xaꞌan na chiñu ikán ndi̱xikan na ya mani nuu ra Pablo xiꞌin ra Silas. Ñaa ndi̱xikan na ya mani nuu nda ya ná kee nda ñuu ikán.

Los Hechos 2:27

chi ndáa ni ini i yóꞌo̱, Tata Ndioxi, ta xíni i täxi un ndoo ikin kuñu i ndikaa ya tixin ñuꞌú nuu ñúꞌu na ndíi. Ta ni täxi un taꞌi kuñu i, chi ra i̱í ku i.

Los Hechos 3:14

Sundi ndóꞌo̱ ta köo ndi̱xiin ndo saña ra vaꞌa, ra i̱í ni, chi ra xa̱ꞌni ndìì va ku ra ndi̱kaꞌan ndo xaꞌa saña.

Los Hechos 4:27

’Ta vitin ku nuu ti̱ndaa kivi ndi̱xinu ya ndi̱kaꞌan ra rey David, saa chi ra rey Herodes xiꞌin ra Poncio Pilato iin káchi ndi̱kitaꞌan nda ñuu yóꞌó, xiꞌin na inka ñuu na köo kúu judío xiꞌin sava na ñuu Jerusalén yóꞌó. Iin yuꞌu ku̱u na xiꞌin taꞌan na ndu̱ku na kuꞌva xa̱ꞌni na Jesús ra i̱í, ra kúu mií ichí un ya ta̱xi un ndaꞌa ra, Iva yo Ndioxi.

HEBREOS 2:14

Tá kúu seꞌe na iva siꞌí, iin nuu ku ikin kuñu ndiꞌi na ta iin nuu kuu tu nií va na. Ta saa xi̱niñuꞌu Tata yo Jesús ndu̱u ra, ra ivi taꞌan mií yo, ndi̱xiyo ikin kuñu ra ta ku̱u mií ra nií taꞌan yoo, saa ndi̱xiꞌi ra xaꞌa ya ikán kua ku̱chiñu ra si̱ndiꞌi xaꞌa ra ndee kiti nǎꞌa ya xáꞌni ndìì.

Santiago 2:19

Ta vaꞌa ni va íkan ndo xaꞌa ya kándixa ndo iindaa kú Ndioxi, túvi ndo. Ta ¿án köo xíni ndo nda mií kiti nǎꞌa ta kuꞌva saa íkan ri kándixa ri ya íyo iindaa Ndioxi, ta nda kísi ni̱nù ñaꞌa ya, xaꞌa ya íꞌvi ri.

1 Juan 3:8

Na köo xíin sindoo ya väꞌa, na ikan ku seꞌe kiti nǎꞌa, chi kiti nǎꞌa nda kivi xaꞌa vi i̱kan ri ya väꞌa yakan kua ki̱xi Seꞌe Ndioxi si̱ndiꞌi xaꞌa ra ya íkan ri.

El Apocalipsis 20:2

Saa ti̱in tatun ikán kiti ko̱ó nǎꞌa, ri kúu ko̱ó yata. Ri ikán ku kiti nǎꞌa ri ínuu nuu ndiꞌi tachi nduvaꞌa, ta Satanás ku kivi ri ikán. Saa ka̱tun tatun ri xiꞌin cadena níꞌi ya, ya kunuꞌni ri iin mil kuiya.

El Apocalipsis 3:7

Saa ndi̱kaꞌan tuku ra xiꞌin i, káchi ra saa: ―Taa un tuꞌun yóꞌó nuu tutu ya kuꞌun ndaꞌa tatun Ndioxi, ya ndáa naꞌa, na kándixa yeꞌe, ta ndíkitaꞌan na ñuu Filadelfia xáa kaꞌnu na Ndioxi. Yeꞌe káꞌan xiꞌin ndo ku ra i̱í, ra ndixa ni ndaa. Yeꞌe ku ra níꞌi llave ya ku̱u mií ra rey David. Tá xúna i yéꞌe, ta nda iin na küchiñu ndikasi ya. Tá ndíkasi i ya ta nda iin na küchiñu kuna ya.