San Lucas 4:23 - Xochapa Mixteco

²³ Ta saa ndi̱kaꞌan Jesús xiꞌin na, káchi ra saa: ―Xa ku̱ndaa va ini i chi vaxi kivi ta kaꞌan ndo xiꞌin i tá káchi na káꞌan: “Ndotor, xaa tatan un mií un”, kachi ndo. Ta saa kaꞌan ka ndo: “Án su yóꞌó ku ra i̱kan kuaꞌa ni ya vaꞌa ñuu Capernaum, ta vaꞌa ná ikan tu un taꞌan ya i̱kan un ñuu ikán ñuu un yóꞌó va”, kachi ndo xiꞌin i ―káchi Jesús xiꞌin na.

San Lucas 4:23 Iomraidhean Croise

San Mateo 13:54

Ndi̱xaa ra ñuu mií ra, saa xa̱á ra sínaꞌa ra veꞌe ñuꞌu sinagoga. Ta ndi̱kanda ni ini na, saa xa̱á káꞌan sava na, káchi na saa: ―¿Mií kua si̱kuaꞌa ra yóꞌó xíni ni ra? ¿Ta mií ke̱e ndee íkan ra yatuꞌun xiꞌin naꞌa?

San Mateo 4:13

Ta köo ndi̱ndoo ra koo ra ñuu ra Nazaret, chi ikán ke̱e ra kuaꞌan ra koo ra ñuu Capernaum ya ndíkaa yati yuꞌu nduta ñûꞌu, ñaꞌñu nuu ndóo nda seꞌe sikua ra Zabulón xiꞌin ra Neftalí.

San Mateo 4:23

Saa xíka Jesús ndiꞌi ni kúu ñuu ya ñúꞌu estado Galilea, ta sínaꞌa ra ini veꞌe ñuꞌu sinagoga, saa káꞌan ndoso ra tuꞌun vaꞌa xaꞌa ichí ya xáꞌnda chiñu Ndioxi, ta si̱ndaꞌa ra naꞌa, na ndee ndóꞌo̱ xiꞌin ndiꞌi saa nuu kueꞌe.

San Marcos 6:1

Saa ke̱e Jesús ñuu ikán, ta ndi̱ko koo ra ndi̱xaa ra ñuu ra xiꞌin nda ítaꞌan xiꞌin ra.

San Lucas 2:39

Sindiꞌi tá xa̱a súvi ndiꞌi na ya ndi̱kaꞌan Ndioxi ya ta̱a ra Moisés, ta saa ndi̱ko koo na kuanuꞌu na ñuu Nazaret ya ndíkaa estado Galilea.

San Lucas 2:51

Sundi siꞌí ra ta chívaꞌa ndiꞌi yá tuꞌun ikán nima yá. Ñaa ke̱e ra ñuu Jerusalén, ndi̱kiꞌin ra kuanuꞌu ra xiꞌin iva siꞌí ra nda ñuu Nazaret. Ta ndiꞌi saa kivi xíni soꞌo ndiꞌi ra ya káꞌan iva siꞌí ra xiꞌin ra.

San Lucas 4:16

Saa ndi̱ko koo Jesús ndi̱xaa ra ñuu Nazaret nuu xa̱ꞌnu ra. Ta ke̱e ra kuaꞌan ra veꞌe ñuꞌu kivi i̱í ndíkundee na, saa chi saa ini ra. Tá ndi̱xaa ra ini veꞌe ñuꞌu sinagoga ikán, ta ndi̱kundichi ra kaꞌvi ra tuꞌun Ndioxi.

San Lucas 4:31

Saa ndi̱kiꞌin tuku Jesús kuaꞌan ra ñuu Capernaum ya ndíkaa estado Galilea, ñaa xa̱á ra sínaꞌa ra ini veꞌe ñuꞌu ikán kivi ndíkundee na.

San Lucas 4:35

Ta saa ndi̱ndaꞌi ra xiꞌin ri, kachi ra saa: ―Kasi yuꞌu un, ta saña ra, tïin ka un ra ―káchi Jesús xiꞌin ri. Ñaa chi̱ndaꞌa ri ra ndi̱kava ra nda nuu ñuꞌú. Ta saa ke̱e tachi nduvaꞌa kuaꞌan ya, nda iin ka ya köo ndi̱ndoꞌo ra.

San Lucas 6:42

Käꞌan ndo xiꞌin ñani ndo: “Kundatun naꞌa un ná tava i xeꞌe ndíkaa nuu un”, kachi ndo. Saa chi chee ni ka itun viga ndíkaa nuu mií ndo. ¡Ndóꞌo̱ uvi yuꞌu ku ndóꞌo̱! Xiꞌna tava ndo itun ndíkaa nuu mií ndo, ta saa kuchiñu ndo tava ndo xeꞌe loꞌo ya ndíkaa nuu ñani ndo ―káchi Jesús xiꞌin na.

San Juan 4:28

Ta saa si̱ndoo yá yoo yá, ta ndi̱kiꞌin yá kuaꞌan yá ndituꞌun yá xiꞌin na ñuu yá, káchi yá saa:

2 Corintios 5:16

Ta vitin xiꞌin ndiꞌi saa kivi ya vaxi, ta ndeꞌe ta xa si̱ndikoo nde ya ndíkani ini nde xaꞌa inka naꞌa, köo íkan ka nde tá kuꞌva íkan na ñuu ivi yóꞌó. Ya ndixa kua saa ndi̱kani ini nde xaꞌa na yachi tá täꞌan kundikun nde Jesucristo. Nda ni mií ra ta saa ndi̱kani ini nde xaꞌa ra, ta vitin ta köo ndíkani ka ini nde xaꞌa ra kuꞌva saa.