San Lucas 4:22 - Xochapa Mixteco

²² Ta ndiꞌi na xi̱ni soꞌo ya ndi̱kaꞌan ra vaꞌa ka vi káꞌan na xaꞌa ra. Saa ndi̱kanda ni ini na ndóo na, chi vaꞌa ni káꞌan ra. Ñaa ndi̱ndakan tuꞌun taꞌan na, káchi na saa: ―¿Án süvi seꞌe ra José ku ra yóꞌó? Ta ¿ndachu vaꞌa xíni ni ra? ―káchi na.

San Lucas 4:22 Iomraidhean Croise

San Lucas 2:47

Ta ndiꞌi nda ndi̱kanda ni ini xaꞌa ya káꞌan ra, saa chi xíni ni ra ta vaꞌa ni ndíkuiin ra yuꞌu nda maestro ikán.

San Lucas 2:48

Ta saa xa̱a iva siꞌí ra nuu índuꞌu ra, ndi̱kanda ni ini na xiꞌin ra. Ñaa ndi̱kaꞌan siꞌí ra xiꞌin ra, káchi yá saa: ―¿Ndachu i̱kan un saa xiꞌin nde, iva? Tata un tin yeꞌe ndúku ka vi nde yóꞌo̱, saa ndíꞌi ka vi ini nde xaꞌa un ―káchi yá xiꞌin ra.

San Lucas 21:15

chi mií i chindee ndóꞌo̱, taxi i tuꞌun ndaꞌa ndo kaꞌan ndo xiꞌin na. Ndíchi ni koo tuꞌun taxi i ndaꞌa ndo kaꞌan ndo xiꞌin na ta ni küchiñu na ndikuiin na yuꞌu ndo, chi vaꞌa ni kaꞌan ndo.

San Lucas 4:21

Ta saa xa̱á ra káꞌan ra xiꞌin na, káchi ra saa: ―Vitin nuu ndiꞌi ndo si̱xinu Ndioxi ya ta̱a ra Isaías xinaꞌa, tá xi̱ni soꞌo ndo ya ka̱ꞌvi i kua ku̱u saa ―káchi ra xiꞌin na.

San Juan 1:45

Ta ndi̱taꞌan ra Felipe ra Natanael saa ndi̱kaꞌan ra xiꞌin ra, káchi ra saa: ―Ndi̱kitaꞌan nde xiꞌin taa, ra ta̱a ra Moisés xaꞌa xiꞌin ya ta̱a nda profeta ndi̱kaꞌan ndoso tuꞌun yuꞌu Ndioxi xinaꞌa. Ta Jesús náni ra, seꞌe ra José ra ñuu Nazaret ku ra ―káchi ra Felipe xiꞌin ra.

San Juan 6:42

Saa ndikaꞌan na káchi na saa: ―¿Án süvi Jesús seꞌe ra José va ku ra? Xíni va yo iva ra tin siꞌí ra. Ta ¿ndachu káꞌan ra ke̱e ra nuu ndivi? ―káchi na.

San Juan 7:46

Saa ndi̱kuiin na ikán káꞌan na, káchi na saa: ―Nda iin naꞌa köo káꞌan tá kuꞌva káꞌan ra ikán ―káchi na.

Los Hechos 6:10

Sundi köo ndíkuchiñu na xiꞌin ra saa chi ndíchi ni káꞌan ra xiꞌin na xaꞌa ya ndee ni íyo Tachi I̱í Ndioxi xiꞌin ra.

Tito 2:8

Vívií kaꞌan un xiꞌin na sinaꞌa un na ya ná nïꞌi na tuꞌun väꞌa taxi na kuachi xaꞌa un. Tá ikan un saa, ta nda naꞌa, na köo xíin kundikun ichí Tata yo Jesucristo, ta kukaꞌan nuu na kuni na yóꞌo̱, nïꞌi na ndá ka ñaꞌa kaꞌan väꞌa na xaꞌa yo.