San Lucas 4:21 - Xochapa Mixteco

²¹ Ta saa xa̱á ra káꞌan ra xiꞌin na, káchi ra saa: ―Vitin nuu ndiꞌi ndo si̱xinu Ndioxi ya ta̱a ra Isaías xinaꞌa, tá xi̱ni soꞌo ndo ya ka̱ꞌvi i kua ku̱u saa ―káchi ra xiꞌin na.

San Lucas 4:21 Iomraidhean Croise

San Mateo 13:14

Saa xáa súvi na ya ta̱a ra profeta Isaías, ra ndi̱kaꞌan tuꞌun yuꞌu Ndioxi, ka̱chi ra saa: Vani xíni soꞌo ni na, ta köo kúndaa ini na xaꞌa ya xíni soꞌo na. Vani xíto ni na, ta köo kúndaa ini na unkua xíto ni na.

San Lucas 4:20

Ta saa ndi̱kasi ra nuu tutu ikán, ta̱xi ra ya ndaꞌa ra ndíso chiñu xiꞌin veꞌe ñuꞌu sinagoga ikán. Saa ndi̱kunduꞌu ra ta iin kuaꞌan ini ndiꞌi ni kúu na ñúꞌu ini veꞌe ñuꞌu ikán xíto na nuu ra.

San Lucas 4:22

Ta ndiꞌi na xi̱ni soꞌo ya ndi̱kaꞌan ra vaꞌa ka vi káꞌan na xaꞌa ra. Saa ndi̱kanda ni ini na ndóo na, chi vaꞌa ni káꞌan ra. Ñaa ndi̱ndakan tuꞌun taꞌan na, káchi na saa: ―¿Án süvi seꞌe ra José ku ra yóꞌó? Ta ¿ndachu vaꞌa xíni ni ra? ―káchi na.

San Juan 5:39

Tá káꞌvi ndo Tuꞌun Ndioxi ya ta̱a na xinaꞌa, ta vií ni káꞌvi ndo ya, chi ndíkani ini ndo nuu ya ikán kua nditaꞌan ndo ndá kuꞌva kutaku ndo koo ndo xiꞌin Ndioxi ndiꞌi saa kivi ya vaxi. Ta tuꞌun Ndioxi ikán kua káꞌan xaꞌa i.

Los Hechos 3:18

Sundi Ndioxi ta xa̱a nduvi ndiꞌi ra ya íyo nuu tuꞌun ra, ya ta̱a ndiꞌi nda ndi̱kaꞌan ndoso tuꞌun yuꞌu ra xinaꞌa, chi ya ikán káchi ya saa: “Xíniñuꞌu ndoꞌo ni Cristo, ra tiꞌvi Ndioxi kixi sikaku yoo ñuu ivi yóꞌó”, káchi ya ta̱a nda ―káchi ra Pedro xiꞌin na.