San Lucas 4:2 - Xochapa Mixteco

² Ndi̱xika ra iku yuyu uvi xiko ñǔu tin nduvi, ta ñaa ndi̱xaa kiti nǎꞌa xíto ndoso ri ra ya ná ikan ra ya väꞌa. Ta sindiꞌi tixin uvi xiko kivi ikán ndi̱kaꞌun ini Jesús, ku̱ni kuxi ra chi nda loꞌo ñaꞌa köo ndi̱xixi ra.

San Lucas 4:2 Iomraidhean Croise

San Mateo 21:18

Ta inka kivi naꞌa ni ndi̱ko koo tuku Jesús kuaꞌan ra ñuu Jerusalén, tá kuaꞌan ra ichí ñaa xa̱á káꞌun ni ini ra kúni kuxi ra.

San Mateo 4:2

Uvi xiko kivi ndi̱xiyo ra iku yuyu ta ndi̱xiyo suꞌun ra, sindiꞌi ta ndi̱kaꞌun ini ra.

San Lucas 4:3

Ta saa ndi̱kaꞌan kiti nǎꞌa xiꞌin ra ya xíto ndoso ri ra, káchi ri saa: ―Tá tu ndixa Seꞌe Ndioxi ku yóꞌo̱, ta kaꞌan xiꞌin yu̱ú yóꞌó ná nduu ya xita vaꞌa ―káchi ri xiꞌin ra.

San Juan 4:6

Ta ikán íyo iin poso náni ya poso ra Jacob, chi ra ikán ku ra xa̱ta ya. Saa ku̱naa ni Jesús ndi̱xika ra ichí, ta ndi̱xaa ra ndi̱kunduꞌu ra ndíkundee ra yuꞌu poso ikán. Ta xa kua iin kuꞌva kàà uxi uvi nduvi.

HEBREOS 2:18

Tá kúu mií ra, yaꞌa ni ndee xi̱ndikaa ra nuu tindoꞌo, ndi̱xiyo ni ñaꞌa xi̱to ndoso ya ra, yakan vaꞌa kúndaa ini ra ya ndóꞌo yo tá kivi ñúꞌu yo nuu tindoꞌo, chi ndee ni ndee kúu mií ra ya chindee ra yoo, tá vaxi ya väꞌa xíto ndoso ya yoo.

HEBREOS 4:15

Saa chi sutu ra ínuu nuu yo ku ra ta kúndaꞌvi ni ini ra xíni ra yoo, xaꞌa ya xíni ra köo ndee ini yo, köo ndaku ini yo nuu ya väꞌa, chi tá káa níí ya ndóꞌo yoo, saa ndi̱xiyo tu ya ndo̱ꞌo mií va ra, xi̱to ndoso ni ya väꞌa ra, sundi nda iin kuachi köo ndi̱kiꞌvi ra.