San Lucas 4:16 - Xochapa Mixteco

¹⁶ Saa ndi̱ko koo Jesús ndi̱xaa ra ñuu Nazaret nuu xa̱ꞌnu ra. Ta ke̱e ra kuaꞌan ra veꞌe ñuꞌu kivi i̱í ndíkundee na, saa chi saa ini ra. Tá ndi̱xaa ra ini veꞌe ñuꞌu sinagoga ikán, ta ndi̱kundichi ra kaꞌvi ra tuꞌun Ndioxi.

San Lucas 4:16 Iomraidhean Croise

San Mateo 2:23

Tá ndi̱xaa ra ikán ta ndi̱kiꞌin ra kuaꞌan ra koo ra ñuu Nazaret ya ndíkaa estado Galilea, saa ndi̱xinu tuꞌun ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, ka̱chi nda saa: “Ra tiꞌvi Ndioxi sikaku na ñuu ivi ta ra ñuu Nazaret ku ra”, káchi tuꞌun Ndioxi ya ta̱a na xinaꞌa.

San Lucas 2:39

Sindiꞌi tá xa̱a súvi ndiꞌi na ya ndi̱kaꞌan Ndioxi ya ta̱a ra Moisés, ta saa ndi̱ko koo na kuanuꞌu na ñuu Nazaret ya ndíkaa estado Galilea.

San Lucas 2:42

Saa ke̱e na kuaꞌan na viko pascua chi saa ini na, ta kuaꞌan tu ra loꞌo Jesús va xiꞌin na, ndi̱xinu ra uxi uvi kuiya ra.

San Lucas 2:51

Sundi siꞌí ra ta chívaꞌa ndiꞌi yá tuꞌun ikán nima yá. Ñaa ke̱e ra ñuu Jerusalén, ndi̱kiꞌin ra kuanuꞌu ra xiꞌin iva siꞌí ra nda ñuu Nazaret. Ta ndiꞌi saa kivi xíni soꞌo ndiꞌi ra ya káꞌan iva siꞌí ra xiꞌin ra.

San Lucas 4:15

Ta saa kuaꞌa ni veꞌe ñuꞌu sinagoga ndi̱xika ra sínaꞌa ra naꞌa, ndi̱xika ra ndiꞌi ñuu ya ñúꞌu estado Galilea, ta ndiꞌi na xíni soꞌo ya káꞌan ra, vaꞌa ni káꞌan na xaꞌa ra.

San Lucas 4:17

Saa ta̱xi na tutu ya ta̱a ra Isaías ra ndi̱kaꞌan ndoso tuꞌun yuꞌu Ndioxi xinaꞌa ndaꞌa ra. Ñaa ndi̱ndika ra ya, ta ndi̱taꞌan ra nuu káꞌan ya, káchi ya saa:

San Lucas 4:21

Ta saa xa̱á ra káꞌan ra xiꞌin na, káchi ra saa: ―Vitin nuu ndiꞌi ndo si̱xinu Ndioxi ya ta̱a ra Isaías xinaꞌa, tá xi̱ni soꞌo ndo ya ka̱ꞌvi i kua ku̱u saa ―káchi ra xiꞌin na.

San Lucas 4:23

Ta saa ndi̱kaꞌan Jesús xiꞌin na, káchi ra saa: ―Xa ku̱ndaa va ini i chi vaxi kivi ta kaꞌan ndo xiꞌin i tá káchi na káꞌan: “Ndotor, xaa tatan un mií un”, kachi ndo. Ta saa kaꞌan ka ndo: “Án su yóꞌó ku ra i̱kan kuaꞌa ni ya vaꞌa ñuu Capernaum, ta vaꞌa ná ikan tu un taꞌan ya i̱kan un ñuu ikán ñuu un yóꞌó va”, kachi ndo xiꞌin i ―káchi Jesús xiꞌin na.

San Juan 18:20

Saa ndi̱kuiin Jesús káꞌan ra, káchi ra saa: ―Nuu ndiꞌi ni kúu naꞌa ndi̱kaꞌan i, tá si̱naꞌa i ini veꞌe ñuꞌu vali sinagoga án veꞌe ñuꞌu kaꞌnu, nuu ndíkitaꞌan ndiꞌi na judío. Ta nda iin ñaꞌa köo ndi̱kaꞌan sěꞌe i nuu na.

Los Hechos 17:2

Ta saa ti̱ndaa kivi ya ndíkundee na judío, ta ke̱e ra Pablo kuaꞌan ra veꞌe ñuꞌu sínaꞌa ra na tuꞌun Ndioxi chi saa ini ra. Uni ichí kivi i̱í tá ndíkundee na kua i̱kan ra saa.