San Lucas 3:8 - Xochapa Mixteco

⁸ Xiꞌna ndiko koo ini ndo xaꞌa ndiꞌi kuachi ndo, ta ikan ndo ya vaꞌa xiꞌin ya ndaa, saa kixi ndo kuchi ndo, saa chi saa sinaꞌa ndo mií ndo ya ndixa kua ndi̱ko koo ini ndo kuaꞌan ndo ichí Ndioxi. Ta käꞌan tai ndo kúu ndo seꞌe sikua ra Abraham, ta kaꞌan ndo: “Xaa kaꞌnu ini Ndioxi xaꞌa kuachi nde”, kachi ndo. Saa chi Ndioxi kúu mií ra ndee ya kuchiñu ra ndisama ra yu̱ú yóꞌó nduu ya naꞌa, ta seꞌe sikua ra Abraham nduu na.

San Lucas 3:8 Iomraidhean Croise

San Mateo 21:43

Yakan káꞌan i xiꞌin ndo, Ndioxi ta täxi ra ichí ndaꞌa ndo kiꞌvi ndo kundoo ndo nuu xáꞌnda chiñu ra, saa taxi ra ichí ndaꞌa inka naꞌa kundoo na nuu xáꞌnda chiñu ra, ta na yóꞌó ku na xaa súvi ya kúni ra.

San Mateo 3:8

Xiꞌna xíniñuꞌu ndo ndiko koo ini ndo xaꞌa kuachi ndo, ta saa sinaꞌa ndo mií ndo ya ndixa kua ndi̱nama ini ndo xaꞌa ya väꞌa íkan ndo.

San Mateo 3:9

Ta ndïkani ini ndo sikaku Ndioxi ndóꞌo̱ xaꞌa ya kúu ndo seꞌe sikua ra Abraham, káꞌán ndo. Chi mií Ndioxi ta kúu mií ra ichí ndisama ra yu̱ú yóꞌó nduu ya seꞌe sikua ra Abraham.

San Lucas 13:25

Kiꞌvi ndo tá núna yéꞌé ra vitin, saa chi vaxi kivi ta ndikundichi mií ra xíin veꞌe ikán ndikasi ra ya. Ta saa ndinuni kuaku ndaꞌvi ndo kundita ndo yéꞌé ra kaꞌan ndo xiꞌin ra: “Tata, kuna yéꞌé nuu nde”, kachi ndo xiꞌin ra. Ñaa kaꞌan ra xiꞌin ndo, kachi ra saa: “Köo xíni i mií chí ke̱e ndo”, kachi ra xiꞌin ndo.

San Lucas 13:26

Saa xáa ndo kaꞌan ndo xiꞌin ra: “Tata, xíni va nde yóꞌo̱, xi̱xi nde xiꞌin un, saa ndi̱xaa un ñuu nde si̱naꞌa un ndeꞌe”, kachi ndo xiꞌin ra.

San Lucas 14:9

Ta saa kaꞌan ra xiꞌin ndo, kachi ra saa: “Taxi ndo tai ndo ná koo na yóꞌó, ta kuáꞌan ndo chí kaa koo ndo nuu inka nu”, kachi ra xiꞌin ndo. Ta saa kukaꞌan ni nuu ndo kuꞌun ndo ndikundoo ndo nuu inka nu.

San Lucas 19:40

Saa ndi̱kuiin Jesús káꞌan ra xiꞌin nda: ―Tá ná kaꞌan i xiꞌin na yóꞌó kutaxin yuꞌu na, ta ndikuiin yu̱ú kaꞌan ya xaꞌa i ―káchi ra xiꞌin nda.

San Lucas 19:9

Saa ndi̱kaꞌan Jesús, káchi ra saa: ―Kivi vitin sikaku Ndioxi ra yóꞌó xiꞌin na veꞌe ra, saa chi seꞌe sikua ra Abraham ku tu ra yóꞌó va.

San Lucas 5:21

Saa tá xi̱ni soꞌo nda fariseo xiꞌin nda maestro ikán ya ndi̱kaꞌan Jesús, ta xa̱á nda káꞌan nda: “¿Unku ra yóꞌó kua, yakan kánaꞌa ra xaꞌa Ndioxi? Köo naꞌa kuchiñu xaa kaꞌnu ini xaꞌa kuachi na ivi, iindaa Ndioxi ku ra xáa kaꞌnu ini xaꞌa kuachi naꞌa”, káchi nda.

San Juan 8:33

Saa ndi̱kuiin na káꞌan na xiꞌin ra, káchi na saa: ―Ndeꞌe ta seꞌe sikua ra Abraham ku nde, ta nda iin ichí köo na sáta ndeꞌe ya koo nde moso nuu na. ¿Ta ndachu káꞌan un vaxi ichí ta saña nde koo ndíka nde, káchi un? ―káchi na xiꞌin ra.

San Juan 8:39

Saa ndi̱kuiin na káꞌan na, káchi na saa: ―Ra Abraham ku iva nde ―káchi na. Saa ndi̱kuiin Jesús káꞌan ra xiꞌin na: ―Tá tu ndixa seꞌe sikua ra Abraham ku ndóꞌo̱, ta xaa súvi ndo taꞌan ya i̱kan ra ikán, ndíkuu.

Los Hechos 26:20

Ndikun xa̱á i káꞌan i xiꞌin na, xiꞌna na ndóo ñuu Damasco xa̱á i káꞌan i xiꞌin, tá ndi̱ꞌi ikán ta xa̱á i káꞌan i xiꞌin na ndóo ñuu Jerusalén, saa ndi̱xaꞌan i ndiꞌi ka inka ñuu ya ñúꞌu estado Judea. Saa ke̱e tu i ndi̱xaꞌan i nda inka ñuu nuu ndóo na köo kúu judío. Ndi̱xaꞌan i ndi̱kaꞌan ndoso i xiꞌin na ya ná ndiko koo ini na nuu Ndioxi, saa ikan na ya vaꞌa xaꞌa ya ndi̱ko koo ini na nuu ra.

ROMANOS 4:16

Xaꞌa ya kándixa yo Ndioxi kua taxi ra ya vaꞌa ndaꞌa yo. Ta saa ndiꞌi na seꞌe ñani sikua ra Abraham niꞌi na ya vaꞌa, ya ki̱ndoo Ndioxi taxi ra ndaꞌa na. Vaꞌa ni Ndioxi ta xaꞌa ya ikán kua si̱niꞌi ra ñaꞌa ya ndi̱kaꞌan ra siniꞌi ra na ivi, na kándixa ñaꞌa, tá kuꞌva ka̱ndixa ra Abraham Ndioxi, án na xíni ley ya ta̱a ra Moisés ku na, án süvi na xíni ley ku na. Sundi ndiꞌi naꞌa na ndinuꞌu ni kándixa Ndioxi, na ikán ku na ndu̱u tá íyo seꞌe ra Abraham. Saa chi ra Abraham ku iva ndiꞌi naꞌa, na kándixa ni Ndioxi.

ROMANOS 9:7

Ta ni süvi ndiꞌi tuku na kúu seꞌe ñani sikua ra Abraham, ku na kúu ndinuꞌu seꞌe ra, chi Ndioxi ndi̱kaꞌan ra xiꞌin ra Abraham, káchi ra saa: “Ndisaa seꞌe ñani sikua ra Isaac ku seꞌe ñani sikua un na ndixa ndinuꞌu”, káchi Ndioxi xiꞌin ra.

Filipenses 1:11

Saa kua ikan ni ndo ya vaꞌa, ya ndaa nuu ra, ta tixin mií Tata yo Jesucristo kua ikan ndo saa, ta saa kua kaꞌan vaꞌa ni naꞌa xaꞌa Ndioxi, ta ndikunuu vaꞌa ni ya toꞌo ra.