San Lucas 3:36 - Xochapa Mixteco

³⁶ Ta ra Sala ku seꞌe ra Cainán. Ta ra Cainán ku seꞌe ra Arfaxad. Ta ra Arfaxad ku seꞌe ra Sem. Ta ra Sem ku seꞌe ra Noé. Ta ra Noé ku seꞌe ra Lamec.

San Lucas 3:36 Iomraidhean Croise

San Lucas 17:27

Chi saa ku̱u kivi ndi̱xika ra Noé, nda iin na köo ndi̱xika ini kuvi na. Sítindaꞌa na seꞌe na, xíxi na tin xíꞌi va na. Saa i̱kan na nda kivi ndi̱kaꞌan Ndioxi xiꞌin ra Noé kiꞌvi ra ini itun barco. Tá ndi̱kiꞌvi ra ini nu, ta saa si̱kuun Ndioxi savi, ta iin ndi̱xiꞌi yaa naꞌa i̱kan rá.

San Lucas 3:35

Ta ra Nacor ku seꞌe ra Serug. Ta ra Serug ku seꞌe ra Ragau. Ta ra Ragau ku seꞌe ra Peleg. Ta ra Peleg ku seꞌe ra Heber. Ta ra Heber ku seꞌe ra Sala.

San Lucas 3:37

Ta ra Lamec ku seꞌe ra Matusalén. Ta ra Matusalén ku seꞌe ra Enoc. Ta ra Enoc ku seꞌe ra Jared. Ta ra Jared ku seꞌe ra Mahalaleel. Ta ra Mahalaleel ku seꞌe ra Cainán.

HEBREOS 11:7

Xaꞌa ya xi̱ndaa ni ini ra Noé xi̱ni ra Ndioxi kua si̱kuaꞌa ra itun barco tá ndi̱kaꞌan Ndioxi xiꞌin ra kixi tindoꞌo sata na ñuu ivi yóꞌó, ta nda iin ichí täꞌan kuun kini ni saví tá kuꞌva ku̱un rá kivi ikán. Xaꞌa ya xi̱ndaa ni ini ra xi̱ni ra Ndioxi yakan kua xa̱a súvi ra ya ndi̱kaꞌan Ndioxi xiꞌin ra, ya kuchiñu kaku na veꞌe ra. Ta xaꞌa ya i̱kan ra saa kua ta̱xi ra kuachi xaꞌa na ñuu ivi yóꞌó. Ta saa ndi̱niꞌi ra ya vaꞌa nuu Ndioxi, ndu̱u ra tá káa iin naꞌa, na köo ka kuachi kúu mií nuu Ndioxi, xaꞌa ya xi̱ndaa ni ini ra xi̱ni ra Ndioxi.

1 Pedro 3:20

Chi na ikán ta köo ndi̱xiin na xaa súvi na ya ndi̱kaꞌan Ndioxi xiꞌin na tá tiempo ya ndi̱xiyo ra Noé. Ndee ni ndi̱xaꞌa ndee ini Ndioxi xi̱ndatun ra na tá ndi̱xika ra Noé si̱kuaꞌa ra itun barco ya kaku na. Ta ndisaa una kuiti ndi̱xiyo na ndi̱kaku, köo ndi̱xiꞌi na xiꞌin tikuii.

2 Pedro 2:5

Ni na xi̱ndoo xinaꞌa vaꞌa, ta köo ndi̱xaa kaꞌnu ini ra xaꞌa na, ti̱ꞌvi ra saví íꞌná xa̱ꞌni rá na. Ta ndi̱xiyo iin taa ra vaꞌa ni xi̱nani ra Noé, saa ndi̱kaꞌan ndoso ra tuꞌun Ndioxi xiꞌin na ya ná ikan na ya ndaa, ta ndisaa ra ikán ku ra ndi̱kaku xiꞌin inka ka uxa naꞌa.