San Lucas 3:3 - Xochapa Mixteco

³ Ñaa xa̱á ra káꞌan ndoso ra tuꞌun Ndioxi yuꞌu ita Jordán, káꞌan ra xiꞌin na ya ná ndiko koo ini naꞌa xaꞌa kuachi na ta saa sikuchi ra na ya xaa kaꞌnu ini Ndioxi xaꞌa na.

San Lucas 3:3 Iomraidhean Croise

San Mateo 3:11

Yeꞌe, ta síkuchi i ndóꞌo̱ xiꞌin tikuii, ya sínaꞌa ndo mií ndo nuu naꞌa ya ndi̱nama ndo kuꞌva íyo ndo. Sundi íyo inka ra vaxi sindiꞌi, ta ndee ni ra ikán nuu yeꞌe. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ ya xíxi. Xaꞌa ya ndee ni ra ta nda nduxan ra küvi loꞌo kundiso i.

San Lucas 1:16

Ta kuaꞌa ni na kúu seꞌe ra Israel sindiko koo ra ichí Ndioxi.

San Lucas 1:77

Saa sinaꞌa un na ndá kuꞌva kuu sikaku Ndioxi yo na kúu ñuu ra, ya xaa kaꞌnu ini ra xaꞌa kuachi ndiꞌi yo.

San Lucas 4:1

Ta ndee ni íyo Tachi Ií Ndioxi xiꞌin Jesús, saa ke̱e ra chí ita Jordán ta ndi̱kiꞌin Tachi I̱í Ndioxi ra kuaꞌan ra iku yuyu.

San Juan 1:28

Ndiꞌi ya yóꞌó ndo̱ꞌo ra Juan ñuu ya náni Betábara, ya íyo yati yuꞌu ita Jordán, nuu si̱kuchi ra naꞌa.

San Juan 3:26

Saa ndi̱kaꞌan nda xiꞌin ra Juan, káchi nda saa: ―Tata Rabí: koto un ra taa xi̱ni taꞌan xiꞌin un inka ñaꞌñu yuꞌu ita Jordán, síkuchi ni ra naꞌa, ta kuaꞌa ni na kuaꞌan nuu ra ―káchi nda xiꞌin ra Juan.

Los Hechos 13:24

Yachi tá täꞌan kixi Jesús ñuu ivi yóꞌó, ta ra Juan ku ra ndi̱xika ndi̱kaꞌan ndoso xiꞌin na taꞌan yo Israel ya ná ndiko koo ini na saa kuchi na káchi ra xiꞌin na.

Los Hechos 19:4

Saa ndi̱kaꞌan ra xiꞌin nda, káchi ra saa: ―Ya ndaa kua si̱kuchi ra Juan naꞌa, na ndi̱ko koo ini xaꞌa kuachi na. Saa ndi̱kaꞌan tu ra xiꞌin na ya xíniñuꞌu na kandixa na Jesús, ra kixi sata mií ra Juan tá sindiꞌi, ta ra ikán kúu Cristo, ra ti̱ꞌvi Ndioxi ki̱xi ―káchi ra Pablo xiꞌin nda.

Los Hechos 22:16

Ta kündatun ka un vitin. Kuandikoo kuchi un tixin kivi Jesús. Ta kaꞌan un xiꞌin ra ná xaa kaꞌnu ini ra xaꞌa kuachi un”, káchi ra Ananías ikán xiꞌin i ―káchi ra Pablo xiꞌin na.