San Lucas 3:16 - Xochapa Mixteco

¹⁶ Ta saa ndi̱kaꞌan ra xiꞌin na, káchi ra saa: ―Süvi yeꞌe ku i. Ya ndaa kua síkuchi i ndóꞌo̱ xiꞌin tikuii, sundi süvi yeꞌe ku i sikaku ndóꞌo̱. Vaxi iin ra, ta ra ikán ku ra chee ni nuu i, ta nda sata nduxa ra küvi kuyati i ndaxin i chi yáꞌa ni chee ra nuu i. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ xíxi.

San Lucas 3:16 Iomraidhean Croise

San Mateo 3:11

Yeꞌe, ta síkuchi i ndóꞌo̱ xiꞌin tikuii, ya sínaꞌa ndo mií ndo nuu naꞌa ya ndi̱nama ndo kuꞌva íyo ndo. Sundi íyo inka ra vaxi sindiꞌi, ta ndee ni ra ikán nuu yeꞌe. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ ya xíxi. Xaꞌa ya ndee ni ra ta nda nduxan ra küvi loꞌo kundiso i.

San Mateo 3:12

Ta xa íyo tuꞌva ra kixi ra, tá ná kixi ra, ta ikan ra tá íkan na ndítivi nuni. Chívaꞌa na nuni ini yaka na, ta táan na xeꞌe xíxi ya. Kuꞌva saa íyo nduvi ra ikán, ikan ra xiꞌin naꞌa kuꞌun na koko na nuu xíxi ñu̱ꞌu̱.

San Juan 1:26

Saa ndi̱kuiin ra Juan ndi̱kaꞌan ra xiꞌin nda, káchi ra saa: ―Yeꞌe ta xiꞌin tikuii va síkuchi i naꞌa, sundi xa íyo iin taa tañu ndo, ta köo xíni ndo ra.

San Juan 1:27

Ta ra ikán ku ra vaxi sata i, ta xa xiꞌna ka vi ra ikán íyo nuu yeꞌe yakan chee ni ra nuu i. Ta nda ni iin correa loꞌo sata nduxan ra köo kúu mií i ichí ndaxin i xaꞌa ya ndee ni ra ―káchi ra Juan xiꞌin nda.

San Juan 1:33

Ta yeꞌe täꞌan kundaa ini i unku ra, sundi ra ti̱ꞌvi yeꞌe vaxi i sikuchi i naꞌa xiꞌin tikuii, ku ra ndi̱kaꞌan xiꞌin i káchi ra saa: “Tá xi̱ni un vaxi nùù Tachi i íyo ya xiꞌin iin ra, ta ra ñaa ku ra síkuchi naꞌa xiꞌin Tachi I̱í i”, káchi Ndioxi xiꞌin i.

San Juan 7:38

Na kándixa yeꞌe, tá káa nuu kána tikuii xínu rá kuaꞌan rá, saa koo rá ini na, tá kuꞌva káꞌan tuꞌun Ndioxi ―káchi Jesús xiꞌin na.

Los Hechos 1:5

Saa chi ya ndaa kua si̱kuchi ra Juan naꞌa xiꞌin tikuii, sundi ndóꞌo̱ ta soo uvi ndaá kivi kua kuchi ndo ikán Tachi I̱í Ndioxi ―káchi Jesús xiꞌin nda.

Los Hechos 10:44

Káꞌan ka ra Pedro ta nu̱u Tachi I̱í Ndioxi sata na xíni soꞌo ya káꞌan ra.

Los Hechos 2:33

Ta ndi̱kiꞌin Ndioxi ra kuaꞌan xiꞌin ra koo ra ñaꞌñu kuáꞌá ra nuu ndivi. Saa ta̱xi Ndioxi Tachi ra ndaꞌa Jesús tá íyo ya ndi̱kaꞌan ra xiꞌin Jesús yachi, saa íyo ya i̱kan ra. Ta ndiꞌi ya xíto ndo xiꞌin ya xíni ndo vitin, Tachi I̱í Ndioxi ya ti̱ꞌvi ra ndaꞌa nde kua i̱kan saa xiꞌin nde.

1 Corintios 12:13

Saa chi tixin iin mií Tachi I̱í ra kua chi̱chi ndiꞌi yo yakan iin ndu̱u ndiꞌi yo xiꞌin ra. Án yo judío ku yo, án süvi yo judío ku yo, án yo sa̱ta na xáa chiñu xiꞌin ya nduxa ku yo, án yo íyo ndika ku yo, ta iin káchi ndi̱kuiso ra ndiꞌi yo. Ta tá íin nduta xíꞌi yo saa káa Tachi ra ya ndi̱niꞌi yo nuu ra, íyo ya xiꞌin yo.