San Lucas 3:14 - Xochapa Mixteco

¹⁴ Ta saa ndi̱xaa tu sava nda lapa va, ndi̱ndakan tuꞌun ñaꞌa nda, káchi nda saa: ―¿Ta ndeꞌe, unkua xíniñuꞌu nde ikan nde? ―káchi nda xiꞌin ra. Saa ndi̱kuiin ra, káchi ra saa: ―Sïkuiꞌna ndo ñaꞌa na, ni sïꞌvi ndo na, täxi ndo kuachi siki xaꞌa na, kindoo ini ndo xiꞌin yaꞌvi ndo ―káchi ra xiꞌin nda.

San Lucas 3:14 Iomraidhean Croise

San Mateo 8:5

Saa ndi̱kiꞌvi Jesús ñuu Capernaum. Ñaa ndi̱xaa iin ra lapa ndíso chiñu xiꞌin iin ciento nda lapa ñuu Roma nuu ra. Saa xáku ndaꞌvi ra nuu ra,

San Lucas 19:8

Ñaa ndi̱kundichi ra Zaqueo xa̱á ra káꞌan ra xiꞌin Tata yo Jesús káchi ra saa: ―Koto un, Tata, vitin ta iin nditaꞌvi sava i ñaꞌa kúu mií i xiꞌin na ndaꞌvi. Ta sindiko koo ndiꞌi tu i ñaꞌa tá kúu na si̱ndaꞌvi i, nda kumi ichí ka kuaꞌa nduu ya sindiko koo i ndaꞌa na ―káchi ra xiꞌin Jesús.

San Lucas 3:10

Ta saa ndi̱kaꞌan na xiꞌin ra, káchi na saa: ―¿Unkua xíniñuꞌu nde ikan nde ya ná kündoꞌo nde saa? ―káchi na xiꞌin ra.

San Lucas 3:13

Ñaa ndi̱kuiin ra, káchi ra saa: ―Sïndaꞌvi ndo naꞌa. Kïꞌin siki ndo xuꞌun ndaꞌa na. Ndisaa tá íyo ya káꞌan gobierno xiꞌin ndo saa koo ya kiꞌin ndo ndaꞌa na ―káchi ra xiꞌin nda.

Los Hechos 10:7

Saa ke̱e tatun ikán kuaꞌan ya. Tá ke̱ta ya kuaꞌan ya ta ka̱na ra Cornelio uvi nda xáa chiñu nuu ra xiꞌin iin ra lapa. Ta ra lapa ikán káñuꞌu ni tu ra ikán va Ndioxi, ta vaꞌa ni íyo yuꞌu ra xiꞌin ra Cornelio.

Filipenses 2:15

Ta saa ni naꞌa, ta nïꞌi na kuachi ndo ya kaꞌan na xaꞌa ndo, chi seꞌe Ndioxi ku ndo. Vani tañu naꞌa, na kini, na iku ini ndóo ndo, ta tá kuꞌva ndíyeꞌe kiti kimi nuu naá, saa ndiyeꞌe ndo ñuu ivi yóꞌó, chi yóꞌó ta tá káa nuu naá ni, saa káa ya.

Filipenses 4:11

Xaꞌa ya káꞌan i saa xiꞌin ndo ta süvi xaꞌa ya kúmani ndá ka ñaꞌa nuu i kua, chi xa si̱kuaꞌa i ndá kuꞌva kusini i xiꞌin ya kúu mií i.

Tito 2:3

Ta kuꞌva saa sinaꞌa tu un ná kuꞌva yo ná nána chee xikuaꞌa, vií ná koo ná, ná koo ná xiꞌin ya toꞌo nuu Ndioxi. Kaꞌan xiꞌin ná, ná käꞌan vata ná xaꞌa naꞌa, ni ná küu ná ñaꞌa ndee ni kútoo koꞌo ndixi, xíniñuꞌu ná sinaꞌa ná ya vaꞌa.

El Apocalipsis 12:10

Saa xi̱ni soꞌo i tachi na nuu ndivi, ndee ka vi ndi̱kaꞌan ya káchi ya saa: Vitin ti̱ndaa kivi ya sikaku Ndioxi naꞌa, na ndíkun sata ra. Saa ti̱ndaa tu kivi ya sinaꞌa ra, ya iin mituꞌun mií ra kúu mií ndee ya chee ni. Ta vitin xáa ra kaꞌnda chiñu ra nuu ndiꞌi ni kúu na ñuu ivi. Saa tu Jesucristo, ra ti̱ꞌvi Ndioxi sikaku naꞌa, ndi̱kiꞌin ra ichí, íyo ya ndaꞌa ra, ya kaꞌnda chiñu ra nuu ndiꞌi ni kúu na ñuu ivi. Saa chi kiti nǎꞌa, ta xa ta̱va na ri nuu ndivi. Chi ri ikán ku ri táxi ni kuachi xaꞌa nda ñani yo xiꞌin kuꞌva yo, na ndíkun Tata yo Jesucristo. Nduvi niuun táxi ri kuachi xaꞌa na nuu Ndioxi.