San Lucas 3:1 - Xochapa Mixteco

¹ Ndi̱xinu xaꞌun kuiya kúu mií ra rey Tiberio chiñu nuu ndiꞌi na ñuu ya ndíkun ndaa ñuu Roma. Ta xa̱ꞌnda chiñu ra nuu ndiꞌi nda gobernador ikán, ra Poncio Pilato ku ra xa̱ꞌnda chiñu nuu na ñuu ya ñúꞌu Judea, ta ra Herodes ku̱u gobernador nuu na ñuu ya ñúꞌu Galilea. Inka ra Felipe, ñani ra Herodes, ku̱u gobernador nuu na ñuu ya ñúꞌu Iturea xiꞌin na ñuu ya ñúꞌu Traconite. Ta inka ra náni Lisanias ku̱u gobernador nuu na ñuu ya ñúꞌu Abilinia.

San Lucas 3:1 Iomraidhean Croise

San Mateo 14:1

Suvi mií tiempo ikán xi̱ni soꞌo ra Herodes xaꞌa ndiꞌi ya vaꞌa íkan Jesús. Ta ra Herodes ikán ku rey ra xáꞌnda chiñu nuu na ñuu estado Galilea.

San Mateo 14:3

Chi suvi mií ra Herodes ikán ku ra xa̱ꞌnda chiñu ya ti̱in na ra Juan, ka̱tun na ra xiꞌin cadena, saa ki̱ꞌin na ra chi̱kaa na veꞌe kàà. Xaꞌa ya ndi̱kaꞌan ra xiꞌin ra Herodes, ya väꞌa íkan ra xiꞌin yá Herodías, yá xanu ra, yá síꞌi ra ñani ra, ra Felipe.

San Mateo 14:6

Saa ti̱ndaa iin kivi ta xa̱kin mií ra Herodes viko veꞌe ra, xaꞌa ya xínu ra kuiya ra. Ñaa ti̱xaꞌa mií yá kuâán loꞌo seꞌe mií yá Herodías ikán nuu ndiꞌi mií na ndóo viko ikán, ta ndee ni ku̱too mií ra Herodes ndá kuꞌva ti̱xaꞌa yá.

San Mateo 22:17

Ta vitin kaꞌan un xiꞌin nde unkua ndíkani ini un. ¿Án vaꞌa chaꞌvi yo xuꞌun ya káku yo xaꞌa nuu na chiñu ya kuaꞌan ndaꞌa ra tata chiñu ra rey César ñuu Roma? ¿Án väꞌa chaꞌvi yo ya? ―káchi nda xiꞌin ra.

San Mateo 27:2

Saa ka̱tun nda ra, núꞌni ra kuaꞌan ra xiꞌin nda, ndi̱xaa ra ta̱xi nda ra ndaꞌa ra gobernador Poncio Pilato.

San Marcos 6:17

Saa chi xa yachi vi xa̱ꞌnda chiñu ra Herodes ya ti̱in na ra Juan ka̱tun na ra xiꞌin cadena kuaꞌan ra veꞌe kàà xaꞌa ya ndi̱kaꞌan ra Juan xiꞌin ra Herodes xaꞌa yá Herodías, yá síꞌi ra Felipe ñani ra.

San Marcos 6:21

Ta xa̱kin ra Herodes viko xínu ra kuiya ra, saa ka̱na ra nda kúu mií chiñu xiꞌin ra. Ka̱na ra nda kumindante xiꞌin nda ínuu nuu ndiꞌi ka na kúu mií chiñu ndee ndóo mí estado Galilea ikán. Ka̱na ra na ndi̱xaa na viko veꞌe ra. Ta ikán ku nuu ndi̱xinu kivi ya ndátun yá Herodías nuu kaꞌni yá ra Juan.

San Lucas 13:31

Saa ku̱u mi kivi ikán ta ndi̱xaa tu sava nda fariseo va káꞌan nda xiꞌin Jesús, káchi nda saa: ―Vaꞌa ka kee un kuꞌun un inka ñuu, köo ka un yóꞌó chi ra rey Herodes ta kúni ra kaꞌni ra yóꞌo̱ ―káchi nda xiꞌin ra.

San Lucas 2:1

Ta suvi mií tiempo ikán kua ku̱u mií ra rey Augusto chiñu nuu ndiꞌi na ivi ta xa̱ꞌnda ra chiñu ya kuꞌun ndiꞌi na ndikaꞌi kivi na.

San Lucas 23:24

I̱kan saꞌa ndixa ra Pilato ya ndi̱kaꞌan na xiꞌin ra.

San Lucas 3:19

Ta ndi̱kaꞌan tu ra xiꞌin ra gobernador Herodes va xaꞌa ya ti̱ndaꞌa ra xiꞌin yá Herodías, yá síꞌi ñani ra, ra Felipe tin xaꞌa inka ka ñaꞌa ya väꞌa íkan ra.

San Lucas 9:7

Tá ku̱ndaa ini ra rey Herodes xaꞌa ndiꞌi ñaꞌa ya íkan Jesús, ta ni köo xíni ka ra unkua ikan ra, saa chi sava na káꞌan: “Ra Juan, ra ndi̱xiꞌi, ku ra ndi̱taku”, káchi na.

Los Hechos 23:26

“Chíndee i yóꞌo̱ Tata Félix gobernador ra chee nuu nde, yeꞌe ku ra kúu Claudio Lisias, ta tíꞌvi i tutu yóꞌó xaa ya ndaꞌa un.

Los Hechos 24:27

Uvi kuiya i̱kan ra saa xiꞌin ra ñaa ndi̱xinu kuiya ku̱u mií ra chiñu ta ke̱ta ra. Saa ndi̱kiꞌin inka ra náni Porcio Festo chiñu nuu ra. Xaꞌa ya kúni ra Félix kindoo vaꞌa ra nuu na judío yakan köo ndi̱tava ra ra Pablo veꞌe kàà.

Los Hechos 26:30

Saa tá si̱ndiꞌi ra Pablo ndi̱kaꞌan ra tuꞌun ikán, ta ndi̱kundichi ra rey Agripa xiꞌin ra gobernador Festo tin yá Berenice xiꞌin ndiꞌi na ndóo xiꞌin na, ndi̱kundita na

Los Hechos 4:27

’Ta vitin ku nuu ti̱ndaa kivi ndi̱xinu ya ndi̱kaꞌan ra rey David, saa chi ra rey Herodes xiꞌin ra Poncio Pilato iin káchi ndi̱kitaꞌan nda ñuu yóꞌó, xiꞌin na inka ñuu na köo kúu judío xiꞌin sava na ñuu Jerusalén yóꞌó. Iin yuꞌu ku̱u na xiꞌin taꞌan na ndu̱ku na kuꞌva xa̱ꞌni na Jesús ra i̱í, ra kúu mií ichí un ya ta̱xi un ndaꞌa ra, Iva yo Ndioxi.