San Lucas 24:6 - Xochapa Mixteco

⁶ Köo ka ra ndi̱kaa yóꞌó. ¡Xa ndi̱taku va ra! Ndikaꞌán ini ndo ya ndi̱kaꞌan ra xiꞌin ndo tá ndi̱xiyo ra xiꞌin ndo estado Galilea:

San Lucas 24:6 Iomraidhean Croise

San Mateo 12:40

Saa chi ra ikán ta xi̱ndikaa ra tixin tiaka chee ni uni ñuu tin uni nduvi, saa yeꞌe, Taa ra xa̱a ñuu ivi yóꞌó, ndikaa i tixin ñuꞌú uni ñuu tin uni nduvi.

San Mateo 16:21

Nda kivi saa xa̱á Jesús ndítuꞌun ra xiꞌin nda ítaꞌan xiꞌin ra, ya xíniñuꞌu kuꞌun ra ñuu Jerusalén. Ta ikán xaa nduvaꞌa ni na xikuaꞌa, xiꞌin nda ínuu nuu sutu tin nda maestro nda sínaꞌa ley Ndioxi, xaa nduvaꞌa ni nda xiꞌin ra. Saa kaꞌni nda ra, ta nditaku ra kivi uni.

San Mateo 27:63

Ndi̱kaꞌan nda xiꞌin ra, káchi nda saa: ―Tata, ndi̱kaꞌán ini nde ya ndi̱kaꞌan ra Jesús ra síndaꞌvi naꞌa, tá xi̱taku ra ta ndi̱kaꞌan ra ya nditaku ra sindiꞌi tixin kivi uni.

San Mateo 28:6

Tá íyo ya xa ndikaꞌan ra xiꞌin ndo saa ndi̱xiyo ya, chi xa ndi̱taku va ra. Köo ka ra ndíkaa yóꞌó, kuayaꞌa ndo koto ndo nuu xi̱ndikaa ra.

San Marcos 16:6

Ta saa ndi̱kaꞌan ra xiꞌin ná, káchi ra saa: ―Ku ïꞌvi ndo, chi Jesús ra Nazaret, ra ti̱kaa na ndaꞌa cruzin, ta köo ka ra yóꞌó, xa ndi̱taku va ra. Koto ndo nuu xi̱nduꞌu ra, köo ka ra.

San Marcos 8:31

Saa ku̱u xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Yeꞌe ku ra xa̱a ñuu ivi yóꞌó ta ndoꞌo ni i, saa kundasi nuu na xikuaꞌa ñuu yo Israel kuni na yeꞌe, xiꞌin nda naꞌnu nuu nda sutu xiꞌin nda maestro nda sínaꞌa ley ya ta̱a ra Moisés xinaꞌa ―káchi ra. Ndítuꞌun ra xiꞌin nda ítaꞌan xiꞌin ra ya xaa nduvaꞌa ni na chiñu xiꞌin ra kaꞌni ñaꞌa na, sundi kivi uni nditaku ra, káchi ra xiꞌin nda.

San Lucas 24:34

Ñaa ndi̱kaꞌan na ndóo ikán xiꞌin nda, káchi na saa: ―Ya ndaa ni ndixa kua ndi̱taku Tata yo Jesús, saa chi ndi̱tuvi ra nuu ra Simón Pedro ―káchi na.

San Lucas 24:5

Ñaa ndi̱ndiꞌvi ni ná, saa ndi̱kundita ndee ná nda nuu ñuꞌú. Ta ndi̱kaꞌan nda ikán xiꞌin ná, káchi nda saa: ―¿Nana, ndachu vaxi ndo ndúku ndo ra táku tañu na ndíi?

San Lucas 9:22

Ta saa ndi̱kaꞌan ra xiꞌin nda, káchi ra saa: ―Yeꞌe ku Taa ra ti̱ꞌvi Ndioxi vaxi ñuu ivi yóꞌó, ta ndoꞌo ni i, saa kundasi nuu na xikuaꞌa kuni na yeꞌe xiꞌin nda sutu naꞌnu nuu sutu, saa tu nda sínaꞌa ley ya ta̱a ra Moisés va. Kaꞌni nda yeꞌe, sundi kivi uni nditaku i ―káchi ra xiꞌin nda.

San Lucas 9:44

―Kuni soꞌo vaꞌa ndo ya kaꞌan i xiꞌin ndo, chikaa ni ndo ya nima ndo ta ndïndoso ini ndo ya, chi yeꞌe ra kúu Taa ra xa̱a ñuu ivi yóꞌó, ta nditaxi na yeꞌe ndaꞌa na ivi yóꞌó ya xaa nduvaꞌa ni na xiꞌin i ―káchi ra xiꞌin nda.

Los Hechos 2:24

Sundi tá ndi̱xiꞌi ra ta köo ndi̱taxi Ndioxi ndoo ra ndikaa ra ndaꞌa ya ndíi, chi köo ichí ya ndíi kaꞌnda chiñu ya nuu ra.

2 Tesalonicenses 2:5

Ñani yo xiꞌin kuꞌva yo, ndikaꞌán ni ini ndo tá yachi, tá ndi̱xiyo nde xiꞌin ndo ñaa, ta xa ndi̱kaꞌan ni nde xiꞌin ndo xaꞌa ya yóꞌó, ya kuu saa.