San Lucas 24:5 - Xochapa Mixteco

⁵ Ñaa ndi̱ndiꞌvi ni ná, saa ndi̱kundita ndee ná nda nuu ñuꞌú. Ta ndi̱kaꞌan nda ikán xiꞌin ná, káchi nda saa: ―¿Nana, ndachu vaxi ndo ndúku ndo ra táku tañu na ndíi?

San Lucas 24:5 Iomraidhean Croise

San Lucas 1:29

Saa tá xi̱ni yá tatun Ndioxi ta iin ndi̱kanda ini yá xaꞌa tuꞌun ya ndi̱kaꞌan ya xiꞌin yá, ñaa xa̱á xíka ni ini yá xaꞌa tuꞌun ikán.

San Lucas 24:4

Saa ndi̱ndiꞌvi ni ná iin ndi̱kanda ini ná ndíta ná, ni köo xíni ka ná unkua ikan ná. Ñaa iin ku̱u soꞌva ta xi̱ni ná ndíta uvi nda taa nuu ná. Yaa ka vi toto ndíxi nda, ndakua yeꞌe taxan ya.

San Lucas 24:6

Köo ka ra ndi̱kaa yóꞌó. ¡Xa ndi̱taku va ra! Ndikaꞌán ini ndo ya ndi̱kaꞌan ra xiꞌin ndo tá ndi̱xiyo ra xiꞌin ndo estado Galilea:

Los Hechos 2:24

Sundi tá ndi̱xiꞌi ra ta köo ndi̱taxi Ndioxi ndoo ra ndikaa ra ndaꞌa ya ndíi, chi köo ichí ya ndíi kaꞌnda chiñu ya nuu ra.

HEBREOS 7:8

Ta vaꞌa ná koto yo, ndiꞌi nda sutu nda kúu seꞌe sikua ra Leví, ta nda ivi taꞌan mií yo ku ndiꞌi nda, chi ndiꞌi nda ikán ta xíꞌi nda tá kuꞌva xíꞌi yoo, ni kuꞌva saa ndi̱xiyo nda ta ndi̱kuiso nda iin iin ñaꞌa tixin ya uxi ya kíꞌin na ñuu nda xáa chiñu na. Sundi ra Melquisedec, ta káꞌan tuꞌun Ndioxi xaꞌa ra ya táku ra íyo ra nda vitin.

El Apocalipsis 1:18

Yeꞌe ra táku, ra ndi̱xiꞌi ta ndi̱taku i, saa kutaku i ndiꞌi ni kúu kivi ya vaxi. Ta yeꞌe ku i xáꞌnda chiñu nuu ya xáꞌni ndìì án ya náni Hades nuu xáꞌnda chiñu ndee yóꞌó.

El Apocalipsis 2:8

Saa ndi̱kaꞌan tuku ra xiꞌin i, káchi ra saa: ―Taa un tuꞌun yóꞌó ya ná kuꞌun ya ndaꞌa tatun Ndioxi ya ndáa naꞌa, na kándixa yeꞌe, nuu ndíkitaꞌan na xáa kaꞌnu na Ndioxi ñuu Esmirna. Ta yeꞌe káꞌan i xiꞌin na ikán, káchi i saa: Yeꞌe, ta táku i nda kivi núnu̱ú iin saa kutaku i nda kivi sindiꞌi. Yeꞌe kúu ra ndi̱xiꞌi ta ndi̱taku i, táku i vitin.