San Lucas 23:9 - Xochapa Mixteco

⁹ Kuaꞌa ni ya ndi̱ndakan tuꞌun ra Herodes Jesús ta nda iin ya köo ndi̱kuiin ra.

San Lucas 23:9 Iomraidhean Croise

San Mateo 27:12

Tá táxi nda sutu naꞌnu kuachi xaꞌa Jesús xiꞌin na xikuaꞌa nuu na judío, ta ni köo ndi̱kuiin ra yuꞌu nda.

San Mateo 27:14

Ta nda iin ya köo ndi̱kuiin Jesús. Saa iin ndi̱kanda ini mií ra gobernador ikán, ta ni köo xíni ra unkua ikan ra.

San Mateo 7:6

’Täxi ndo ñaꞌa i̱í ndaꞌa kiti tina, koto ndo ndiko koo ri tiin ri ndóꞌo̱. Ta ni ya kuika kúu mií ndo, ta käta ndo ya nuu kiti kini, koto ka kuañu ndoso ri ya.

San Marcos 15:5

Ta nda iin ya köo ndíkuiin Jesús, saa ndi̱kanda ni ini ra Pilato xi̱ni ñaꞌa ra.

San Lucas 13:32

Saa ndi̱kuiin Jesús káꞌan ra: ―Kuáꞌan ndo kaꞌan ndo xiꞌin ikuii ñaa. Soꞌva káꞌan i kachi ndo xiꞌin ra: “Kivi vitin xiꞌin kivi taan kaka i sindaꞌa i na kúu mi tachi nduvaꞌa xiꞌin na kúꞌvi, ta kivi uni sindiꞌi i ikan i chiñu i”.

San Lucas 23:10

Ta saa xa ndóo kuee nda sutu naꞌnu xiꞌin nda sínaꞌa ya ta̱a ra Moisés. Ndóo nda táxi nda kuachi siki xaꞌa Jesús ndaꞌa ra Herodes, ndinuni loꞌo káꞌan nda.

San Juan 19:9

Saa ndi̱ko koo tuku ra ini veꞌe chiñu, ta ndi̱kaꞌan ra xiꞌin Jesús, káchi ra saa: ―¿Míí chí ki̱xi un? ―káchi ra xiꞌin Jesús. Ta nda iin ya köo ndi̱kuiin Jesús.

Los Hechos 8:32

Saa nda̱a ra. Ta tuꞌun Ndioxi ya káꞌvi ra kuaꞌan ra, káchi ya saa: Tá ndóꞌo iin kiti levo loꞌo ndáka xitoꞌo ri kuaꞌan ri kuvi ri, saa ndo̱ꞌo ra. Ni köo ndi̱kaꞌan ra tá kuaꞌan ra xiꞌin na kuvi ra. Tá íkan levo loꞌo ni köo ndáꞌi ri iin yayaa ndíchi ri xáꞌnda na kachi sata ri, saa i̱kan ra. Yayaa xi̱ndichi ra nuu na, ni köo ndi̱xuna ra yuꞌu ra ya kaꞌan ra xiꞌin na.

1 Pedro 2:23

Tá ndi̱kanaꞌa na xiꞌin ra ta köo ndi̱kuiin ra kaꞌan kini ra xiꞌin na, tá xa̱a ndu̱vaꞌa na xiꞌin ra, ta köo ndi̱kaꞌan ra xiꞌin na ya xaa nduvaꞌa ra xiꞌin na vaxi kivi. Si̱ndoo ndiꞌi ra ya i̱kan na xiꞌin ra ndaꞌa mií Ndioxi, ra xáa nani kuachi xiꞌin ya ndaa.