San Lucas 23:4 - Xochapa Mixteco

⁴ Saa ndi̱kaꞌan ra Pilato xiꞌin sutu naꞌnu nuu na veꞌe ñuꞌu tin naꞌa na chútu ndaa ikán, káchi ra saa: ―Nda iin kuachi ra yóꞌó köo níꞌi i ―káchi ra xiꞌin na.

San Lucas 23:4 Iomraidhean Croise

San Mateo 27:19

Ñaa tá índuꞌu ra nuu tai xáa nani ra kuachi xaꞌa Jesús, ta saa ti̱ꞌvi yá síꞌi ra Pilato chiñu ndi̱xaa nuu ra, káchi yá saa: “Këꞌe un ra ñaa, saa chi ra vaꞌa ku ra. Köo kuachi ra. Kini ni ndi̱xani i i̱kan ra ñuu ndiveꞌe”, káchi yá xiꞌin chiñu ndi̱xaa nuu ra Pilato.

San Marcos 15:14

Saa ndi̱kaꞌan ra Pilato xiꞌin na, káchi ra saa: ―¿Ndachu kuvi ra yóꞌó? ¿Unkua i̱kan ra kua? ―káchi ra xiꞌin na. Saa ndi̱kuiin ndiꞌi na ndáꞌi kóꞌo na, káchi na saa: ―¡Katikaa ra ndaꞌa cruzin! ―káchi ndiꞌi na.

San Lucas 23:22

Saa ndi̱kaꞌan tuku ra Pilato xiꞌin na ichí uni, káchi ra: ―¿Ndá xaꞌa kua kuvi ra, ta köo ya ndi̱kan ra? Köo kuachi ra ndi̱taꞌan i ya káꞌan kuvi ra. Vaꞌa takua ná sindoꞌo ni i ra saa saña i ra kuꞌun va ra ―káchi ra xiꞌin nda.

San Juan 18:38

Saa ndi̱kaꞌan ra Pilato kúsiki ndaa ñaꞌa ra, káchi ra saa: ―¿Ta ndá ñaꞌa ya ku ya ndaa, túvi un? ―káchi ra. Saa ke̱ta tuku ra Pilato ndi̱kaꞌan ra xiꞌin nda chiñu ikán, káchi ra saa: ―Köo níꞌi i nda iin kuachi ra yóꞌó ya káꞌan xaꞌa ra kuvi ra.

Los Hechos 25:25

Ta köo kuachi ra níꞌi i ya káꞌan xaꞌa ra kuvi ra. Ta kúni ra kuꞌun ra nuu ra rey Augusto ñuu Roma ya xaa nani ra ikán kuachi xiꞌin ra, káchi ra. Ta ndátun i tiꞌvi i ra kuꞌun ra ikán.

Los Hechos 3:13

Chi Ndioxi ra kaꞌnu, ra ka̱ñuꞌu ni xii sikua yo ra Abraham xiꞌin ra Isaac tin ra Jacob, ra ikán ku ra nda̱sa chee ni Jesús ra kúu Seꞌe ra, ta suvi ra ikán ku ra ti̱in ndo taxi ndo ndaꞌa na chiñu ta köo ndi̱xiin ndo saña ra tá ku̱ni ra Pilato saña ñaꞌa ra.

HEBREOS 7:26

Jesús ku ra ku sutu chee ni ka, ra ndee ni xíniñuꞌu yo. Saa chi ra ikán ta ra i̱í ni ku ra, nda iin kuachi ni ya väꞌa köo ndi̱kan ra, ta köo íyo yuꞌu ra xiꞌin na íkan kuachi, saa nda̱a ra kuaꞌan ra nuu ndivi, ta sukun ni ka nda̱a ra kuaꞌan ra.

1 Pedro 1:19

tá kuꞌva yáꞌa ni ndee kúu mií nií Tata yo Jesucristo nduta ndáa yaꞌvi ni, rá vaꞌa, rá ndi̱xita nuu cruzin, rá káa tá káa nií kiti levo loꞌo ri sóko sutu nuu Ndioxi, ri vaꞌa ni, ri köo nda loꞌo ya väꞌa kúu mií. Kuꞌva saa ndi̱xiyo nií ra, rá cha̱ꞌvi Ndioxi xaꞌa kuachi yo.

1 Pedro 2:22

Nda iin kuachi ra köo ndi̱xiyo, ni köo ndi̱sindaꞌvi ra nda iin naꞌa.

1 Pedro 3:18

Saa chi saa kua ndo̱ꞌo tu mií va Tata yo Jesucristo xaꞌa yo, ndi̱xiꞌi ra xaꞌa kuachi yo, ta iindaa ichí ndo̱ꞌo ra ndi̱xiꞌi ra, ta küvi ka ra. Ra vaꞌa ni ndi̱xiyo ra, ta ndi̱xiꞌi ra xaꞌa ndiꞌi yo ivi kuachi ya kuchiñu kundaka ra yoo kuꞌun yo nuu Ndioxi. Tá ndi̱xiꞌi ra ta ndi̱ꞌi xaꞌa ikin kuñu ra, saa tá ndi̱taku ra xiꞌin ikin kuñu ra ya xa̱á küvi kuni yo.