San Lucas 23:3 - Xochapa Mixteco

³ Saa ndi̱ndakan tuꞌun ñaꞌa ra Pilato, káchi ra saa: ―¿Án ya ndixa kua yóꞌo̱ ku Rey nuu na judío? ―káchi ra. Saa ndi̱kuiin Jesús, káꞌan ra: ―Ya ndaa tá íyo ya káꞌan un saa íyo ndixa va ya ―káchi ra.

San Lucas 23:3 Iomraidhean Croise

San Mateo 27:11

Tá ndíchi Jesús nuu ra gobernador Pilato, saa ndi̱ndakan tuꞌun ra Jesús, káchi ra saa: ―¿Án ndixa ra rey nuu na judío ku un? ―káchi ra xiꞌin ra. Saa ndi̱kuiin Jesús káꞌan ra: ―Tá íyo ya káꞌan un, saa ndixa íyo va ya ―káchi Jesús xiꞌin ra.

San Marcos 15:18

Saa xa̱á nda xáa kaꞌnu ñaꞌa nda, káchi nda saa: ―¡Kaꞌnu ni ra rey na judío! ―káchi nda kúsiki nda ra.

San Marcos 15:2

Saa ndi̱ndakan tuꞌun ñaꞌa ra Pilato, káchi ra saa: ―¿Án ndixa yóꞌo̱ ku rey nuu na Israel? ―káchi ra. Saa ndi̱kuiin Jesús, káchi ra saa: ―Tá íyo ya ndi̱kaꞌan un, saa ndi̱xa íyo va ya ―káchi Jesús xiꞌin ra.

San Marcos 15:32

Tá tu ndixa ra ti̱ꞌvi Ndioxi vaxi sikaku yoo ku ra, tá tu ra rey nuu yo Israel ku ra, ta ná nuu ra ndaꞌa cruzin, saa kandixa yo ra ―káchi nda. Saa kánaꞌa tu nda tíkaa ndaꞌa cruzin ñaꞌñu xiín va ra xíꞌin ra.

San Lucas 22:70

Saa ndi̱ndakan tuꞌun ndiꞌi nda ra, káchi nda saa: ―¿Án Seꞌe Ndioxi ku un? ―káchi nda xiꞌin ra. Saa ndi̱kuiin Jesús káꞌan ra: ―Ikán ku i káchi mií ndo ―káchi ra xiꞌin nda.

San Lucas 23:38

Ñaa ka̱ni na iin itun tabla loꞌo nuu cruzin chí xiní ra, ta uni nuu tuꞌun ndóso nuu nu, tuꞌun griego, tin tuꞌun latín, xiꞌin tuꞌun hebreo kua ndóso nuu nu, káchi ya saa: “Ra Rey na judío ku ra yóꞌó”, káchi ya.

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

San Juan 18:29

Xaꞌa ya ikán kua ke̱ta ra Pilato keꞌe, ta ndi̱ndakan tuꞌun ñaꞌa ra káchi ra saa: ―¿Ndá kuachi kua i̱kan ra yóꞌó, yakan táxi ndo kuachi xaꞌa ra? ―káchi ra xiꞌin nda.

San Juan 19:3

Saa káꞌan nda xiꞌin ra, káchi nda saa: ―Xáa toꞌo ni nde yóꞌo̱ tata, rey nuu na judío ―káchi nda kúsiki ndaa ñaꞌa nda. Ta ndinuni loꞌo ka káni ñaꞌa nda, xákin nda xaꞌnda nuu ra.

1 Timoteo 6:13

Ta nuu Ndioxi ra táxi táku ndiꞌi ñaꞌa ñuu ivi yóꞌó kua xáꞌnda chiñu i nuu un, xiꞌin nuu Tata yo Jesucristo kua xáꞌnda chiñu i nuu un, chi Jesucristo ku ra ndi̱kuiin xaꞌa ya ndaa tá kivi xi̱ndichi ra nuu ra Poncio Pilato,