San Lucas 23:2 - Xochapa Mixteco

² Tá ndi̱xaa na xiꞌin ra nuu ra Pilato, ta xa̱á na táxi na kuachi siki xaꞌa ra, káchi na saa: ―Xi̱ni nde ra yóꞌó táa sii ni ra naꞌa ya kuꞌun na sata ra. Ta väꞌa íkan ra, ra táꞌvi ñuu yo ku ra chi káꞌan ra xiꞌin na, ya ná chäꞌvi na xuꞌun ya kuaꞌan ndaꞌa ra rey César, saa chi mií ra ku Cristo, ra ti̱ꞌvi Ndioxi vaxi ra nduu ra rey ñuu ivi yóꞌó, káchi ra xiꞌin na ―káchi nda.

San Lucas 23:2 Iomraidhean Croise

San Mateo 17:27

Ni saa va íyo ya, ta ya ná sïsaa yo nda ndíkaya xuꞌun, ta vaꞌa kuaꞌan yuꞌu nduta ñûꞌu chikaa un iꞌva ya tíin kàà chikiꞌi yuꞌu. Tá ka̱kuꞌun iin tiaka saa kuna un yuꞌu ri, ta ikán nditaꞌan un xuꞌun ndíkaa ya yuꞌu ri. Nani ya ikán chaꞌvi un nuu i xiꞌin nuu mií un ―káchi Jesús xiꞌin ra Pedro.

San Mateo 22:21

Saa ndi̱kuiin nda, káꞌan nda: ―Naꞌna ra rey César kua, ta kivi ra ikán kua ínuu nuu ya ―káchi nda xiꞌin ra. Saa ndi̱kaꞌan ra xiꞌin nda, káchi ra saa: ―Taxi ndo ya kúu ñaꞌa na chiñu ndaꞌa na chiñu, ta taxi tu ndo ya kúu ñaꞌa Ndioxi ndaꞌa Ndioxi ―káchi ra xiꞌin nda.

San Mateo 27:11

Tá ndíchi Jesús nuu ra gobernador Pilato, saa ndi̱ndakan tuꞌun ra Jesús, káchi ra saa: ―¿Án ndixa ra rey nuu na judío ku un? ―káchi ra xiꞌin ra. Saa ndi̱kuiin Jesús káꞌan ra: ―Tá íyo ya káꞌan un, saa ndixa íyo va ya ―káchi Jesús xiꞌin ra.

San Marcos 12:17

Ta saa ndi̱kaꞌan ra xiꞌin nda: ―Tá tu saa ra taxi ndo ñaꞌa ra rey César ndaꞌa ra, ta taxi tu ndo ñaꞌa ya kúu kuenta Ndioxi va ndaꞌa ra ―káchi ra xiꞌin nda. Tá ndi̱kaꞌan ra saa ta ndi̱kanda ni ini nda xaꞌa ya vaꞌa ni ndi̱kuiin ra.

San Marcos 15:2

Saa ndi̱ndakan tuꞌun ñaꞌa ra Pilato, káchi ra saa: ―¿Án ndixa yóꞌo̱ ku rey nuu na Israel? ―káchi ra. Saa ndi̱kuiin Jesús, káchi ra saa: ―Tá íyo ya ndi̱kaꞌan un, saa ndi̱xa íyo va ya ―káchi Jesús xiꞌin ra.

San Lucas 23:14

Ta ndi̱kaꞌan ra xiꞌin na, káchi ra saa: ―Ndóꞌo̱, ndáka ndo ra yóꞌó xa̱a ra xiꞌin ndo táxi ndo kuachi ndaꞌa i xaꞌa ra ya xíka ra táa sii ra naꞌa káchi ndo. Ta nuu ndiꞌi ndo ndi̱ndakan tuꞌun i ra xaꞌa ya chíkaa ndo kuachi ra. Ta köo ndi̱taꞌan i kuachi ra.

San Lucas 23:5

Ñaa iin káchi ndi̱kuiin ndiꞌi na káꞌan na xiꞌin ra Pilato, káchi na saa: ―Ra chúꞌun naꞌa ku ra ñaa, ta chíkaa ra yuꞌu na ya kanitaꞌan na xiꞌin na chiñu. Ndiꞌi ni kúu ñuu estado Galilea xiꞌin estado Judea ndi̱xika ra sínaꞌa ra, ta vitin nda ñuu Jerusalén yóꞌó xa̱a ra íkan ra saa ―káchi na xiꞌin ra Pilato.

San Juan 18:29

Xaꞌa ya ikán kua ke̱ta ra Pilato keꞌe, ta ndi̱ndakan tuꞌun ñaꞌa ra káchi ra saa: ―¿Ndá kuachi kua i̱kan ra yóꞌó, yakan táxi ndo kuachi xaꞌa ra? ―káchi ra xiꞌin nda.

San Juan 18:30

Saa ndi̱kuiin nda káꞌan nda: ―Tá tu ra vaꞌa ku ra, ndikuu ¿ta ndachu kundaka nde ra kixi ra nuu un? ―káchi nda xiꞌin ra Pilato.

San Juan 19:12

Saa ta ndikun mií hora ikán kua xa̱á xíka ini ra ndá kuꞌva koo saña ra Jesús. Sundi na judío ta ndáꞌi koꞌo na nuu ra káꞌan na xiꞌin ra, káchi na saa: ―Tá ná saña un ra, ta süvi ka migo ra rey César kúu un, chi ndá ka na káꞌan kúu na rey ta na kuakiꞌvi contra ra rey César ku na ―káchi na xiꞌin ra Pilato.

Los Hechos 24:13

Süvi ya ndaa kua káꞌan nda xaꞌa i xiꞌin un, nda iin ñaꞌa ndíkuiin xaꞌa ya káꞌan nda xaꞌa i köo ya ndaꞌa nda.

Los Hechos 24:5

Ra Pablo yóꞌó ta süvi ra vaꞌa ku ra, ndi̱taꞌan nde ra xíka ra táꞌvi ra na ñuu nde, ndiꞌi ni kúu ñuu xíka ra táꞌvi ra na. Mií ra ku xiní xiꞌin na vata, na káꞌan na xaꞌa nani nazareno.

ROMANOS 13:7

Tá tu íyo na níka ndo nuu, ta chaꞌvi ndo nuu na. Tá ndá ñaꞌa níka ndo xaꞌa nuu na chiñu, ta chaꞌvi ndo nuu na. Tá íyo naꞌa na xíniñuꞌu ndo xaa toꞌo ndo, ta vaꞌa xaa toꞌo ndo na, tá íyo na xíniñuꞌu xaa kaꞌnu ndo, ta vaꞌa xaa kaꞌnu ndo na.