San Lucas 23:13 - Xochapa Mixteco

¹³ Saa ka̱na ra Pilato ndiꞌi nda sutu naꞌnu xiꞌin na chiñu tin na ñuu, ndi̱kitaꞌan na.

San Lucas 23:13 Iomraidhean Croise

San Marcos 15:14

Saa ndi̱kaꞌan ra Pilato xiꞌin na, káchi ra saa: ―¿Ndachu kuvi ra yóꞌó? ¿Unkua i̱kan ra kua? ―káchi ra xiꞌin na. Saa ndi̱kuiin ndiꞌi na ndáꞌi kóꞌo na, káchi na saa: ―¡Katikaa ra ndaꞌa cruzin! ―káchi ndiꞌi na.

San Lucas 23:35

Ta ndíta ndiꞌi na xíto na ya ndóꞌo Jesús, nda mií na chiñu kúsiki ndaa ñaꞌa, káchi na saa: ―Ku̱chiñu ra chi̱ndee ra inka naꞌa, ta vitin ná chindee ra mií ra. Tá tu ndixa ra Cristo, ra ndi̱kaxin Ndioxi vaxi sikaku yoo ku ra, ta ná sikaku ra mií ra ―káchi na.

San Lucas 24:20

Ta nda sutu ñuu yo xiꞌin na chiñu, ti̱in na ra ta̱xi na kuachi xaꞌa ra ndaꞌa na chiñu naꞌnu, ta na ikán xa̱ꞌni ra nuu itun cruzin.

San Juan 12:42

Vani köo ndi̱xiin sava na kandixa na ra, sundi kuaꞌa ni na chiñu kúu mií chiñu ndee ka̱ndixa ñaꞌa, ta köo ndi̱tuꞌun na xiꞌin naꞌa, xaꞌa ya íꞌvi na nuu nda fariseo, chi koto ka tava ndaꞌa ñaꞌa nda veꞌe ñuꞌu sinagoga.

San Juan 18:38

Saa ndi̱kaꞌan ra Pilato kúsiki ndaa ñaꞌa ra, káchi ra saa: ―¿Ta ndá ñaꞌa ya ku ya ndaa, túvi un? ―káchi ra. Saa ke̱ta tuku ra Pilato ndi̱kaꞌan ra xiꞌin nda chiñu ikán, káchi ra saa: ―Köo níꞌi i nda iin kuachi ra yóꞌó ya káꞌan xaꞌa ra kuvi ra.

San Juan 19:4

Saa ke̱ta tuku ra Pilato ndi̱kaꞌan ra xiꞌin nda judío, káchi ra saa: ―Koto ndo, yóꞌó ndáka tuku i ra vaxi ra xiꞌin i keꞌe yóꞌó, ya ná kundaa ini ndo nda iin kuachi ra köo ndi̱taꞌan i ―káchi ra.

San Juan 3:1

Ndi̱xiyo iin ra fariseo náni ra Nicodemo, ta kúu mií ra chiñu ndee ni nuu na judío.

San Juan 7:26

Ta ndachu vaꞌa káꞌan ra nuu ndiꞌi yo, ta ni köo na káꞌan xiꞌin ra. ¿Án sana xa ku̱ndaa va ini na chiñu, ra yóꞌó ku Cristo?

San Juan 7:48

Ta nda iin nda chiñu naꞌnu nuu yo, ni ndeꞌe fariseo ta köo kándixa nde ra.

Los Hechos 13:27

Na ñuu Jerusalén xiꞌin na xáꞌnda chiñu nuu na ta köo ndi̱xiin na ndikuni na Jesús, ni tuꞌun ya ta̱a nda ndi̱kaꞌan ndoso tuꞌun yuꞌu Ndioxi ya káꞌvi na ndiꞌi saa kivi i̱í tá ndíkundee yo ta köo ndi̱kundaa ini na xiꞌin ya yakan xa̱ꞌni na Jesús nuu si̱xinu na ya ta̱a nda ikán.

Los Hechos 3:17

Saa xa̱á káꞌan ka ra xiꞌin na, káchi ra saa: ―Na taꞌan yo, ya ndaa kua xa̱ꞌni ndo Jesús, xaꞌa ya naá nuu va ndo kua i̱kan ndo saa, ta saa i̱kan tu na chiñu kúu mií chiñu nuu va ndo.

Los Hechos 4:5

Saa ndi̱tuvi inka kivi ta iin ndi̱kitaꞌan ndiꞌi mií na chiñu nuu na judío xiꞌin na xikuaꞌa tin nda sínaꞌa ley Ndioxi ya ta̱a ra Moisés. Ndi̱kitaꞌan ndiꞌi na koo iin junta ñuu Jerusalén.

Los Hechos 4:8

Ta ndee ni íyo Tachi Ndioxi xiꞌin ra Pedro, ta saa ndi̱kuiin ra káꞌan ra: ―Ndóꞌo̱ tata na chiñu nuu ñuu yo xiꞌin ndóꞌo tata na xikuaꞌa nuu yo Israel.