San Lucas 22:44 - Xochapa Mixteco

⁴⁴ Ta ndíꞌi ka vi ini ra, ndinuni loꞌo káꞌan ra xiꞌin Ndioxi, ndakua ndi̱xinu titiin nuu ra. Ndoo ka vi rá kóyo vaxi nùù nuu ra. Tá íin koꞌndo nduta nií, saa íin rá kóyo nuu ñuꞌú.

San Lucas 22:44 Iomraidhean Croise

San Lucas 22:45

Saa tá si̱ndiꞌi ra ndi̱kaꞌan ra xiꞌin Ndioxi, ta ndi̱ko koo ra ndi̱xaa ra nuu ndóo nda ítaꞌan xiꞌin ra. Ta köo ndi̱kundee ka ini nda xiꞌin ya suchi ini, ñaa ndi̱naa ini nda ndi̱kixi nda.

San Juan 12:27

Saa ndi̱kaꞌan ka Jesús, káchi ra saa: ―Ta vitin yáꞌa ni ndíꞌi ini i, saa xíka ni ini i unkua nduku i nuu Ndioxi. ¿Án vaꞌa ka kaꞌan i xiꞌin Iva i ya sikaku ra yeꞌe xaꞌa ya kundoꞌo i vitin? Ta küvi kaꞌan i saa xiꞌin ra, chi xaꞌa ya kuvi i kua vaxi i ñuu ivi yóꞌó ―káchi Jesús.

ROMANOS 8:32

Chi Ndioxi ta yáꞌa ni vaꞌa ini ra, nda ta̱xi ra Seꞌe ra, ra iindaa mituꞌun nuu ra, ta ndi̱xiꞌi ra xaꞌa kuachi ndiꞌi yo. Ta köo ndíkuxiꞌnda ñaꞌa ra, ta maa täxi vi ra ñaꞌa ya xíniñuꞌu yo ndaꞌa yo.

HEBREOS 5:7

Kivi ndi̱xiyo Cristo ñuu ivi yóꞌo̱ ta ndee ni xa̱ku ndaꞌvi ra nuu Ndioxi, káꞌan ndaꞌvi ra xiꞌin Ndioxi, saa chi xíni ra iindaa mií Ndioxi ku ra kúu mií ndee ya sikaku ñaꞌa ra, ya ná ndöo ra ndikaa ra ndaꞌa ndìì ya xáꞌni naꞌa. Ta xaꞌa ya xa̱a súvi ni ra ya ndi̱kaꞌan Ndioxi xiꞌin ra, saa ndaꞌvi ni ndo̱ꞌo ra nuu Ndioxi, xaꞌa ya ikán kua xi̱ni soꞌo Ndioxi ya ndi̱kaꞌan ra xiꞌin ra.