San Lucas 22:41 - Xochapa Mixteco

⁴¹ Saa ku̱xika loꞌo ra, tá kuꞌva nuu ndíkava yu̱ú tá síkana yo ya. Ta ikán si̱kusiti ra, xa̱á ra káꞌan ra xiꞌin Ndioxi,

San Lucas 22:41 Iomraidhean Croise

San Mateo 26:39

Saa ke̱e ra kuaꞌan xika loꞌo ka ra, ñaa ndi̱xaa ra si̱kusiti ra ta nda nuu ñuꞌú ndi̱xinu taan ra, ta xa̱á ra káꞌan ra xiꞌin Ndioxi, káchi ra saa: ―Tata Iva mií i, tá tu kúni un ta täxi un kundoꞌo i tindoꞌo yóꞌó, sundi ïkan un ya kúni yeꞌe, vaꞌa ikan un ya kúni mií va un ―káchi Jesús xiꞌin Ndioxi.

San Marcos 14:35

Saa ku̱xika loꞌo Jesús, ta ikán si̱kusiti ra nda nuu ñuꞌú, ta ndi̱kaꞌan ra xiꞌin Ndioxi, tá tu kúni ra ta ná täxi ra yaꞌa ra nuu tindoꞌo ya vaxi nuu ra.

San Lucas 18:11

Ta ra fariseo ikán káꞌan ra xiꞌin Ndioxi, káchi ra saa: “Tata, táxi ni i tixaꞌvi ndaꞌa un saa chi köo káa i tá káa inka naꞌa, köo kuiꞌna i, ni köo íyo i kuachi xiꞌin inka naꞌa, ni xiꞌin yá síꞌi inka taa köo xíka i, ta ni süvi tá káa ra ndíkaya xuꞌun kuaꞌan ndaꞌa gobierno yóꞌó saa káa i.

San Lucas 18:13

Ta inka ra ndíkaya xuꞌun kuaꞌan ndaꞌa gobierno, ndi̱kundichi xika ra, ni köo xáꞌa ndee ini ra ndaniꞌi ra nuu ra, vaꞌa ka ndi̱kuita ndee ra nuu ñuꞌú, tíin ndaa ra xiní ra, káchi ra saa: “Tata Iva yo Ndioxi, kundaꞌvi ini un kuni un yeꞌe, saa chi ra ivi kuachi ku i”, káchi ra ndíchi ra.

Los Hechos 20:36

Tá si̱ndiꞌi ra ndi̱kaꞌan ra xiꞌin na, saa si̱kusiti ra xiꞌin ndiꞌi na xikuaꞌa ikán, xa̱á ra káꞌan ra xiꞌin Ndioxi.

Los Hechos 21:5

Tá ndi̱xinu uxa kivi, ta ka̱na koo nde kuaꞌan nde. Kuaꞌan nda ná síꞌi nda xiꞌin nda, ndáka ná seꞌe vali ná kuaꞌan xiꞌin ná. Tá ndi̱xaa nde nuu yoti yuꞌu nduta ñûꞌu ikán, saa si̱kusiti ndiꞌi nde káꞌan nde xiꞌin Ndioxi.

Los Hechos 7:60

Ñaa si̱kusiti ra ta iin ndi̱ndaꞌi koꞌo ra káchi ra saa: ―Tata, kïꞌin un kuenta xaꞌa kuachi na, ya íkan na xiꞌin i ―káchi ra xiꞌin Ndioxi. Tá ndi̱kaꞌan ra saa, ta ndi̱xiꞌi va ra.

Los Hechos 9:40

Ñaa xa̱ꞌnda ra Pedro chiñu ya ná kee ndiꞌi na cuarto nuu índuꞌu yá. Ta saa ka̱na koo na. Tá ke̱e ndiꞌi na, ta ñaa si̱kusiti ra xa̱á ra káꞌan ra xiꞌin Ndioxi. Saa ndi̱koto ra nuu yá, káꞌan ra xiꞌin yá, káchi ra saa: ―Nana Tabita, kuándikoo ―káchi ra xiꞌin yá. Saa ndi̱xuna nuu yá. Tá xi̱ni yá ra Pedro, ta ndi̱koo yá ndi̱kunduꞌu koo yá.

HEBREOS 5:7

Kivi ndi̱xiyo Cristo ñuu ivi yóꞌo̱ ta ndee ni xa̱ku ndaꞌvi ra nuu Ndioxi, káꞌan ndaꞌvi ra xiꞌin Ndioxi, saa chi xíni ra iindaa mií Ndioxi ku ra kúu mií ndee ya sikaku ñaꞌa ra, ya ná ndöo ra ndikaa ra ndaꞌa ndìì ya xáꞌni naꞌa. Ta xaꞌa ya xa̱a súvi ni ra ya ndi̱kaꞌan Ndioxi xiꞌin ra, saa ndaꞌvi ni ndo̱ꞌo ra nuu Ndioxi, xaꞌa ya ikán kua xi̱ni soꞌo Ndioxi ya ndi̱kaꞌan ra xiꞌin ra.