San Lucas 22:2 - Xochapa Mixteco

² Ta kivi ikán xa̱á sava nda sutu naꞌnu xiꞌin nda sínaꞌa ya ta̱a ra Moisés, ndúku nda kuꞌva kaꞌni sêꞌe nda Jesús, xaꞌa ya íꞌvi nda nuu na ñuu.

San Lucas 22:2 Iomraidhean Croise

San Mateo 12:14

Saa ka̱na koo nda fariseo kuaꞌan nda, xa̱á nda ndítuꞌun taꞌan nda ndá kuꞌva kaꞌni nda Jesús.

San Mateo 21:38

Tá xi̱ni nda ikán seꞌe ra, ta saa ndi̱kaꞌan nda xiꞌin taꞌan nda, káchi nda saa: “Ra yóꞌó ku seꞌe ra, ra ndoo xiꞌin ndiꞌi ñaꞌa ra, ta naꞌa ndo ná kaꞌni yo ra, ta ndoo yo xiꞌin ndiꞌi ñaꞌa ra”, káchi nda.

San Mateo 26:2

―Xíni ndo soo uvi kivi kúmani, saa kana viko pascua. Saa nditaxi na yeꞌe, Taa ra xa̱a ñuu ivi yóꞌó, nditaxi na yeꞌe ndaꞌa naꞌa, na sáa ini xíni yeꞌe, ta na ikán chinuu yeꞌe ndaꞌa cruzin nuu kuvi i ―káchi Jesús xiꞌin nda ítaꞌan xiꞌin ra.

San Marcos 14:1

Soo uvi kivi kúmani saa tindaa kivi ya ndítava na Israel viko pascua xiꞌin inka viko nuu xíxi na xita vaꞌa ya köo uxan iya xiꞌin. Saa xa̱á nda naꞌnu nuu sutu xiꞌin nda maestro nda sínaꞌa ley Ndioxi ya ta̱a ra Moisés, ndúku nda kuachi siki xaꞌa Jesús saa kuchiñu nda kaꞌni nda ra.

San Lucas 20:19

Ñaa xi̱ni soꞌo nda naꞌnu nuu sutu ikán xiꞌin nda sínaꞌa ley ya ta̱a ra Moisés ya ndi̱kaꞌan Jesús, ta ndikun ku̱ni nda tiin ñaꞌa nda, chi ku̱ndaa ini nda xaꞌa mií nda kua ndi̱kaꞌan tuꞌun ndíchi ikán. Sundi köo ndi̱kuchiñu nda tiin nda ra, saa chi íꞌvi nda nuu na ñuu.

San Juan 11:57

Ta nda fariseo xiꞌin nda sutu naꞌnu xa̱ꞌnda nda chiñu, tá ndá naꞌa xi̱ni ra ta kama ni ná taxi na chiñu ya kuꞌun na tiin ñaꞌa na nda mií nuu ndíkaa ra.

Los Hechos 4:27

’Ta vitin ku nuu ti̱ndaa kivi ndi̱xinu ya ndi̱kaꞌan ra rey David, saa chi ra rey Herodes xiꞌin ra Poncio Pilato iin káchi ndi̱kitaꞌan nda ñuu yóꞌó, xiꞌin na inka ñuu na köo kúu judío xiꞌin sava na ñuu Jerusalén yóꞌó. Iin yuꞌu ku̱u na xiꞌin taꞌan na ndu̱ku na kuꞌva xa̱ꞌni na Jesús ra i̱í, ra kúu mií ichí un ya ta̱xi un ndaꞌa ra, Iva yo Ndioxi.