San Lucas 20:8 - Xochapa Mixteco

⁸ Saa ndi̱kuiin Jesús káꞌan ra: ―Tá tu saa ra ni yeꞌe küvi kaꞌan i xiꞌin ndo unku ta̱xi ichí ndaꞌa i ―káchi ra xiꞌin nda.

San Lucas 20:8 Iomraidhean Croise

San Mateo 15:14

Täa soꞌo ndo ya káꞌan nda fariseo. Chi nda ikán ra tá íin na kuáa̱ saa íin nda. Chi tá iin ra kuáa̱ ná kundaka ra inka ra kuáa̱ kuꞌun xiꞌin ra, ta uvi saa nda koyo yavi ―káchi Jesús xiꞌin na.

San Mateo 16:4

¡Ndóꞌo̱ iku ini, ndóꞌo̱ köo kándixa Ndioxi ku ndo! Saa chi ndúku ndo yatuꞌun nuu i, ya kuchiñu kandixa ndo án ra ke̱e nuu Ndioxi ku i. Ta ïkan i yatuꞌun kuni ndo. Ndisaa yatuꞌun kuni ndo ku ya ndo̱ꞌo ra profeta Jonás, ra ndi̱kaꞌan ndoso tuꞌun yuꞌu Ndioxi xinaꞌa ―káchi Jesús xiꞌin nda. Saa ke̱ta ra kuaꞌan ra xiꞌin nda ítaꞌan xiꞌin ra.

San Mateo 21:27

Saa ndi̱kaꞌan nda xiꞌin Jesús: ―Köo xíni nde ―káchi nda. Saa ndi̱kuiin ra, káꞌan ra xiꞌin nda: ―Tá tu saa, ta ni yeꞌe käꞌan i xiꞌin ndo unku ta̱xi ichí ndaꞌa i ikan i saa ―káchi ra xiꞌin nda.

San Marcos 11:33

Ta saa ndi̱kuiin nda, káꞌan nda: ―Köo xíni nde unku ta̱xi ichí ndaꞌa ra ―káchi nda. Saa ndi̱kaꞌan Jesús xiꞌin nda: ―Tá tu saa, ta ni yeꞌe ta käꞌan i xiꞌin ndo unku ta̱xi ichí ndaꞌa i ya íkan i ya yóꞌó ―káchi ra xiꞌin nda.

San Lucas 20:7

Ñaa ndi̱kuiin nda káchi nda saa: ―Köo xíni nde unku ta̱xi ichí ndaꞌa ra Juan ―káchi nda.

San Lucas 20:9

Sindiꞌi ikán xa̱á tuku Jesús ndítuꞌun ra iin tuꞌun ndíchi káchi ra saa: ―Saa ndo̱ꞌo iin ra taa, ta̱an ra iin teꞌe ti uva nuu ñuꞌú ra. Ñaa ta̱xi too ra ya ndaꞌa inka naꞌa. Saa ke̱e ra kuaꞌan xika ra inka ñuu.

San Lucas 22:68

Tá ná ndakan tuꞌun tu i ndóꞌo̱, ta ni küaꞌa ndo ndikuiin ndo yuꞌu i, ni säña ndo yeꞌe.