San Lucas 20:16 - Xochapa Mixteco

¹⁶ Ná kaꞌan i xiꞌin ndo unkua ikan ra xiꞌin na. Tá ná xaa ra, ta iin sindiꞌi xaꞌa ndiꞌi ra na ta̱xi too ra ñuꞌú ndaꞌa, kaꞌni ra na. Ñaa nduku ra inka na kundaa ñuꞌú ra ―káchi Jesús xiꞌin na. Tá xi̱ni soꞌo na ya ndi̱kaꞌan ra. Ñaa xa̱á na káꞌan na, káchi na saa: ―Ná täxi Ndioxi kundoꞌo yo tá ndo̱ꞌo na ndu̱ku too ñuꞌú ra ikán ―káchi na.

San Lucas 20:16 Iomraidhean Croise

San Mateo 21:34

Tá ti̱ndaa kivi ya taꞌnda ri, ta saa ti̱ꞌvi ra sava na xáa chiñu nuu ra kuaꞌan na nuu nda xáa chiñu xiꞌin ri ya nduku nda yaꞌvi ñuꞌú ra.

San Mateo 21:41

Saa ndi̱kuiin na, káꞌan na, káchi na saa: ―Ndee ni ikan ra xiꞌin na, kaꞌni ra na. Sindiꞌi xaꞌa ra na. Saa taxi too ra ñuꞌú ra ndaꞌa inka na vaꞌa chaꞌvi ―káchi na.

San Mateo 22:7

Saa ndi̱saa ni mií ra rey ikán, ñaa ti̱ꞌvi ra nda lapa xáa chiñu nuu ra kuaꞌan nda kaꞌni nda naꞌa xa̱ꞌni moso ra, ta saa xa̱ꞌmi ndiꞌi nda ñuu na ikán.

San Marcos 12:9

Saa ndi̱kaꞌan ra xiꞌin na, káchi ra saa: ―¿Unkua ikan ra ta̱xi too ñuꞌú xiꞌin nda ndu̱ku too ya nuu ra, káchi ndóꞌo̱? Yeꞌe káchi saa, tá ná ndiko koo ra ta kaꞌni ra nda ikán, saa taxi too ra ñuꞌú ra ndaꞌa inka naꞌa ―káchi Jesús xiꞌin na.

San Lucas 19:27

Saa tu ndiꞌi na sáa ini xíni yeꞌe, na köo ndi̱kuni koo i rey, siyaꞌa ndiꞌi ndo na ná kixi na chí choꞌo, ta vitin kaꞌni ndo na nuu i”, káchi ra rey ikán. Soꞌva káchi tuꞌun ndíchi ikán ―káchi Jesús xiꞌin na.

San Lucas 20:15

Ñaa ta̱va na ra nuu ñuꞌú iva ra, xa̱ꞌni ñaꞌa na. Soꞌva káchi tuꞌun ndíchi yóꞌó ―káchi Jesús xiꞌin na. Saa ndi̱kaꞌan ra xiꞌin na ndóo xíni soꞌo ikán káchi ra saa: ―Tá ná xaa iva ra ta ¿unkua ikan ra xiꞌin na xa̱ꞌni seꞌe ra, ná kachi ndóꞌo̱?

Los Hechos 13:46

Saa xa̱á ra Pablo xiꞌin ra Bernabé káꞌan nda, ndinuꞌu ini nda káꞌan nda, káchi nda saa: ―Xiꞌna ndóꞌo̱ ku ndo xíniñuꞌu kuni soꞌo tuꞌun Ndioxi, chi ndo judío ku ndo, sundi ndóꞌo̱ ta köo xíin ndo ndikiꞌin ndo ya, saa chi ndíkani ini ndo ni köo ndáa yaꞌvi ndo kutaku ndo ndiꞌi saa kivi xiꞌin Ndioxi, káꞌan ndo. Ta vaꞌa va chi vitin ndituꞌun nde xiꞌin na köo kúu judío.

ROMANOS 11:1

Xaꞌa ya ñaa kua ndákan tuꞌun tuku i mií i, káchi i: ¿Án sana xa ku̱ndasi nuu va Ndioxi na ñuu ra, na Israel? káꞌán i. Ta süvi ya ndaa ku ya, saa chi ni mií i ta ra Israel ku tu yeꞌe va. Chi yeꞌe ta ka̱ku i tixin seꞌe ñani sikua ra Abraham, ta na veꞌe ra Benjamin ku i.

ROMANOS 11:11

Saa ndákan tuꞌun tuku i, káchi i soꞌva: ¿Án ndi̱koyo na judío ta ni ndïkuita na, túvi ndo? ¡Köo ndi̱ndoꞌo na saa! Xaꞌa ya köo ndi̱xiin na kuni soꞌo na ya ndi̱kaꞌan Ndioxi xiꞌin na, ta nda na köo kúu judío kee vaꞌa, chi sikaku Ndioxi na, ya ná ndukuiñu ini na judío, ta saa ndiko koo tuku na ndikundikun na Ndioxi.

ROMANOS 3:31

Tá kándixa yo Jesucristo ta ¿án xaꞌa ya ikán kua síndiꞌi xaꞌa yo ya káꞌan ley Ndioxi ya ta̱a ra Moisés? Uꞌun, süvi saa íyo ya, köo káꞌan i saa xiꞌin ndo. Chi tá kándixa yo Jesucristo, ta ya ikán kua ndixa xáa súvi ka yo ley Ndioxi ya ta̱a na xinaꞌa.

ROMANOS 3:4

¡Köo íkan Ndioxi saa! Süvi tá íin na ñuu ivi yóꞌó saa káa ra. Vani na ñuu ivi yóꞌó köo síxinu na ya káꞌan na, sundi Ndioxi ta nina síxinu ra tuꞌun ya káꞌan ra. Saa chi tuꞌun Ndioxi ya ta̱a na xinaꞌa, ta soꞌva káꞌan ya xaꞌa ra: Ndiꞌi naꞌa kundaa ini ya ndaa ni ini un, chi ndiꞌi tuꞌun ya káꞌan un, ta ndaa ni káꞌan un. Ni naꞌa ta nïꞌi na kuachi un, ta köo na taxi kuachi xaꞌa un. káchi tuꞌun Ndioxi xaꞌa ra, ya ta̱a na xinaꞌa.

ROMANOS 3:6

Ta süvi saa íyo ya, saa chi Ndioxi ku ra ndaa ni ini, ta ndiꞌi saa kivi íkan ra ya vaꞌa. Tá tu süvi ra ndaa ku ra, ta küchiñu ra xaa nani ra kuachi na, ndíkuu.

ROMANOS 6:15

Ta vitin, ¿Án vaꞌa ikan ka ndo ya väꞌa? Chi köo íyo ka ndo tixin ley, sundi vitin ta ya xáꞌnda chiñu nuu ndo ku ya vaꞌa, ya kúꞌvi ni ini Ndioxi xíni ra ndóꞌo̱. Ta xaꞌa ya ñaa, ta ¿án vaꞌa ikan ni ka ndo ya väꞌa? ¡Nda loꞌo köo xíniñuꞌu ka ndo ikan ndo saa!

ROMANOS 6:2

¡Ni küvi ka ikan yo saa! Chi yo kándixa Jesucristo ku yo, tá íin yo xa ndi̱xiꞌi saa íin yo nuu kuachi ya xa̱ꞌnda chiñu nuu yo yachi, yakan ni chïkaa soꞌo ka yo ya väꞌa.

ROMANOS 7:13

Xaꞌa ya káꞌan i ya vaꞌa ni ku ley Ndioxi, ta ¿án xaꞌa ya vaꞌa ni ya, yakan xa̱ꞌni ya yeꞌe? ¡Süvi saa íyo ya! Köo káꞌan i xaꞌa ley ya väꞌa ya, chi mií kuachi íyo ini va i ku ya väꞌa ta ya ikán ku ya ndi̱kiꞌin nuu ya vaꞌa, ñaa si̱tuvi teꞌe ya kuachi i yakan ndi̱xiꞌi i nuu Ndioxi. Tixin ley ku ya ku̱ndaa teꞌe ini i xaꞌa kuachi i ya ndee ni kini káa ya.

ROMANOS 7:7

Ta ¿unkua vaꞌa kaꞌan yo vitin?¿Án kaꞌan yo ya väꞌa ku ley Ndioxi ya ta̱a ra Moisés? ¡Küvi kaꞌan yo saa! Ta ndixa ley ku ya si̱naꞌa mií yo unku ya väꞌa. Saa chi íyo iin ley ya káꞌan soꞌva: “Küvi kutoo ni yo kuni yo ñaꞌa inka naꞌa”, káchi ya. Tá tu köo ley ya káꞌan saa, ndikuu, ta ni yeꞌe ta kündaa ini i ya väꞌa ku ya kútoo ni i ñaꞌa inka naꞌa.

ROMANOS 9:14

¿Unkua ndíkani ini yo xaꞌa ya íkan Ndioxi saa? ¿Án ra väꞌa ku ra ya íkan ra saa, túvi ndo? ¡Süvi saa íyo ya!

1 Corintios 6:15

¿Án köo kúndaa ini ndo, iin iin ñaꞌñu ikin kuñu yo ta kúu ya ikin kuñu Tata yo Jesucristo? Ta ¿án vaꞌa sikitaꞌan yo ikin kuñu Tata yo Jesucristo xiꞌin ikin kuñu iin ñaꞌa yá xíko mií nuu ndiꞌi taa? ¡Küvi ikan yo saa!

Gálatas 2:17

Saa tu yoo va, xaꞌa ya kúni yo ndikuiso vaꞌa Ndioxi yoo kua kándixa yo Jesucristo, ta ya ñaa kua kúni kachi ya, yo íyo kuachi ku tu mií va yo nuu Ndioxi. Ta xaꞌa ya ndíkuni yo ya íyo kuachi yo nuu ra, ta köo kúni kachi ya mií Jesucristo ku ra tíꞌvi yoo ya ikan yo ya väꞌa. ¡Chi süvi saa íyo ya!

Gálatas 3:21

Ta ya ndítuꞌun i xaꞌa xiꞌin ndo, ta ¿án köo ndi̱xiyo yuꞌu ya xiꞌin ley ya ta̱a ra Moisés xaꞌa ya ki̱ndoo Ndioxi xiꞌin ra Abraham, túvi ndo? ¡Ta süvi saa íyo ya! Chi tá tu ya ndi̱kuchiñu ku ley ikán taxi ya kutaku yo ndiꞌi saa tiempo xiꞌin Ndioxi, xaꞌa ya xáa súvi ni yo ya, ta ndikuiso vaꞌa va ra yoo nduu yo naꞌa, na köo ka kuachi kúu mií nuu ra, ndikuu.

Gálatas 6:14

Sundi yeꞌe, ta köo kúni i kutai ini i xaꞌa ndá ka ñaꞌa. Ndisaa xaꞌa ya ndi̱xiꞌi Tata yo Jesucristo nuu cruzin xaꞌa kuachi yo kua kúni i kutai ini i xaꞌa. Chi xaꞌa ya i̱kan Jesucristo nuu cruzin kua ndu̱u i tá káa iin ra xa ndi̱xiꞌi nuu ya väꞌa íyo ñuu ivi yóꞌó, ta köo ka ndee ya kaꞌnda chiñu ya nuu i, chi yeꞌe tá káa ra xa ndi̱xiꞌi va saa káa i nuu ya.