San Lucas 2:9 - Xochapa Mixteco

⁹ Saa ku̱u ta ndi̱tuvi iin tatun Ndioxi, ta ndi̱yeꞌe ni ya yeꞌe Ndioxi nuu ndóo nda. Ñaa ndi̱ndiꞌvi ni nda.

San Lucas 2:9 Iomraidhean Croise

San Mateo 1:20

Saa ndíkani ini ra ndá kuꞌva sindoo sěꞌe ra yá, ta ndi̱tuvi iin tatun Ndioxi nuu ra tixin xani ndi̱kaꞌan ya xiꞌin ra, káchi ya saa: ―José, seꞌe sikua ra David, ku ïꞌvi un ndikiꞌin un yá María koo yá xiꞌin un, saa chi ya loꞌo ndíkaa tixin yá ta Tachi I̱í Ndioxi i̱kan saa xiꞌin yá ndi̱kee seꞌe yá.

San Lucas 1:28

Saa ndi̱xaa tatun Ndioxi ndi̱kiꞌvi ya ini veꞌe nuu ndíkaa yá María. Ta saa chi̱ndee ya yá, káchi ya saa: ―¡Kuáꞌa un yá loꞌo, vaxi i kaꞌan i xiꞌin un chi kúsini ni Ndioxi xíni ra yóꞌo̱, saa yóꞌo̱ kusini ni ka yóꞌo̱ nuu ndiꞌi kúu ná ñaꞌa! ―kachi tatun Ndioxi xiꞌin yá.

San Lucas 2:8

Ta mí kivi ka̱ku Jesús ndóo nda paxto yati ñuu Belén, ndóo nda iku ndáa nda levo sana nda, ta ikán kíxi nda xiꞌin ri ñûu.

San Lucas 24:4

Saa ndi̱ndiꞌvi ni ná iin ndi̱kanda ini ná ndíta ná, ni köo xíni ka ná unkua ikan ná. Ñaa iin ku̱u soꞌva ta xi̱ni ná ndíta uvi nda taa nuu ná. Yaa ka vi toto ndíxi nda, ndakua yeꞌe taxan ya.

San Juan 12:41

Soꞌva ndi̱kaꞌan ra Isaías xaꞌa Jesús xinaꞌa, chi xi̱ni xiꞌin nuu ra ya ndee ni vaꞌa luvi kúu mií Jesús.

Los Hechos 12:7

Saa iin ku̱u soꞌva ta ke̱ta iin tatun Ndioxi ta iin ndi̱yeꞌe ndaa ini mií veꞌe kàà ikán. Saa ti̱in ya kandika ra si̱kanda ñaꞌa ya, ndi̱kaꞌan ya xiꞌin ra, káchi ya saa: ―Ndikaxin ini un ndikoo un, kama koo un ndikoo un ―káchi ya xiꞌin ra. Ta saa ndikun ndi̱saña kàà ya núꞌni ndaꞌa ra ndi̱koyo ya.

Los Hechos 27:23

Sundi yoo ta ndïꞌi xaꞌa yo, chi Ndioxi ra káñuꞌu i, ra xáa chiñu i nuu ta ti̱ꞌvi ra tatun ra íyo ya xiꞌin i, ñǔu ndiveꞌe, ndi̱kaꞌan ya xiꞌin i,

Los Hechos 5:19

Saa tá ku̱ñuu ta ndi̱xaa tatun Ndioxi xu̱na ya veꞌe kàà ke̱e nda. Ta saa ndi̱kaꞌan ya xiꞌin nda káchi ya saa:

2 Corintios 3:18

Yakan kua tá kúu ndiꞌi yo kándixa Tata yo Jesucristo, ta köo ndási ka nuu yo, vaꞌa xíto teꞌe yo, yakan kua tá íin yu̱ú tatan saa íin yo chi sínaꞌa teꞌe yo ya luvi ni íkan ra xiꞌin ya ndee ni luvi kúu mií ra. Ta saa kua ndúu yo tá kuꞌva káa mií Tata yo Jesucristo. Ta ya ndínama yo iin iin kivi ta mií Tata yo Jesucristo ra kúu Tachi ku ra íkan saa xiꞌin yo.

2 Corintios 4:6

Saa chi suvi mií Ndioxi ku ra xa̱ꞌnda chiñu ya ndi̱yeꞌe ñu̱ꞌu̱ yéꞌe̱ nuu naá. Ta suvi mií ra ku ra si̱ndiyeꞌe ya nima yo ya ku̱chiñu yo ndi̱xuna ya xínituni yo, saa kua kuni yo ya luvi ni ndi̱yeꞌe ya kúu mií Ndioxi, ya ndi̱yeꞌe ya nuu Jesucristo.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

HEBREOS 12:21

Yáꞌa ni ìyo ku̱u xi̱ni na, yakan ndi̱ndiꞌvi ni na, nda ni mií ra Moisés ta ndi̱kaꞌan ra, káchi ra saa: “Yáꞌa ni íꞌvi i, ndakua kísia yeꞌe”, káchi ra.

El Apocalipsis 18:1

Tá ndi̱ꞌi ndi̱yaꞌa ndiꞌi ya ikán saa xi̱ni i inka tatun Ndioxi vaxi nuu ya nuu ndivi. Ta ndixa ni chee ndee kúu mií ya. Xaꞌa ya ndee ni ndee kúu mií ya, ta iin ndi̱yeꞌe ndiꞌi ni kúu nuu ñuꞌú.

El Apocalipsis 20:11

Saa xi̱ni i tai i̱í itun toꞌo, itun yaa ku nu, ta índuꞌu Ndioxi nuu itun tai ikán. Saa xi̱nu ñuu ivi yóꞌó xiꞌin ndivi, xi̱nu ya kuaꞌan xika ya nuu Ndioxi, nda iin ka naꞌa köo ndi̱xini ka ya, ni köo ka náꞌa nuu ndi̱xiyo ya.