San Lucas 2:7 - Xochapa Mixteco

⁷ Ta köo ndi̱niꞌi na veꞌe nuu kundoo na, saa chi xa chútu ni veꞌe nuu kíxi na xíka ichí, yakan ndá nuu kíxi kiti ndi̱xaꞌan na ndi̱kixi na, ta ikán ka̱ku ya loꞌo seꞌe yá ra núnu̱ú, taa loꞌo ku ra ka̱ku, saa su̱vi yá ra xiꞌin iin tikoto ta chi̱nduꞌu yá ra kíxi ra nuu ñúꞌu ñaꞌa xíxi kiti.

San Lucas 2:7 Iomraidhean Croise

San Mateo 1:25

Sundi köo ndi̱kixi yachi na xiꞌin taꞌan na, xi̱ndatun ra nda ka̱ku seꞌe yá, saa chi̱nuu ra kivi ra loꞌo ikán náni ra JESÚS.

San Mateo 13:55

¿Án süvi Jesús seꞌe ra José ra xáa chiñu xiꞌin itun ku ra yóꞌó? ¿Ta án süvi siꞌí ra ku yá María, ta ñani ra ku ra Jacobo xiꞌin ra José tin ra Simón xiꞌin ra Judas?

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Lucas 10:34

Saa ku̱yati ra nuu ra xa̱a tatan ñaꞌa ra, ki̱ꞌin ra ceite tin vinu ndi̱yakun ra nuu ti̱kueꞌe ra ikán. Saa ka̱tun ra tikoto ndiꞌi nuu ti̱kueꞌe ra. Sindiꞌi ikán ta ndi̱kiꞌin ñaꞌa ra si̱ndaa ra sata kiti sana ra, ñaa ndi̱kiꞌin ñaꞌa ra kuaꞌan ra xiꞌin ra veꞌe nuu kíxi na yáꞌa ichí ikán, saa xi̱ndaa ñaꞌa ra.

San Lucas 2:6

Tá ndóo na ñuu Belén ikán saa ti̱ndaa kivi kaku seꞌe yá.

San Lucas 2:8

Ta mí kivi ka̱ku Jesús ndóo nda paxto yati ñuu Belén, ndóo nda iku ndáa nda levo sana nda, ta ikán kíxi nda xiꞌin ri ñûu.

San Juan 1:14

Ta Tuꞌun Ndioxi ikán, ndu̱u ya iin taa, tá íin mií yo saa ndu̱u ra, ta ndi̱xika ra xiꞌin nde ñuu ivi yóꞌó. Ta xi̱ni nde ya vaꞌa luvi ni kúu mií ra. Ta mií ya luvi ni kúu mií Ndioxi kua kúu mií ra, chi iindaa mií ra ku Seꞌe Ndioxi. Iin chútu ndaa ya vaꞌa, ya ndaa ini ra.

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.

Gálatas 4:4

Sundi tá ndi̱xinu kivi ya chi̱tuni mií Ndioxi ti̱ꞌvi ra Seꞌe ra ki̱xi ra ñuu ivi yóꞌó, saa ka̱ku ra tixin iin ñaꞌa, ta xa̱a súvi ndiꞌi ra ya káꞌan ley ya ta̱a ra Moisés.