San Lucas 2:47 - Xochapa Mixteco

⁴⁷ Ta ndiꞌi nda ndi̱kanda ni ini xaꞌa ya káꞌan ra, saa chi xíni ni ra ta vaꞌa ni ndíkuiin ra yuꞌu nda maestro ikán.

San Lucas 2:47 Iomraidhean Croise

San Mateo 13:54

Ndi̱xaa ra ñuu mií ra, saa xa̱á ra sínaꞌa ra veꞌe ñuꞌu sinagoga. Ta ndi̱kanda ni ini na, saa xa̱á káꞌan sava na, káchi na saa: ―¿Mií kua si̱kuaꞌa ra yóꞌó xíni ni ra? ¿Ta mií ke̱e ndee íkan ra yatuꞌun xiꞌin naꞌa?

San Mateo 22:33

Saa xi̱ni soꞌo naꞌa ya ndi̱kaꞌan ra xiꞌin nda saduceo ta ndi̱kanda ni ini na xaꞌa ya sínaꞌa ra.

San Mateo 7:28

Tá sindiꞌi ndi̱kaꞌan Jesús xiꞌin na, ta ndi̱kanda ni ini na xi̱ni soꞌo na tuꞌun ya sínaꞌa ra.

San Marcos 1:22

Ta ndi̱kanda ni ini naꞌa xíni soꞌo na ya káꞌan ra, chi káꞌan ra tá káꞌan iin ra kúu mií chiñu ndee ni, ta köo káꞌan ra tá kuꞌva káꞌan nda maestro nda sínaꞌa ley ya ta̱a ra Moisés.

San Marcos 11:18

Saa tá xi̱ni soꞌo nda naꞌnu nuu sutu xiꞌin nda sínaꞌa ley ya ta̱a ra Moisés, ta ñaa xa̱á ndíkani ini nda ndá kuꞌva koo kaꞌni nda Jesús, saa chi xa̱á nda íꞌvi nda xaꞌa ya kuaꞌa ni naꞌa xa̱á xínu ini xaꞌa ya sínaꞌa ra.

San Marcos 6:2

Tá ti̱ndaa kivi i̱í ndíkundee na, saa ndi̱xaa ra veꞌe ñuꞌu sinagoga xa̱á ra sínaꞌa ra. Ta kuaꞌa ka vi na xíni soꞌo káꞌan ra, iin ndíkanda ini na xíni soꞌo na káꞌan ra, saa káꞌan na xaꞌa ra: ―¿Ndachu vaꞌa xíni ni ra? Tá káꞌan iin ra ndíchi ni saa káꞌan ra. ¿Ta ndachu vaꞌa íkan ra yatuꞌun?

San Lucas 2:18

Ta ndiꞌi na xíni soꞌo tuꞌun káꞌan nda paxto ikán ndi̱kanda ni ini na ndóo na.

San Lucas 2:46

Ta nda kivi uni ndi̱taꞌan na ra veꞌe ñuꞌu kaꞌnu, índuꞌu koo ra maꞌñu nda maestro nda xíni ni ley Ndioxi ya ta̱a ra Moisés, xíni soꞌo ra ya káꞌan nda ta ndákan tuꞌun ñaꞌa ra.

San Lucas 4:22

Ta ndiꞌi na xi̱ni soꞌo ya ndi̱kaꞌan ra vaꞌa ka vi káꞌan na xaꞌa ra. Saa ndi̱kanda ni ini na ndóo na, chi vaꞌa ni káꞌan ra. Ñaa ndi̱ndakan tuꞌun taꞌan na, káchi na saa: ―¿Án süvi seꞌe ra José ku ra yóꞌó? Ta ¿ndachu vaꞌa xíni ni ra? ―káchi na.

San Lucas 4:32

Ta ndi̱kanda ni ini ndiꞌi na xíni soꞌo ya sínaꞌa ra. Saa chi ndee ni ndee kúu mií tuꞌun káꞌan ra.

San Juan 7:15

Ta iin ndi̱kanda ini nda chiñu nuu na judío xíni soꞌo nda káꞌan ra, saa xa̱á nda káꞌan nda, káchi nda saa: ―¿Ndachu vaꞌa xíni ni ra, ta süvi ra ndi̱sikuaꞌa ku ra? ―káchi nda.

San Juan 7:46

Saa ndi̱kuiin na ikán káꞌan na, káchi na saa: ―Nda iin naꞌa köo káꞌan tá kuꞌva káꞌan ra ikán ―káchi na.