San Lucas 2:39 - Xochapa Mixteco

³⁹ Sindiꞌi tá xa̱a súvi ndiꞌi na ya ndi̱kaꞌan Ndioxi ya ta̱a ra Moisés, ta saa ndi̱ko koo na kuanuꞌu na ñuu Nazaret ya ndíkaa estado Galilea.

San Lucas 2:39 Iomraidhean Croise

San Mateo 3:15

Saa ndi̱kuiin Jesús, káchi ra saa: ―Käsi un nuu i, vaꞌa ka sikuchi un yeꞌe vitin, saa chi soꞌva xíniñuꞌu yo xaa súvi yo ya xáꞌnda chiñu Ndioxi ―káchi Jesús xiꞌin ra. Saa ndi̱xinu ini ra Juan si̱kuchi ñaꞌa ra.

San Lucas 1:26

Tá ndi̱xinu iñu yoó ñúꞌu seꞌe yá Elisabet ta ti̱ꞌvi Ndioxi tatun ra Gabriel kuaꞌan ya iin ñuu náni Nazaret ya ndíkaa estado Galilea.

San Lucas 1:6

Ta vaꞌa ni ndi̱xiyo ra Zacarías xiꞌin yá síꞌi ra ka̱ñuꞌu ni na Ndioxi, tá íyo ya ndi̱kaꞌan ra, saa íyo ya i̱kan na. Xaꞌa ya ikán kua köo ndi̱niꞌi ndá ka naꞌa taxi na kuachi xaꞌa ra Zacarías xiꞌin yá síꞌi ra.

San Lucas 2:4

Ta xaꞌa ya ikán kua ke̱e ra José ñuu Nazaret ya ndíkaa estado Galilea. Ta ndi̱kiꞌin ra kuaꞌan ra kaꞌi kivi ra ñuu Belén ya ndíkaa estado Judea, nuu ka̱ku ra rey David, xii sikua ra.

San Lucas 2:51

Sundi siꞌí ra ta chívaꞌa ndiꞌi yá tuꞌun ikán nima yá. Ñaa ke̱e ra ñuu Jerusalén, ndi̱kiꞌin ra kuanuꞌu ra xiꞌin iva siꞌí ra nda ñuu Nazaret. Ta ndiꞌi saa kivi xíni soꞌo ndiꞌi ra ya káꞌan iva siꞌí ra xiꞌin ra.

San Lucas 4:16

Saa ndi̱ko koo Jesús ndi̱xaa ra ñuu Nazaret nuu xa̱ꞌnu ra. Ta ke̱e ra kuaꞌan ra veꞌe ñuꞌu kivi i̱í ndíkundee na, saa chi saa ini ra. Tá ndi̱xaa ra ini veꞌe ñuꞌu sinagoga ikán, ta ndi̱kundichi ra kaꞌvi ra tuꞌun Ndioxi.

San Lucas 4:23

Ta saa ndi̱kaꞌan Jesús xiꞌin na, káchi ra saa: ―Xa ku̱ndaa va ini i chi vaxi kivi ta kaꞌan ndo xiꞌin i tá káchi na káꞌan: “Ndotor, xaa tatan un mií un”, kachi ndo. Ta saa kaꞌan ka ndo: “Án su yóꞌó ku ra i̱kan kuaꞌa ni ya vaꞌa ñuu Capernaum, ta vaꞌa ná ikan tu un taꞌan ya i̱kan un ñuu ikán ñuu un yóꞌó va”, kachi ndo xiꞌin i ―káchi Jesús xiꞌin na.