San Lucas 2:36 - Xochapa Mixteco

³⁶ Ta kivi ikán íyo iin yá náni Ana ini veꞌe ñuꞌu kaꞌnu ikán ta xa ku̱chee ni yá, saa káꞌan ndoso yá tuꞌun yuꞌu Ndioxi, ta seꞌe ra Fanuel ku yá. Xii sikua yá ku ra Aser. Ta loꞌo ni yá ti̱ndaꞌa yá. Ta ndi̱xiyo yá xiꞌin ií yá uxa kuiya, ta saa ndi̱xiꞌi ra.

San Lucas 2:36 Iomraidhean Croise

San Lucas 2:35

saa ndituvi ya ndíkani ini na. Ta yóꞌo̱, tindaa iin kivi ta yáꞌa ni kusuchi ini un, nda tá ndóꞌo na táꞌnda xiꞌin i̱chi nima, saa kundoꞌo nima un ―káchi ra xiꞌin yá María.

San Lucas 2:38

Ta saa ndi̱xaa yá mií hora ikán nuu íyo iva siꞌi ra loꞌo Jesús. Ñaa xa̱á yá káꞌan yá xiꞌin Ndioxi, táxi yá ndixaꞌvi ndaꞌa ra xaꞌa ya ti̱ꞌvi ra, ra loꞌo Jesús vaxi ra ñuu ivi. Ta saa ndítuꞌun yá xaꞌa ra xiꞌin ndiꞌi na ndátun Ndioxi ya tiꞌvi ra taa sikaku na Israel.

Los Hechos 2:18

Ta kivi ikán taxi i Tachi i koo ya xiꞌin na xáa chiñu nuu i: taa ku ra, ñaꞌa ku ná, ndiꞌi na taxi i ya ndaꞌa ya kaꞌan ndoso na tuꞌun yuꞌu i.

Los Hechos 21:9

Ta íyo kumi seꞌe siꞌí ra ná kuâán taki, ta kumi saa ná ikán káꞌan ndoso tuꞌun yuꞌu Ndioxi.

1 Corintios 11:5

Ta saa ndiꞌi ná síꞌi, tá tu köo ndíkasi ná xi̱ní ná tá káꞌan ná xiꞌin Ndioxi án tá káꞌan ná tuꞌun yuꞌu Ndioxi, ta köo xáa toꞌo ná ra kúu xi̱ní xiꞌin ná. Xaꞌa ya íkan ná saa, ta vaꞌa ka ná ndixata ndiꞌi va ná ixí xi̱ní ná.

1 Corintios 12:1

Ñani yo, kúni i ná kundaa ini ndo ndá kuꞌva kua íyo xaꞌa ndee vaꞌa ni, ya ke̱e nuu ndivi si̱niꞌi Ndioxi yoo.

1 Timoteo 3:2

Chi ndiꞌi ñani yo, nda kúni ikán taꞌan chiñu yóꞌó ta xíniñuꞌu ndâku ni ná koo ini nda, ya ná köo naꞌa kaꞌan xaꞌa nda, ta iindaa ná koo yá síꞌi nda, ta ná kuñuꞌu káxin teꞌe ini nda, ndíchi ná koo xi̱ní nda, ta i̱í ná koo ini nda, ta ná koo ndúvi nda ndikuiso nda naꞌa, na xáa veꞌe nda, saa ná koo ndúvi nda ya vaꞌa ni sinaꞌa nda tuꞌun Ndioxi.

1 Timoteo 5:9

Ta ná kuâán ná ndi̱xiꞌi ndaa, ná ndixa xíniñuꞌu na veꞌe ñuꞌu chindee taꞌan na xiꞌin ku taꞌan ná yóꞌó: ná kúu mií uni xiko kuiya án yáꞌa ka ya, tá tu iindaa ndi̱xiyo ií ná, ta ná ñaa ku ná xíniñuꞌu na veꞌe ñuꞌu chindee taꞌan na xiꞌin.

El Apocalipsis 7:6

Inka uxi uvi mil na kúu mií sello Ndioxi ku na kúu seꞌe ñani sikua ra Aser. Inka uxi uvi mil na kúu mií sello Ndioxi ku na kúu seꞌe ñani sikua ra Neftalí. Inka uxi uvi mil na kúu mií sello Ndioxi ku na kúu seꞌe ñani sikua ra Manasés.