San Lucas 2:26 - Xochapa Mixteco

²⁶ Ta xa yachi ndi̱kaꞌan Tachi I̱í Ndioxi xiꞌin ra, káchi ya saa: ―Küvi yachi un, nda ná kuni un taa ra ti̱ꞌvi Ndioxi sikaku na Israel, saa kuvi un ―káchi ya xiꞌin ra.

San Lucas 2:26 Iomraidhean Croise

San Mateo 2:12

Saa si̱xani Ndioxi nda ndíchi ikán, ta ku̱ndaa ini nda, ya ndïko koo nda ñuu nuu íyo ra Herodes. Ta saa ndi̱ko koo nda kuanuꞌu nda ñuu nda, ta köo ndi̱ndiko koo nda nuu ra Herodes. Inka ichí ndi̱kiꞌin nda kuaꞌan nda.

San Lucas 2:29

Tata Iva yo Ndioxi, vitin xa ndi̱xinu ya ndi̱kaꞌan un xiꞌin i yachi, yakan vaꞌa taxi un kuvi yeꞌe ra xáa chiñu nuu un chi xa íyo vaꞌa ni ini i.

San Lucas 9:27

Ya ndaa ndixa káꞌan i xiꞌin ndo, sava ndóꞌo̱ ndóo yóꞌó vitin ta küvi yachi ndo, chi kuni ndo ndá kuꞌva káa ya yéꞌe̱ Ndioxi nuu xáꞌnda chiñu ra ―káchi Jesús xiꞌin nda.

San Juan 1:41

Ta ra xiꞌna xi̱ni ra Andrés ku ra Simón Pedro ñani ra, saa ndi̱kaꞌan ra xiꞌin ra, káchi ra saa: ―Ndi̱taꞌan nde ra Mesías ―káchi ra. (Ta Mesías ku tuꞌun hebreo ya kúni kachi Cristo).

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

San Juan 4:29

―Naꞌa ndo koto ndo iin ra taa ta ndi̱kaꞌan ndiꞌi ra xiꞌin i xaꞌa ya íkan i. Ta ¿án süvi ra kúu Cristo ku ra? ―káchi yá xiꞌin na.

San Juan 8:51

Ta ya ndaa ku tuꞌun káꞌan i xiꞌin ndo, ndiꞌi na xáa súvi tuꞌun ya káꞌan i, ta küvi na ―káchi Jesús.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

Los Hechos 17:3

Ta sínaꞌa ra na, káchi ra saa xiꞌin na: ―Tuꞌun Ndioxi ya ta̱a nda ndi̱kaꞌan ndoso tuꞌun yuꞌu ra xinaꞌa káꞌan ya xaꞌa ra kúu Cristo, ta xíniñuꞌu ra ndoꞌo ni ra, saa kuvi ra, ta sindiꞌi nditaku ra, káchi tuꞌun Ndioxi. Ta Jesús ku ra kúu Cristo, taa ra káꞌan tuꞌun Ndioxi xaꞌa. Ta suvi xaꞌa ra ikán kua káꞌan i xiꞌin ndo vitin ―káchi ra Pablo xiꞌin na.

Los Hechos 2:36

Ta xaꞌa ya ñaa kua xíniñuꞌu kundaa ini ndiꞌi ndóꞌo̱ na taꞌan yo Israel chi suvi mií Jesús ra chi̱nuu ndo nuu cruzin ku ra kúu Cristo ra sikaku yoo ―káchi ra Pedro xiꞌin nda.

Los Hechos 9:20

Ta saa ndikun xa̱á ra káꞌan ndoso ra xaꞌa Cristo ini veꞌe ñuꞌu sinagoga mi ñuu Damasco ikán, káꞌan ndoso ra xaꞌa ra ya kúu ra Seꞌe Ndioxi ―káchi ra xiꞌin na.

HEBREOS 11:5

Saa tu ra Enoc va, xaꞌa ya xi̱ndaa ni ini ra xi̱ni ra Ndioxi yakan kuaꞌan ivi ra xiꞌin Ndioxi, köo ndi̱xiꞌi ra ta nda iin ka naꞌa köo ndi̱xini ñaꞌa, saa chi Ndioxi ndi̱kiꞌin ra kuaꞌan ra. Ta xa ndi̱xiyo tuꞌun xaꞌa ra ya vaꞌa ni ku̱ni Ndioxi xi̱ni ñaꞌa ra.