San Lucas 2:25 - Xochapa Mixteco

²⁵ Ta tiempo ikán íyo iin ra náni Simeón ñuu Jerusalén, ta vaꞌa ni taa kúu mií ra, káñuꞌu ni ra Ndioxi, ta íyo Tachi I̱í Ndioxi xiꞌin ra. Saa ndátun ra taa, ra tiꞌvi Ndioxi kixi sindiko ini na Israel.

San Lucas 2:25 Iomraidhean Croise

San Marcos 15:43

Saa ndi̱xaa iin ra chiñu kaꞌnu, ra ke̱e ñuu Arimatea náni ra José. Ta ndátun ra ikán kivi ya xáa kaꞌnda chiñu Ndioxi ñuu ivi yóꞌó. Ta köo ndi̱ndiꞌvi ra ndi̱xaꞌan ra ndu̱ku ra ikin kuñu Jesús nuu ra Pilato ya sinduxin ñaꞌa ra.

San Lucas 1:41

Tá xi̱ni soꞌo yá Elisabet chi̱ndee yá María ta ndikun ndi̱kanda ya loꞌo seꞌe yá tixin yá, ta saa si̱kutu Tachi I̱í Ndioxi ya vaꞌa yá xiꞌin ndee Ndioxi.

San Lucas 1:6

Ta vaꞌa ni ndi̱xiyo ra Zacarías xiꞌin yá síꞌi ra ka̱ñuꞌu ni na Ndioxi, tá íyo ya ndi̱kaꞌan ra, saa íyo ya i̱kan na. Xaꞌa ya ikán kua köo ndi̱niꞌi ndá ka naꞌa taxi na kuachi xaꞌa ra Zacarías xiꞌin yá síꞌi ra.

San Lucas 1:67

Ta saa ndu̱ndee ni ra Zacarías iva ra loꞌo Juan xiꞌin ndee Tachi I̱í Ndioxi, saa xa̱á ra káꞌan ra xaꞌa Ndioxi, káchi ra saa:

San Lucas 2:38

Ta saa ndi̱xaa yá mií hora ikán nuu íyo iva siꞌi ra loꞌo Jesús. Ñaa xa̱á yá káꞌan yá xiꞌin Ndioxi, táxi yá ndixaꞌvi ndaꞌa ra xaꞌa ya ti̱ꞌvi ra, ra loꞌo Jesús vaxi ra ñuu ivi. Ta saa ndítuꞌun yá xaꞌa ra xiꞌin ndiꞌi na ndátun Ndioxi ya tiꞌvi ra taa sikaku na Israel.

San Lucas 23:51

Ta köo ndi̱xiyo yuꞌu ra xiꞌin na chiñu xaꞌa ya i̱kan na xiꞌin Jesús, saa chi ndátun tu ra ikán va xáa Ndioxi kaꞌnda chiñu ra nuu na ñuu ivi yoꞌo.

Los Hechos 10:2

Ta káñuꞌu ni ra Cornelio Ndioxi saa tu na veꞌe va ra, káñuꞌu ni na Ndioxi. Saa chíndee ni ra na judío, na ndaꞌvi, ta káꞌan ni ra xiꞌin Ndioxi.

Los Hechos 10:22

Saa ndi̱kuiin nda káꞌan nda: ―Ra Cornelio, ra xáꞌnda chiñu nuu iin ciento nda lapa ñuu Roma ku ra ti̱ꞌvi ndeꞌe vaxi nde nuu un. Vaꞌa ni taa ku mií ra ikán, káñuꞌu ni ra Ndioxi ta ndiꞌi na judío vaꞌa ni káꞌan na xaꞌa ra. Ta ndi̱tuvi iin tatun ya i̱í nuu ra ndi̱kaꞌan ya xiꞌin ra ya ná tiꞌvi ra ndeꞌe kixi nde nuu un kaꞌan nde xiꞌin un kuꞌun un veꞌe ra ndituꞌun un xiꞌin ra ta kuni soꞌo ra tuꞌun ya kaꞌan un xiꞌin ra ―káchi nda ikán xiꞌin ra Pedro.

Los Hechos 2:5

Ta kuaꞌa ni nda judío nda káñuꞌu ni Ndioxi ndi̱xaa ndóo ñuu Jerusalén kivi ikán, ta kuaꞌa ni nda ikán ka̱ku inka ñuu ta ndi̱xaa nda ndóo nda ikán.

Los Hechos 24:16

Xaꞌa ya kándixa i ya ñaa yakan kua kíꞌin ni i kuenta xaꞌa ñaꞌa íkan i nuu Ndioxi xiꞌin nuu na ñuu ivi yóꞌó.

2 Pedro 1:21

Saa chi tuꞌun ya ta̱a nda ndi̱kaꞌan ndoso tuꞌun yuꞌu Ndioxi, ta süvi xiní mií nda ndíkana ya ta̱a nda, mií Tachi I̱í Ndioxi kua si̱ndikaꞌán ini nda xiꞌin ndiꞌi ya ta̱a nda.