San Lucas 2:14 - Xochapa Mixteco

¹⁴ ¡Ná kunuu ka ya toꞌo Ndioxi, ra íyo nuu ndivi! 2 Ta ná koo vaꞌa ni ini na ñuu ivi na íkan ra ya vaꞌa xiꞌin ―káchi na tatun ikán.

San Lucas 2:14 Iomraidhean Croise

San Mateo 21:9

Ta ndiꞌi naꞌa kuaꞌan xiꞌin ra, na ndóso nuu tin na ndíkun sata ra, iin ndáꞌi koꞌo ndiꞌi na, káchi na saa: ―¡Hosanna! ¡Ná xaa kaꞌnu ni yo Ndioxi xaꞌa Seꞌe ra David yóꞌó! ¡Chi yuꞌu Iva yo Ndioxi kua vaxi ra yóꞌó sikaku ra yoo! ¡Hosanna! ¡Ná kunuu sukun ni ya toꞌo Ndioxi! ―káchi na xaꞌa Jesús.

San Lucas 1:79

Chi kixi ra sindiyeꞌe ra nuu na ndóo nuu naá, na köo xíni xaꞌa ra, chi na ikán tá íin na xa ndátun kuvi va saa íin na. 2 Saa sinaꞌa ra ichí nuu yo kuꞌun yo nuu luvi ni káa ―káchi ra Zacarías xiꞌin ya lee loꞌo seꞌe ra.

San Lucas 19:38

Saa káꞌan na: ―Ná ikan Ndioxi ya vaꞌa xiꞌin ra yóꞌó, chi Rey ra kaꞌnu nuu yo ku ra, ra ke̱e nuu Ndioxi ku ra. Vitin taxi Ndioxi koo vaꞌa naꞌa xiꞌin ra nuu ndivi, ta ná kunuu sukun ni ya toꞌo ra ―káchi na.

San Lucas 2:13

Ta saa kama ni ndi̱tuvi kuaꞌa ka tatun Ndioxi nuu ndivi, ndi̱kitaꞌan ya xiꞌin tatun ya ndi̱kaꞌan xiꞌin nda paxto ikán. Ñaa xa̱á na káꞌan na ya vaꞌa xaꞌa Ndioxi, káchi na saa:

San Lucas 2:15

Ta saa tá ndi̱ko koo na tatun ikán kuaꞌan na nuu ndivi, saa xa̱á káꞌan nda paxto ikán xiꞌin taꞌan nda káchi nda saa: ―Ná koꞌyo ñuu Belén koto yo ya xi̱ni soꞌo yo ndi̱kaꞌan tatun Ndioxi xiꞌin yo ―káchi nda.

San Lucas 3:22

Saa nu̱u Tachi I̱í Ndioxi, tá káa kiti sata, saa káa ya nu̱u xíka nuu ya xiní ra. Ta saa xi̱ni soꞌo na ndóo ikán ndi̱kaꞌan Ndioxi xiꞌin Jesús, káchi ra saa: ―Yóꞌo̱ ku seꞌe mani i, ta íyo vaꞌa ni ini i xíni i yóꞌo̱ ―káchi ra.

San Juan 14:27

’Táxi i tuꞌun vaꞌa ndaꞌa ndo ya koo vaꞌa ni ini ndo, ta köo táxi i ya tá kuꞌva táxi na ñuu ivi yoꞌo ya, síndoo i tuꞌun vaꞌa yóꞌó ya koo ya xiꞌin ndo. Ta ya táxi i koo vaꞌa ini ndo, ta süvi taꞌan ya táxi na ñuu ivi yóꞌó kua. Ta ku ïꞌvi ndo, ni kündiꞌi ini ndo.

San Juan 17:4

’Ta chi̱nuu vaꞌa ni i ya toꞌo un nuu ndiꞌi na ñuu ivi, ta vitin si̱xinu ndiꞌi i chiñu ya ta̱xi un ndaꞌa i xaa súvi i.

San Juan 3:16

’Saa chi yáꞌa ni kúꞌvi ini Ndioxi xíni ra na ñuu ivi, xaꞌa ya ikán kua ta̱xi ra Seꞌe ra, ra iindaa mituꞌun nuu ra, yakan ndiꞌi na kándixa ra ta ndïꞌi xaꞌa na, sundi taxi ra kutaku na xiꞌin ra ndiꞌi saa kivi.

Los Hechos 10:36

Ta ndi̱kaꞌan Ndioxi xiꞌin ndeꞌe judío, tá ti̱ꞌvi ra Tata yo Jesucristo ki̱xi ra ndi̱kaꞌan ndoso ra tuꞌun vaꞌa ya táxi koo vaꞌa ni ini yo, chi ra ikán ku ra xáꞌnda chiñu nuu ndiꞌi yo ―káchi ra Pedro xiꞌin na.

ROMANOS 5:1

Xaꞌa ya kándixa yo Tata yo Jesucristo, ta Ndioxi ndása ra mií yo ndúu yo naꞌa, na vaꞌa, na íin tá íin naꞌa na köo ka kuachi kúu mií nuu ra, chi Tata yo Jesucristo ku ra si̱kitaꞌan mani yoo xiꞌin Ndioxi, ndi̱kundoo vaꞌa yo xiꞌin ra.

Efesios 1:6

Ta i̱kán ra saa xiꞌin yo, ya ná xaa kaꞌnu ni yo ra. Xaꞌa ya kúꞌvi ni ini ra xíni ra yoo kua ndi̱niꞌi uun yo nuu ra, ya i̱kan ra saa xiꞌin yo. Ndi̱kuiso ra yoo tixin Seꞌe ra, ra ndee ni kúꞌvi ini ra xíni ra.

Efesios 1:9

Ta si̱naꞌa ra ñaꞌa nuu yo ya chi̱tuni mií ra ndi̱xiyo sěꞌe nuu ra. Ta ndee ni kúsini ra si̱naꞌa ra ya yóꞌó nuu yo tixin seꞌe ra Jesucristo, chi saa chi̱kaa ini ra ikan ra xiꞌin yo.

Efesios 2:4

Sundi xaꞌa ya vaꞌa ni ini Ndioxi xiꞌin yo, yakan ku̱ndaꞌvi ni ini ra xi̱ni ra yoo, ta saa ku̱ꞌvi ni ini ra xi̱ni ra yo.

Efesios 2:7

I̱kan Ndioxi saa xiꞌin yo chi kúni ni ra ya kundaa ini yo xaꞌa ra kivi vaxi ya ndee ni vaꞌa ini ra xiꞌin yo, ta saa kúꞌvi ni ini ra xíni ra yoo tixin seꞌe ra Jesucristo.

Filipenses 2:11

Ta ndiꞌi ni kúu naꞌa ndikuni ra ta kaꞌan na xaꞌa ra, kachi na saa: “Jesucristo ku ra Chee ni xáꞌnda chiñu nuu ndiꞌi yo”, kachi na. Ta saa kua ndikunuu sukun ni ya toꞌo Iva yo Ndioxi nduu chee ni ya.

Filipenses 2:13

Saa chi Ndioxi ku ra chíkaa ya vaꞌa ini ndo ya kuni ndo ikan ndo ya vaꞌa, ta suvi ra chíndee ndóꞌo̱ ya xaa súvi ndo ya kúni mií ra.

Colosenses 1:20

Ta tixin ya i̱kan ra nuu cruzin kua si̱kitaꞌan mani ra ndiꞌi ni kúu yo ñuu ivi yóꞌó xiꞌin mií ra tin ndiꞌi ñaꞌa ya si̱kuaꞌa ra xiꞌin ya íyo nuu ndivi tin ya íyo ñuu ivi yóꞌó. Ta tixin nií Jesucristo nduta ndi̱xita nuu cruzin tá ndi̱xiꞌi ra kua ta̱xi ra ichí ndaꞌa yo ndi̱kundoo vaꞌa yo xiꞌin Ndioxi.

2 Tesalonicenses 2:16

Ta mií Tata yo Jesucristo xiꞌin mií Iva yo Ndioxi ku ra kúꞌvi ni ini xíni yoo, saa si̱ndiko ra ini yo ndiꞌi saa kúu ichí, ta ndixaꞌa ni ra ndee xiꞌin yo ya ndee ni tuun kundikun yo ra, xaꞌa ya vaꞌa ni ini ra xiꞌin yo.

El Apocalipsis 5:13

Ta saa xi̱ni soꞌo i ndiꞌi ya si̱kuaꞌa Ndioxi, ya íyo nuu ndivi tin ya íyo ñuu ivi yóꞌó xiꞌin ya íyo tixin ñuꞌú tin ya íyo ini nduta ñûꞌu, xa̱á ndiꞌi ya xáa kaꞌnu ya ra chee ra índuꞌu nuu tai toꞌo xiꞌin kiti Levo loꞌo ikán, káchi ya saa: Ná kunuu vaꞌa ni ya toꞌo ra, ta ná kaꞌan vaꞌa ni yo xaꞌa ra, chi ndee ni ndee kúu mií ra ta nda iin ichí ndïꞌi xaꞌa chiñu kúu mií ra índuꞌu nuu tai toꞌo, ta saa tu kiti levo loꞌo va, káchi ya si̱kuaꞌa Ndioxi.