San Lucas 19:5 - Xochapa Mixteco

⁵ Tá yáꞌa Jesús kuaꞌan ra ta si̱kuꞌun nuu ra ndi̱koto ra ndaꞌa itun ikán. Saa xi̱ni ra ínuu ra Zaqueo ndaꞌa nu, ñaa ndi̱kaꞌan ra xiꞌin ra, káchi ra saa: ―Zaqueo, kuanuu ndaꞌa itun ñaa, kama loꞌo koo un nuu un, saa chi kivi vitin xíniñuꞌu i kuꞌun i veꞌe un ―káchi Jesús xiꞌin ra.

San Lucas 19:5 Iomraidhean Croise

San Lucas 19:10

Ta yeꞌe ku Taa ra xa̱a ñuu ivi yóꞌó ta vaxi i nduku i na nda̱ñuꞌu ya sikaku i na ―káchi Jesús.

San Lucas 19:2

Ta nuu ndi̱yaꞌa ra ikán índuꞌu iin ra náni Zaqueo, ra ínuu nuu na ndíkaya xuꞌun kuaꞌan ndaꞌa gobierno ku ra, ta kuika ni ra.

San Lucas 19:4

Ta saa ke̱e ra xínu ra ndi̱kunuu ra kuaꞌan ra nda nuu. Ta ikán nda̱a ra ndaꞌa iin itun sicómoro ya kuchiñu ra kuni ra Jesús, chi ikán kua xíniñuꞌu yaꞌa ra.

San Lucas 19:6

Ñaa ndikun nu̱u ra, kúsini ka vi ra ndi̱kiꞌin ra Jesús kuaꞌan xiꞌin ra veꞌe ra.

San Juan 1:48

Saa ndi̱kaꞌan ra Natanael, káchi ra saa: ―¿Ndachu vaꞌa xíni un yeꞌe? ―káchi ra. Ta ndi̱kuiin Jesús káꞌan ra: ―Yachi ka tá täꞌan kana ra Felipe yóꞌo̱ vi kua, xi̱ni i yóꞌo̱ íyo un xaꞌa itun higo ―káchi Jesús xiꞌin ra.

San Juan 14:23

Saa ndi̱kuiin Jesús, káꞌan ra: ―Na kúꞌvi ini xíni yeꞌe, ta xáa súvi na ya káꞌan i xiꞌin na ta kuꞌvi ini Iva i kuni ra na, ta saa kixi Iva i tin yeꞌe, kixi nde koo nde xiꞌin na.

2 Corintios 6:1

Ndóꞌo̱ xiꞌin ndeꞌe, ta iin káchi xáa chiñu yo nuu Ndioxi, yakan xíkan ni nde ya mani nuu ndo ya ná kundàà vií ni ndo ya vaꞌa ndi̱niꞌi ndo nuu Tata yo.

Efesios 3:17

Saa xíkan ni tu i ya vaꞌa nuu Iva yo Ndioxi ya ná kandixa ni ka ndo Cristo, saa ná kuꞌvi ni ini ndo kuni ñaꞌa ndo, ta nda tá káa iin tioꞌo itun kúnu ni ndíkaa, án veꞌe ya tuun ni ndi̱kuaꞌa xaꞌa, kuꞌva saa ná kuaꞌnu ni ka tuꞌun ra nima ndo.

HEBREOS 13:2

Ta ndïndoso ini ndo ya ndikuiso vií ndo naꞌa, na xáa veꞌe ndo. Chi saa ndo̱ꞌo sava naꞌa xinaꞌa xiꞌin naꞌa, na ndi̱xaa veꞌe na, ta köo ndi̱kundaa ini na ya ndi̱kuiso na tatun Ndioxi veꞌe na.

El Apocalipsis 3:20

¡Koto ndo! Yeꞌe ku ra ndíchi yeꞌe ndo, ta kána i ndóꞌo̱. Tá ndá ndóꞌo̱ xíni soꞌo tachi i, ta xúna ndo yeꞌe ndo nuu i, saa káꞌan ndo xiꞌin i kiꞌvi i veꞌe ndo kuxíni i xiꞌin ndo, ta kuxíni ndo xiꞌin i.