San Lucas 19:21 - Xochapa Mixteco

²¹ Chi ndi̱ndiꞌvi i xiꞌin ya ndañuꞌu ya saa chi ndee ni ini un. Síkee un ñaꞌa inka na ta ni köo ndi̱chiꞌi un xiꞌin na”, káchi ra moso ikán.

San Lucas 19:21 Iomraidhean Croise

San Lucas 19:20

Ñaa ndi̱xaa inka ra moso, ra uni káchi ra saa: “Tata, uꞌún, yóꞌó íin xuꞌun un. Köo ndi̱sikuaꞌnu vi yeꞌe ya, chi̱vaꞌa i ya xi̱ndikaa vaꞌa ya ini paito va i.

San Lucas 19:22

Saa ndi̱kuiin mií ra rey ikán ndi̱kaꞌan ra: “Süvi moso vaꞌa ku yóꞌo̱. Suvi xiꞌin tuꞌun ya ndi̱kaꞌan un ñaa sikuiso kuachi i yóꞌo̱. Tá tu xíni un ndee ni ini i, ndíkuiso i ñaꞌa nuu köo ndi̱chiꞌi i káchi un,

ROMANOS 8:15

Saa chi tachi ya ndi̱kiꞌin yo ta süvi ya sindoꞌo naꞌa kua, köo xáꞌnda chiñu ya nuu yo xiꞌin ya uꞌvi, yakan köo xíniñuꞌu yo ku iꞌvi yo sitixuꞌvi Ndioxi yoo. Chi Tachi Ndioxi, ya táku ini yo vitin, ndása ya yoo seꞌe Ndioxi. Ta táxi ya kaꞌan yo xiꞌin ra, kachi yo saa: “Iva mani mií i”, kachi yo xiꞌin ra.

ROMANOS 8:7

Naꞌa na ndíkani ini xaꞌa ya väꞌa ya kútoo ni mií ikin kuñu na ikan ya, na ikán, ta na káni taꞌan xiꞌin Ndioxi ku na. Chi köo xíin na xaa súvi na ley ra, ta ni köo kúu mií na ndee xaa súvi na ya.

2 Timoteo 1:7

Saa chi Tachi I̱í Ndioxi ya ta̱xi ra íyo xiꞌin yo ta köo táxi ya nduu yo naꞌa, na ìyo ni, ta̱xi ya ndee ndaꞌa yo ya ná ndundee ni ini yo ta ná küiꞌvi yo, saa ná kuꞌvi ni ini yo kuni taꞌan yo, ta ná koo káxin teꞌe ini yo.

Santiago 2:10

Saa chi tá ndá naꞌa vaꞌa ni xáa súvi ndiꞌi ley Ndioxi, ta yáꞌa na nuu iin mituꞌun loꞌo ya káꞌan ya, tá íkan na saa ta kuakiꞌvi na kuachi xiꞌin ndiꞌi ni kúu ya káꞌan ya.

1 Juan 4:18

Tá kúꞌvi ini yo xíni yo Ndioxi ta ku ïꞌvi ka yo nuu ra. Saa chi mií ya ndee ni kúꞌvi ini yo xíni yo ra kua táva ndiꞌi mií ya síꞌvi yoo, saa kéta ya kuaꞌan ya. Ta na íꞌvi nuu Ndioxi ku na ndíkani ini xaa nduvaꞌa ra xiꞌin na. Ta na íꞌvi ku na täꞌan kuꞌvi ini kuni Ndioxi xiꞌin ndinuꞌu ini na.

Judas 1:15

ta vaxi ra ya xaa nani ra kuachi xiꞌin ndiꞌi ni kúu na, saa sitixuꞌvi ni ra na xaꞌa ndiꞌi ni kúu ya väꞌa íkan na xiꞌin ndiꞌi ni kúu tuꞌun väꞌa ya ndi̱kaꞌan na xaꞌa Ndioxi”.