San Lucas 19:12 - Xochapa Mixteco

¹² Ta saa xa̱á Jesús ndítuꞌun ra xiꞌin na káchi ra: ―Saa ndo̱ꞌo iin taa ra kúu mií chiñu ndee ni. Ke̱e ra kuaꞌan ra inka ñuu nuu taꞌnda xaꞌa ra niꞌi ra chiñu nduu ra rey, ta saa ndiko koo ra kaꞌnda chiñu ra nuu na ñuu ra.

San Lucas 19:12 Iomraidhean Croise

San Mateo 21:38

Tá xi̱ni nda ikán seꞌe ra, ta saa ndi̱kaꞌan nda xiꞌin taꞌan nda, káchi nda saa: “Ra yóꞌó ku seꞌe ra, ra ndoo xiꞌin ndiꞌi ñaꞌa ra, ta naꞌa ndo ná kaꞌni yo ra, ta ndoo yo xiꞌin ndiꞌi ñaꞌa ra”, káchi nda.

San Mateo 28:18

Saa ku̱yati Jesús nuu nda, ta ndi̱kaꞌan ra xiꞌin nda, káchi ra saa: ―Ndaꞌa yeꞌe ta̱xi Ndioxi ichí xaꞌa ndiꞌi ni kúu ñaꞌa ya íyo nuu ndivi tin ya íyo ñuu ivi yóꞌó.

San Marcos 12:1

Saa xa̱á Jesús sínaꞌa ra na tixin tuꞌun ndíchi, káchi ra saa: ―Ndi̱xiyo iin taa, ta ndi̱taan ra teꞌe uva nuu ñuꞌú ra saa chi̱kaa ndiꞌi ra corra nuu ya. Ñaa xa̱ta ra yavi xa̱a vií ra nuu kee nduta ti uva koꞌní na. Ta si̱kuaꞌa ra iin torre sukun nuu kuchiñu kundoo na kundaa na ti uva. ’Sindiꞌi ta̱xi too ra ñuꞌú ra ndaꞌa inka naꞌa ta ndi̱kiꞌin ra kuaꞌan xika ra.

San Marcos 16:19

Tá sindiꞌi Tata yo Jesús ndi̱kaꞌan ra xiꞌin nda, saa ndi̱ko koo ra kuaꞌan ra nuu ndivi i̱kan Ndioxi, ta ndi̱kunduꞌu ra ñaꞌñu kuáꞌá Ndioxi.

San Lucas 20:9

Sindiꞌi ikán xa̱á tuku Jesús ndítuꞌun ra iin tuꞌun ndíchi káchi ra saa: ―Saa ndo̱ꞌo iin ra taa, ta̱an ra iin teꞌe ti uva nuu ñuꞌú ra. Ñaa ta̱xi too ra ya ndaꞌa inka naꞌa. Saa ke̱e ra kuaꞌan xika ra inka ñuu.

San Lucas 24:51

Tá chíkaa ra ya vaꞌa na, ta saa nda̱niꞌi Ndioxi ra nda̱a ra kuaꞌan ra nuu ndivi.

San Juan 18:37

Saa ndi̱kuiin ra Pilato káchi ra saa: ―¿Án saa va, án rey ku ndixa un? ―káchi ra xiꞌin ra. Saa ndi̱kuiin Jesús káꞌan ra, káchi ra saa: ―Ya ndixa kua, saa ndixa íyo va ya. Xaꞌa ya ñaa kua ka̱ku i xa̱a i ñuu ivi yóꞌó ya ndikuiin i kaꞌan i nina ya ndaa. Ta ndiꞌi na ndíkun ya ndaa, na ñaa ku na kándixa ya káꞌan i ―káchi Jesús.

Los Hechos 17:31

Chi Ndioxi ta xa ndi̱kaxin ra Jesús, Seꞌe ra ya kixi ra iin kivi ya xaa nani ra kuachi xiꞌin ndiꞌi na ñuu ivi, ta nina xiꞌin ya ndaa ikan ra saa xiꞌin na. Chi Ndioxi ta̱xi ra xi̱ni ndiꞌi na ñuu ivi tá kivi si̱taku ra Jesús tañu na ndíi ―káchi ra Pablo xiꞌin na.

1 Corintios 15:25

Saa koo chi xíniñuꞌu Jesucristo ndikunduꞌu ra kaꞌnda chiñu ra nuu naꞌa, xiꞌin ndiꞌi nuu ñaꞌa ya ndi̱kuaꞌa, ta kuchiñu ra nuu ndiꞌi ndee ya sáa ini xíni ra, ta̱an ra ya tixin xaꞌa ra.

HEBREOS 9:28

Saa chi saa i̱kan Jesucristo iin ichí va ndi̱xiꞌi ra ya ndi̱soko ra mií ra nuu ndi̱kata ra kuachi kuaꞌa ni naꞌa. Ta sindiꞌi, tá ná ndiko koo tuku ra ichí uvi, ta kïxi ka ra ya kuvi ra xaꞌa kuachi yo, sundi kixi ra sikaku ra yo ndátun ñaꞌa.

1 Pedro 3:22

Ta nda̱a ra kuaꞌan ra nuu ndivi, índuꞌu ra ñaꞌñu kuáꞌá Ndioxi. Ta mií ra ku ra xáꞌnda chiñu nuu na tatun Ndioxi, saa xáꞌnda chiñu ra nuu ndiꞌi ndee ya íyo nuu ndivi tin ya íyo nuu ñuꞌú yóꞌó.

El Apocalipsis 1:7

Vaxi kivi ta ndiko koo Tata yo Jesucristo ñuu ivi yóꞌó, kixi ra tañu vi̱kó. Ndiꞌi saa naꞌa kuni xiꞌin nuu na ra kixi ra. Nda naꞌa, na tu̱vi itun íyo kàà xi̱ín nuu, na xa̱a ndu̱vaꞌa ni xiꞌin ra, si̱tikueꞌe ni na ra, ta nda na ikán kuni kixi ra. Ta naꞌa, na ndóo ndiꞌi ni kúu ñaꞌñu ñuu ivi, na köo ndi̱xiin kandixa ñaꞌa, nda na ikán kusuchi ni ini, kuaku ni na tá ná kuni na ra. Saa ná koo.