San Lucas 18:5 - Xochapa Mixteco

⁵ ta chindee saꞌa i yá ndi̱ndoo ndaa yóꞌó ya ná kïxi ka yá nuu i, saa chi vaxi ta vaxi va yá nuu i, ta síndiꞌi ni yá yeꞌe”, káchi ra juez ikán. Soꞌva káꞌan tuꞌun ndíchi ikán ―káchi Jesús.

San Lucas 18:5 Iomraidhean Croise

San Mateo 15:23

Ta nda iin tuꞌun köo ndi̱kuiin Jesús yuꞌu yá. Saa ku̱yati nda ítaꞌan xiꞌin ra xáku ndaꞌvi nda nuu ra, káchi nda saa: ―Tata, kaꞌan xiꞌin yá ná kuꞌun yá, saa chi ndee ni ndáꞌi yá vaxi yá sata yo ―káchi nda xiꞌin ra.

San Lucas 11:8

Vani migo ndo ku ra ta saa ni xïin ra ndikoo ra taxi ra ya ndaꞌa ndo. Sundi xaꞌa ya ndinuni loꞌo káꞌan ndo ndíta ndo yeꞌe ra, ta ndikoo saꞌa ra taxi ra ya ndúku ndo nuu ra.

San Lucas 18:3

Saa ndi̱xiyo tu iin yá ndi̱ndoo ndaa suvi mií ñuu ikán. Saa ndóꞌo yá tindoꞌo xiꞌin iin ra íyo kuachi xiꞌin yá. Ñaa xa̱á yá xíka yá nuu ra juez ikán, káꞌan yá xiꞌin ra chindee ra yá kunani kuachi yá xiꞌin ra íyo kuachi xiꞌin yá.

San Lucas 18:39

Ta na ndóso kuaꞌan nuu, ndáꞌi na xiꞌin ra ya ná kutaxin yuꞌu ra, ta ra ikán ni köo ndi̱kiꞌin ra kuenta sata na, ndíkundee ra ndáꞌi koꞌo vaꞌa ka ra, káchi ra saa: ―¡Jesús, Seꞌe sikua ra David, kundaꞌvi ini un kuni un yeꞌe, ndaꞌvi ni i! ―káchi ra.

1 Corintios 9:27

Sundi yeꞌe, ta síndoꞌo ni va i ikin kuñu i, saa xáa nduxa i xiꞌin ya ná kandixa ya yeꞌe. Saa xáꞌa ni i ndee xiꞌin mií i ya xaa súvi ni i ya kúni ra, koto ka ndïkiꞌin i ya vaꞌa taxi Ndioxi ndaꞌa i nuu ndivi, vani ra ndi̱kaꞌan ndoso tuꞌun ra ndi̱xiyo i.