San Lucas 18:16 - Xochapa Mixteco

¹⁶ Ñaa ka̱na ndiꞌi Jesús mií na vali ikán xa̱a na nuu ra, ta saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Käsi ndo nuu na vali, taxi ndo ná kixi na nuu i, chi ndiꞌi na íin tá íin na vali, na yóꞌó ku na koo nuu xáꞌnda chiñu Ndioxi.

San Lucas 18:16 Iomraidhean Croise

San Mateo 19:14

Saa ndi̱kaꞌan Jesús, káchi ra saa: ―Taxi ndo ná kixi na vali nuu i, ta käsi ndo nuu na, chi na ndíkun ichí nuu xáꞌnda chiñu Ndioxi, ta tá íin na vali yóꞌó saa íin na ―káchi ra.

San Lucas 18:15

Iin kivi xa̱a naꞌa, kuaꞌa ka vi ku na xa̱a. Ndáka na na vali xa̱a xiꞌin na ya kúni na chikaa ra ya vaꞌa na. Sundi tá xi̱ni nda ítaꞌan xiꞌin ra, ta ndi̱ndaꞌi nda xiꞌin mií na ndáka na vali ikán.

San Lucas 18:17

Ya ndaa káꞌan i xiꞌin ndo, tá xïin ndo kandixa ndo tá kuꞌva kándixa na vali yóꞌó, ta küchiñu ndo kiꞌvi ndo nuu xáꞌnda chiñu Ndioxi ―káchi Jesús.

Los Hechos 2:39

Chi saa íyo ya ndi̱kaꞌan Ndioxi. Ndi̱kaꞌan ra taxi ra Tachi ra koo ya xiꞌin ndo tin seꞌe ndo. Taxi tu ra ya koo ya xiꞌin ndiꞌi na íyo xíka ni va. Ndiꞌi kúu na kána Ndioxi kundikun ichí ra, taxi ra Tachi ra koo ya xiꞌin na ―káchi ra Pedro xiꞌin nda.

1 Corintios 14:20

Ñani yo, vaꞌa ndikani ini ndo tá kuꞌva ndíkani ini naꞌa, na xa xuxa ini, ta ndïkani ini ndo tá kuꞌva ndíkani ini na vali xaꞌa ñaꞌa ya káꞌan i xiꞌin ndo. Ndisaa nuu ya väꞌa ná koo naá ni ini ndo tá kuꞌva naá ni nuu na vali nuu ya väꞌa, saa ná koo ndo.

1 Corintios 7:14

Saa chi iin taa, ra täꞌan kandixa Tata yo Jesucristo ta ndúu i̱í ra nuu Ndioxi xaꞌa ya kándixa mií yá síꞌi ra. Ta saa tu yá síꞌi iin ñani yo, tá täꞌan kandixa yá Tata yo, ta saa ndúu i̱í tu yá ikán va, xaꞌa ya kándixa mií ra tuꞌun Tata yo Jesucristo. Tá tu süvi saa íyo ya ta nda na vali seꞌe va na íyo kuachi, taꞌan kuachi seꞌe naꞌa, na köo xíni Ndioxi, ndikuu. Sundi vitin ta nda na vali seꞌe va na ndu̱u i̱í nuu Ndioxi.

1 Pedro 2:2

Koo ndo tá kuꞌva íin na vali, na sikan ka̱ku, na ndee ni káꞌun ini ta kúni ni na chichin na, kuꞌva saa xíniñuꞌu ndo nduku ni ndo nina tuꞌun ya vaꞌa, ya kúu tuꞌun Tata yo, saa kua nduu ndo na ndinuꞌu ni ndíkun ichí ra, ya kaku ndo.