San Lucas 18:10 - Xochapa Mixteco

¹⁰ ―Saa ndo̱ꞌo uvi nda taa, ke̱e nda kuaꞌan nda veꞌe ñuꞌu kaꞌan nda xiꞌin Ndioxi. Iin ra ikán ku fariseo ta inka ra kúu ra ndíkaya xuꞌun kuaꞌan ndaꞌa gobierno.

San Lucas 18:10 Iomraidhean Croise

San Mateo 10:3

Xiꞌin ra Felipe, inka ra náni Bartolomé xiꞌin ra Tomás tin inka ra náni Mateo, ra ndíkaya xuꞌun nuu na gobierno, inka ra náni Jacobo seꞌe ra Alfeo ku ra, xiꞌin ra Lebeo, ra káꞌan na xiꞌin Tadeo.

San Lucas 19:46

Ndi̱kaꞌan ra xiꞌin na, káchi ra saa: ―Soꞌva káchi tuꞌun Ndioxi: “Veꞌe i ta veꞌe nuu kaꞌan na xiꞌin i kua”, káchi tuꞌun ra. Ta ndóꞌo̱ köo íkan ndo saa. Nda tá káa iin kava nuu ndíkitaꞌan na kuiꞌna, saa íkan ndo xiꞌin veꞌe Ndioxi ―káchi Jesús xiꞌin na.

Los Hechos 26:5

Xíni vaꞌa na yeꞌe, tá tu kúni na ndikuiin na xaꞌa ya káꞌan i ta vaꞌa kaꞌan na xaꞌa i, chi yeꞌe ta nda tá xaꞌa vi xa̱á i kándixa ni i ichí na fariseo, saa chi na ikán ku na ndee ni tuun xáa súvi ley ndeꞌe judío.

Los Hechos 3:1

Iin kivi ke̱e ra Pedro xiꞌin ra Juan, kuaꞌan nda veꞌe ñuꞌu kaꞌnu, ta kúu ya iin kuꞌva kàà uni xikuaa, hora ikán kua káꞌan na judío xiꞌin Ndioxi.

Filipenses 3:5

Chi tá ndi̱xinu una kivi ka̱ku i ta chi̱nuu na tuni Ndioxi yeꞌe, xaꞌa ya kúu i ra ñuu Israel. Ta seꞌe sikua ra Benjamín ku i, saa tu iva siꞌí i, na hebreo ku uvi saa na, yakan saa tu yeꞌe va, yeꞌe hebreo ku i. Ta xa̱a súvi ni i ley Ndioxi ya si̱ndoo ra Moisés chi ra fariseo ndi̱xiyo i.