San Lucas 17:3 - Xochapa Mixteco

³ Yakan kua kuenta ni koo ndóꞌo̱. Tá íyo iin ra ñani ndo íkan ya väꞌa xiꞌin ndo, ta kaꞌan ndo xiꞌin ra ná ïkan ka ra saa xiꞌin ndo. Tá tu ndíko koo ini ra xaꞌa ya íkan ra xiꞌin ndo, ta vaꞌa xaa kaꞌnu ni ndo xaꞌa ra.

San Lucas 17:3 Iomraidhean Croise

San Mateo 18:21

Saa ku̱yati ra Pedro nuu Jesús ta ndi̱kaꞌan ra xiꞌin ra, káchi ra saa: ―Tata, tá ndá iin ñani i íkan ya väꞌa xiꞌin i, ta ¿ndisaa ichí xíniñuꞌu i xaa kaꞌnu ini i xaꞌa na? ¿án ndisaa uxa ichí xíniñuꞌu i xaa kaꞌnu ini i xaꞌa na? ―káchi ra.

San Lucas 21:34

Yakan kuenta ni koo ndo xiꞌin mií ndo, ta kündiꞌi ini ndo xaꞌa viko nuu kuxi ndo tin koꞌo ndo, ni kündiꞌi ini ndo xaꞌa ñaꞌa ya ndíꞌi ni ini na köo xíni Ndioxi. Koo tuꞌva ndo saa chi iin kuu soꞌva ndikava kivi ikán sata ndo.

Efesios 5:15

Yakan kiꞌin ni ndo kuenta ndá kuꞌva íyo ndo, ta köo ndo tá kuꞌva íyo naꞌa, na kíꞌvi, ta vaꞌa koo ndo tá kuꞌva íyo naꞌa, na ndíchi ni.

HEBREOS 12:15

Kuenta ni koo ndo xiꞌin taꞌan ndo, kïꞌvi ndo kuachi ya táxi kuxika naꞌa nuu ya kúꞌvi ni ini Ndioxi xíni ra na. Täxi ndo kaku ya väꞌa nima ndo saa nduu ndo tá íyo iku uva, ya xatu ni síkuaꞌa kueꞌe xiꞌin naꞌa. Ta ìyo ni sindiꞌi xaꞌa ndo ya vaꞌa kuaꞌa ni naꞌa.

Santiago 5:19

Ñani mani xiꞌin kuꞌva yo, tá ndá iin ndo nda̱ñuꞌu, köo xíka ka ndo ichí Iva yo ya ndaa, ta saa vaxi inka na síndiko koo na ndóꞌo̱ ya ndiko koo tuku ndo ichí ra.

2 Juan 1:8

Ta ndóꞌo̱, kuenta ni koo ndo saa chi süvi ka vi ya mani uun xa̱a chiñu ndo. Sundi ndikundikun ni ndo Jesucristo, ta saa ndikiꞌin ndo ndiꞌi ya vaꞌa chi̱tuni Ndioxi taxi ra ndaꞌa ndo.