San Lucas 16:9 - Xochapa Mixteco

⁹ Ta saa ndi̱kaꞌan ka ra káchi ra saa: ―Yeꞌe káꞌan xiꞌin ndo, vaꞌa kuniñuꞌu ndo xuꞌun ya íyo ñuu ivi väꞌa yóꞌó, ya xaa ganaa ndo na kutaꞌan xiꞌin ndo, tá xa ndi̱ꞌi ñaꞌa ndo ta koo na ndikuiso vií ndóꞌo̱ nuu koo ndo ndiꞌi saa kúu kivi nuu ndivi.

San Lucas 16:9 Iomraidhean Croise

San Mateo 19:21

Saa ndi̱kuiin Jesús, káꞌan ra: ―Tá tu kúni un koo un iin taa ra vaꞌa ni, kuáꞌan xiko ndiꞌi ñaꞌa ya kúu mií un, saa siniꞌi un xuꞌun nuu na ndaꞌvi. Saa kua ndukuika ni un xiꞌin Ndioxi nuu ndivi. Tá ndiꞌi i̱kan un saa, ta saa kixi un kundikun un yeꞌe ―káchi Jesús xiꞌin ra.

San Mateo 6:19

Saa ndi̱kaꞌan tuku Jesús, káchi ra saa: ―Küni ndo koo kuaꞌa ni ya kuika ndo ñuu ivi yóꞌó, chi ìyo kiꞌvi kiti tikixin kaxi ndiꞌi ri ya án kuxin ya ta ndiꞌi xaꞌa ya. Ni na kuiꞌna ta ìyo ni kiꞌvi na sikuiꞌna na ya.

San Mateo 6:24

Saa ndi̱kaꞌan tuku Jesús, káchi ra saa: ―Nda iin naꞌa ta küvi xaa chiñu na nuu uvi xitoꞌo na. Tá íyo uvi xitoꞌo na, ta kundasi nuu na kuni na iin ra ta inka ra ta vaꞌa ni kuni na xiꞌin ra. Án iin ra koto vaꞌa ra nuu ta inka ra köto vaꞌa ra nuu. Saa ndóꞌo̱, tá táxi ndo xáꞌnda chiñu Ndioxi nuu ndo, ta küvi taxi ndo kaꞌnda chiñu ya kuika nuu ndo. Ta saa tu tá táxi ndo xáꞌnda chiñu ya kuika nuu ndo, ta küvi taxi ndo kaꞌnda chiñu Ndioxi nuu ndo ―káchi Jesús.

San Lucas 11:41

Saa ndóꞌo̱, tá chíndee ndo na ndaꞌvi ta ndinuꞌu ini ndo taxi ndo ñaꞌa ndo ndaꞌa na. Ta saa kua kindoo vaꞌa ndo nuu Ndioxi.

San Lucas 12:33

Xiko ndo ñaꞌa kúu mií ndo, saa taxi ndo xuꞌun ndaꞌa na ndaꞌvi. Kundiꞌi ini ndo chivaꞌa ndo ñaꞌa ndo ini ñaꞌa ya köo ndíꞌi xaꞌa íyo nuu ndivi ni na kuiꞌna küchiñu sikuiꞌna ya, ni tikixin küchiñu ri sindiꞌi xaꞌa ri ya.

San Lucas 14:14

Kuáꞌan kana na ñaa kuxi na xiꞌin un, ta saa koo vaꞌa ini un. Saa chi na ikán ta küchiñu na ndasa nuu na ñaꞌa un, sundi yóꞌo̱, ta niꞌi ka un ya vaꞌa nuu Ndioxi tiempo ná nditaku na ndaa ini, na xa ndi̱xiꞌi ―káchi Jesús xiꞌin ra.

San Lucas 16:11

Yakan kua tá tu köo ndáa ndo ya kuika íyo ñuu ivi yóꞌó, ta ni Ndioxi täxi ra ya vaꞌa ya kuika íyo nuu ndivi ndaꞌa ndo, saa chi köo xíni ndo kundaa ndo ya.

San Lucas 16:13

’Ni na xáa chiñu ta köo na íyo uvi xitoꞌo, chi tá iin káchi ná kaꞌnda chiñu uvi saa xitoꞌo na chiñu nuu na, ta küchiñu na ikan na chiñu nuu uvi saa nda. Ta kundasi nuu na kuni na iin ra ta inka ra vaꞌa ni kuni na xiꞌin, saa kuꞌvi ini na kuni na iin ra ta inka ra kundasi nuu na kuni na. Yakan tá xáꞌnda chiñu Ndioxi nuu yo ta küvi taxi yo kaꞌnda chiñu xuꞌun nuu yo ―káchi Jesús.

San Lucas 16:4

Ta xa xíni va yo unkua vaꞌa ikan yo, ta saa ndikiꞌin mani na yo veꞌe na tá ná ndiꞌi chiñu yo”, káchi ra.

Los Hechos 10:31

Ndi̱kaꞌan ra xiꞌin i, káchi ra saa: “Tata Cornelio, xi̱ni soꞌo Ndioxi ya káꞌan un xiꞌin ra saa xi̱ni ra ya íkan un xiꞌin na ndaꞌvi.

Los Hechos 10:4

Saa ndi̱koto ra nuu tatun ikán, íꞌvi ka vi ra. Saa ndi̱kaꞌan ra, káchi ra saa: ―¿Unkua kúni un, Tata? ―káchi ra. Saa ndi̱kuiin tatun ikán káꞌan ya xiꞌin ra: ―Xi̱ni soꞌo ndiꞌi Ndioxi ya ndi̱kaꞌan un xiꞌin ra ta xi̱ni tu ra ya vaꞌa íkan un xiꞌin na ndaꞌvi va.

2 Corintios 4:17

Chi tindoꞌo ya ndee ni ndóꞌo nde vitin tíxuvi nde, ta ni süvi ya ndee ni kua, ya yáꞌa va kua, ni köo ítaꞌan ya xiꞌin ñaꞌa ya ndee ni luvi táxi Ndioxi ndaꞌa nde níꞌi nde nuu ra, ta ya táxi ra ndaꞌa nde ta köo ndíꞌi xaꞌa nda iin ichí.

Judas 1:21

Ta sïndoo ndo ya ndíkun ndo ichí Ndioxi, ra kúꞌvi ni ini xíni ndóꞌo̱, ta saa niꞌi ndo koo ndo xiꞌin ra ndiꞌi saa ichí xaꞌa ya kúndaꞌvi ni ini ra xíni ra ndóꞌo̱.