San Lucas 16:3 - Xochapa Mixteco

³ Ñaa xa̱á ra ndíkani ini ra, káchi ra saa: “¿Unkua ikan yo vitin? Köo xíin ka xitoꞌo yo kundaa chiñu yo xiꞌin ñaꞌa ra. Ta ni köo kúndee yo xaa chiñu yo chiñu iku, ni ya ndakan yo köo xáꞌa ndee ini yo, kúkaꞌan ni nuu yo.

San Lucas 16:3 Iomraidhean Croise

San Mateo 20:8

Tá ku̱ñuu ta saa ka̱na ra xitoꞌo ñuꞌú ikán, ra ndíso chiñu xiꞌin ñaꞌa ra, ñaa ndi̱kaꞌan ra xiꞌin ra káchi ra: “Kana ndiꞌi na xáa chiñu nuu i ta chaꞌvi un na, tá kuꞌva ndi̱kee na saa xáa un chaꞌvi un na. Xiꞌna na ndi̱kee sindiꞌi chaꞌvi un, saa ndíkun un chaꞌvi un ndiꞌi na, ta nda sindiꞌi chaꞌvi un na ndi̱kee núnu̱ú”, káchi ra xiꞌin ra.

San Marcos 10:46

Saa ndi̱xaa nda ñuu Jericó. Ñaa tá xa kétá Jesús ñuu ikán kuaꞌan ra xiꞌin nda ítaꞌan xiꞌin ra, saa kuaꞌan iin tiꞌvi chee naꞌa xiꞌin ra. Tá ka̱na koo na ñuu ikán kuaꞌan na, ta ndi̱taꞌan na iin ra kuáa̱ índuꞌu ra yuꞌu ichí ndákan ra ta náni ra Bartimeo seꞌe ra Timeo ku ra.

San Lucas 12:17

Ñaa ndi̱kunduꞌu ra xa̱á ndíkani ini ra, káchi ra saa: “¿Unkua ikan yo? ¿Mií chivaꞌa yo ñaꞌa yo?, káꞌán ra.

San Lucas 16:2

Ñaa ka̱na ñaꞌa ra káꞌan ra xiꞌin ra, káchi ra saa: “¿Án ya ndaa kua sísiki ni un xuꞌun i che? Ta vitin kúni i taxi un kuenta ndaꞌa i xaꞌa ndiꞌi chiñu íkan un, saa chi küvi ka xaa chiñu un xiꞌin i”, káchi xitoꞌo ra xiꞌin ra.

San Lucas 16:20

Ta ndi̱xiyo tu iin ra ndaꞌvi náni Lázaro va. Iin táꞌi ndiꞌi kuñu ra, xáa ra índuꞌu ndaa ra yeꞌe ra kuika ikán.

San Lucas 16:22

Saa ku̱u ta ti̱ndaa kivi ndi̱xiꞌi ra ndaꞌvi. Ta ndi̱kiꞌin na tatun Ndioxi ra kuaꞌan ra xiꞌin na nuu ndivi, nuu íyo ra Abraham. Ta sindiꞌi ndi̱xiꞌi tu ra kuika va. Saa ndi̱xaꞌan na si̱nduxin na ra.

San Lucas 16:4

Ta xa xíni va yo unkua vaꞌa ikan yo, ta saa ndikiꞌin mani na yo veꞌe na tá ná ndiꞌi chiñu yo”, káchi ra.

San Lucas 18:4

Ta ni köo káꞌan ra juez ikán chindee ra yá. Saa kúu yá, saa kúu yá xíka yá nuu ra vitin taan. Ñaa xa̱á ndíkani ini ra káchi ra saa: “Vani köo káñuꞌu i Ndioxi ni köo káñuꞌu i na ivi yóꞌó,

San Juan 9:8

Ta ndiꞌi na ndóo yati xiꞌin ra xiꞌin inka na xíni kuáa̱ ra, káchi na saa: ―¿Án süvi ra yóꞌó ku ra xi̱nduꞌu ndi̱ndakan xuꞌun? ―káchi na xiꞌin taꞌan na.

Los Hechos 3:2

Ñaa ndi̱xaa nda yeꞌe ñuꞌu ta xi̱ni nda índuꞌu iin ra ndákan, küvi kaka ra. Saa káa ra tá ka̱ku ra. Ta ndiꞌi kivi xáꞌan na taꞌan ra ndáka ñaꞌa na mií yeꞌe ñuꞌu nuu íin yeꞌe ya náni Yeꞌe Luvi. Ikán chínduꞌu na ra ndákan ra xuꞌun nuu na xáa veꞌe ñuꞌu.

Los Hechos 9:6

Ñaa xa̱á kísi ya ra íꞌvi ka vi ra, saa ndi̱kuiin ra káꞌan ra: ―¿Unkua ikan i kúni un, Tata? ―káchi ra. Ta saa ndi̱kuiin Tata yo Jesús ndi̱kaꞌan ra xiꞌin ra, káchi ra saa: ―Kuandikoo, ta ná xaa un ñuu Damasco, ta ñaa kaꞌan na xiꞌin un unkua xíniñuꞌu un ikan un ―káchi Jesús xiꞌin ra.

2 Tesalonicenses 3:11

Chi ku̱ndaa ini nde xaꞌa sava ndo ya köo xíin ndo xaa chiñu ndo, saa íin ndo ndóo mií ndo ni köo chiñu íkan ndo, takua ndóo xúxan ndo, saa kuaꞌan ndo síndiꞌi ni ndo ini inka naꞌa, káchi na xaꞌa ndo.