San Lucas 16:21 - Xochapa Mixteco

²¹ Ta yasin ka vi kúni kuxi ra ñaꞌa kóyo tixin mesa ra kuika ikán. Ndaꞌvi ka vi káa ra, nda tina tíꞌvi ndaa nuu ti̱kueꞌe sata ra.

San Lucas 16:21 Iomraidhean Croise

San Mateo 15:27

Saa ndi̱kaꞌan yá xiꞌin ra, káchi yá saa: ―Saa ndixa va Tata, ta nda ni tina ta xíxi rí ñaꞌa ya kóyo ndoso tixin mesa xitoꞌo ri ―káchi yá xiꞌin ra.

San Marcos 7:28

Saa ndi̱kuiin yá, káꞌan yá: ―Saa ndixa va, Tata, sundi tá xíxi na, ta kóyo ñaꞌa yuꞌu na tixin mesa ndíkaya tina vali xíxi ri ―káchi yá xiꞌin ra.

San Lucas 16:20

Ta ndi̱xiyo tu iin ra ndaꞌvi náni Lázaro va. Iin táꞌi ndiꞌi kuñu ra, xáa ra índuꞌu ndaa ra yeꞌe ra kuika ikán.

San Lucas 16:22

Saa ku̱u ta ti̱ndaa kivi ndi̱xiꞌi ra ndaꞌvi. Ta ndi̱kiꞌin na tatun Ndioxi ra kuaꞌan ra xiꞌin na nuu ndivi, nuu íyo ra Abraham. Ta sindiꞌi ndi̱xiꞌi tu ra kuika va. Saa ndi̱xaꞌan na si̱nduxin na ra.

San Juan 6:12

Tá ndi̱ꞌi xi̱xi ndiꞌi na, saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Ndikaya ndiꞌi ndo ñaꞌa ya ndi̱ndoo yuꞌu na ya ná küita ya ―káchi ra xiꞌin nda.

1 Corintios 4:11

Ta nda kivi vitin ta ndee ni káꞌun ini nde kúni kuxi nde ta íchi tu nde tikuii va, ni köo tu toto kundixi va nde, saa xáa nduvaꞌa naꞌa xiꞌin nde, ta ni köo tu veꞌe va nde.

2 Corintios 11:27

Ndee ni ndee xa̱a chiñu i nda ku̱naa ni i, kuaꞌa ni ñǔu ndi̱xiꞌi i maꞌna, ndo̱ꞌo ni ini i, ta sava ichí kúni kuxi ni i saa ndi̱ndichi ni i tikuii, ta sava ichí ndee ni vixin xíꞌi i, ta ni köo toto kundixi i.