San Lucas 16:2 - Xochapa Mixteco

² Ñaa ka̱na ñaꞌa ra káꞌan ra xiꞌin ra, káchi ra saa: “¿Án ya ndaa kua sísiki ni un xuꞌun i che? Ta vitin kúni i taxi un kuenta ndaꞌa i xaꞌa ndiꞌi chiñu íkan un, saa chi küvi ka xaa chiñu un xiꞌin i”, káchi xitoꞌo ra xiꞌin ra.

San Lucas 16:2 Iomraidhean Croise

San Mateo 12:36

Ta yeꞌe káꞌan xiꞌin ndo, tindaa kivi sindiꞌi tá ná xaa nani Ndioxi kuachi xiꞌin na ñuu ivi yóꞌó. Ta ndiꞌi na taxi kuenta ndaꞌa ra xaꞌa iin iin nuu tuꞌun väꞌa, ya kíꞌvi ka̱na koo yuꞌu na ndi̱kaꞌan na.

San Mateo 20:8

Tá ku̱ñuu ta saa ka̱na ra xitoꞌo ñuꞌú ikán, ra ndíso chiñu xiꞌin ñaꞌa ra, ñaa ndi̱kaꞌan ra xiꞌin ra káchi ra: “Kana ndiꞌi na xáa chiñu nuu i ta chaꞌvi un na, tá kuꞌva ndi̱kee na saa xáa un chaꞌvi un na. Xiꞌna na ndi̱kee sindiꞌi chaꞌvi un, saa ndíkun un chaꞌvi un ndiꞌi na, ta nda sindiꞌi chaꞌvi un na ndi̱kee núnu̱ú”, káchi ra xiꞌin ra.

San Lucas 12:20

Ta saa ndi̱kaꞌan Ndioxi xiꞌin ra, káchi ra saa: “Yóꞌo̱ kíꞌvi ku yóꞌo̱, ñûu vitin kuvi un, ta ndiꞌi ñaꞌa ya kúu mií un ya vaꞌa inka va na koo ya”, káchi Ndioxi xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.

San Lucas 12:42

Saa ndi̱kaꞌan Jesús xiꞌin ra, káchi ra saa: ―Iin ra moso, ra ndíso chiñu xiꞌin ñaꞌa xitoꞌo ra, ra ndaa ni ini ta ni xitoꞌo ra köo xíka ini ra xíni ñaꞌa ra, táxi ndiꞌi ra ñaꞌa kúu mií ra ndaꞌa moso ra. Ndáa ndiꞌi moso ra ñaꞌa ra, saa táxi ra ñaꞌa xitoꞌo ra xíxi ndiꞌi na xáa chiñu xiꞌin xitoꞌo ra.

San Lucas 16:1

Saa ndi̱tuꞌun Jesús inka tuꞌun ndíchi xiꞌin nda ítaꞌan xiꞌin ra, káchi ra saa: ―Soꞌva ndo̱ꞌo iin ra kuika xiꞌin ra ndíso chiñu xiꞌin ñaꞌa ra. Ndi̱xaꞌan na ndi̱tuꞌun na xaꞌa ra xiꞌin xitoꞌo ra ya sísiki ndikuu ra xuꞌun xitoꞌo ra.

San Lucas 16:3

Ñaa xa̱á ra ndíkani ini ra, káchi ra saa: “¿Unkua ikan yo vitin? Köo xíin ka xitoꞌo yo kundaa chiñu yo xiꞌin ñaꞌa ra. Ta ni köo kúndee yo xaa chiñu yo chiñu iku, ni ya ndakan yo köo xáꞌa ndee ini yo, kúkaꞌan ni nuu yo.

ROMANOS 14:12

Kuenta vaꞌa ná koo yo chi vaxi kivi, ta ndiꞌi ni kúu yo taxi kuenta ndaꞌa Ndioxi xaꞌa ya íkan yo.

1 Corintios 1:11

Káꞌan i saa xiꞌin ndo ñani mií yo, chi ku̱ndaa ini i xaꞌa ndo ya káni taꞌan ndo xiꞌin taꞌan ndo, káchi sava na veꞌe ra Cloé ndítuꞌun na xaꞌa ndo xiꞌin i.

1 Corintios 4:2

Xa xíni yo, iin naꞌa, na ndíso chiñu xiꞌin ñaꞌa ya ta̱xi Ndioxi ndaꞌa na, ta xíniñuꞌu na kuu na naꞌa, na ndaa ini, na ndixa xáa súvi chiñu ndi̱kiꞌvi ndaꞌa na.

1 Corintios 4:5

Xaꞌa ya ñaa kua káꞌan i xiꞌin ndo, táxi i nuu ndo. Käꞌan kama ni ndo xaꞌa naꞌa ya xaa nani ndo kuachi xiꞌin na. Kundatun ndo nda ná xinu mií tiempo ya ndiko koo Tata yo Jesucristo, chi mií ra ku ra sindiyeꞌe ndiꞌi saa kúu. Ta saa kua ndituvi ndiꞌi ñaꞌa ya íyo sěꞌe vitin. Ta saa kua ndituvi nda ñaꞌa ya íyo sěꞌe nima naꞌa, ndá kuꞌva ku ya ndíkani ini na. Ta suvi mií tiempo ikán kua xaa kaꞌnu Ndioxi naꞌa, tá kuꞌva íyo ya i̱kan na, saa koo ya ikan ra xiꞌin na.

2 Corintios 5:10

Saa chi xa kúndaa ini yo vaxi kivi ta kundita ndiꞌi yo nuu Tata yo Jesucristo, nuu índuꞌu ra xáa nani ra kuachi. Ta saa kundita yo nuu ra ya xaa nani ra kuachi xiꞌin iin iin yo nuu chaꞌvi ra yoo xaꞌa chiñu i̱kan yo, án ya vaꞌa i̱kan yo, án ya väꞌa i̱kan yo kivi xi̱taku yo ini ikin kuñu yo ñuu ivi yóꞌó.

1 Timoteo 4:14

Ta kuenta ni koo un, ndïndoso ini un xaꞌa ndee vaꞌa ni ta̱xi Ndioxi ndaꞌa un, tá kivi síndikaꞌán mií Tachi ra ini nda ñani yo, nda xikuaꞌa veꞌe ñuꞌu nuu chi̱nuu ndaꞌa nda xi̱ní un.

1 Timoteo 5:24

Ta xaꞌa ya káꞌan i xiꞌin un xaꞌa nda ñani yo, nda ndikaxin un kundiso chiñu xiꞌin na veꞌe ñuꞌu, tá íyo ya káꞌan i xiꞌin un saa koo ya ikan un, chi íyo sava nda ni köo naꞌa táxi kuachi xaꞌa nda, ta kama ni va ndíkuni yo nda ya íkan nda ya väꞌa, sundi sava nda ta köo kúndaa kama ini yo xiꞌin nda.

1 Pedro 4:10

Saa chi Iva yo Ndioxi ta xa kuaꞌa ni va ya vaꞌa, ya xínituni ke̱e nuu ndivi ta̱xi ra ndaꞌa iin iin ndo, ya kuniñuꞌu ndo ya ikan ndo ya vaꞌa xiꞌin taꞌan ndo. Saa kua kuchiñu ndo ikan ndo kuaꞌa ni ya vaꞌa xaꞌa ya kúꞌvi ni ini Ndioxi xíni ra ndóꞌo̱.

1 Pedro 4:5

Ta kündiꞌi ini ndo xaꞌa na, chi vaxi kivi ta ndikuaꞌa ndiꞌi na kuenta nuu Iva yo Ndioxi xaꞌa ya väꞌa íkan na, chi mií ra ku ra íyo ichí ndaꞌa, ta xa íyo ndúvi ra ya xaa nani ra kuachi xiꞌin ndiꞌi naꞌa, nuu taxi ra kuachi xaꞌa na táku tin na xa ndi̱xiꞌi.

El Apocalipsis 20:12

Saa xi̱ni i ndiꞌi na ndi̱xiꞌi, na kúu mií chiñu naꞌnu tin na kúu mií chiñu vali. Ta ndíta ndiꞌi na ikán yati nuu ndíchi tai i̱í itun toꞌo chee. Saa ndi̱xuna kuaꞌa ni tutu nuu ndóso ya i̱kan ndiꞌi naꞌa tá xi̱taku na ñuu ivi, ñaa ndi̱xuna inka tutu nuu ndóso kivi ndiꞌi na koo xiꞌin Ndioxi ndiꞌi saa kivi ya vaxi. Saa xa̱a nani Ndioxi xaꞌa kuachi ndiꞌi na xa ndi̱xiꞌi. Tá kuꞌva íyo ya i̱kan na ndóso nuu tutu ikán, saa íyo kuachi na ya xa̱a nani Ndioxi xiꞌin na, na i̱kan ya vaꞌa ta koo na xiꞌin ra, na i̱kan ya väꞌa ta kuꞌun na ndaya.